DANIEL 7:9 - Dios Rimashca Shimicunami

⁹ Ñuca ricucujllapitajmi jatun tiyanacunata churarca. Chai tiyanapica, uni huatacunayuj Yuyajmi tiyarirca. Paipaj churanaca rasu shina yuraj nicujmi carca. Paipaj uma ajchapish yuraj nicuj millma shinami carca. Paipaj jatun tiyanaca, lunyacuj ninami carca. Chai tiyanapaj ruedacunapish, nina lunyacujllatajmi carca.

DANIEL 7:9 Iomraidhean Croise

1 REYES 22:19

Chaimi Micaiasca: –Mandaj Dios imata nishcata uyayari. Mandaj Diostaca paipaj jatun tiyarinapi tiyacujtami ricurcani. Jahua pachapi paipajta rurajcunapish alli ladomanpish, lluqui ladomanpish paipaj c'uchupi cajtami ricurcani.

2 CRÓNICAS 18:18

Shina nijpi Micaiasca: –Mandaj Dios imata nishcata uyayari. Ñucaca Mandaj Diostaca paipaj jatun tiyarinapi tiyacujtami ricurcani. Jahua pachapi paipajta rurajcunapish alli ladomanpish, lluqui ladomanpish cajtami ricurcani.

SALMOS 45:8

Tucui quiquinpaj churanacunami mirrahuan, aloehuan, casiahuan mishquijllata ashnacuj. Marfilhuan rurashca mandana huasimantami quiquintaca alabancuna.

SALMOS 90:2

Urcucunapish manaraj huacharijpimi ña tiyashcangui. Allpatapish, cai pachatapish manaraj rurashpami huiñaimanta huiñaicama ña tiyaj Dios cangui.

SALMOS 93:2

Quiquin mandashpa tiyanaca huiñaimanta huiñaicama pi mana cuyuchipajmari. Quiquinca huiñaimantami cangui.

ISAÍAS 6:1

Jatun mandaj Uzías huañui huatami, ñucaca Jatun Diostaca sumaj jatun tiyanapi tiyacujta, paipaj jahua churanaca Diospaj huasi ucupi jundajta ricurcani.

ISAÍAS 9:6

Ñucanchijmanca churitamari cushca, chai huahuamari huacharishca. Paipaj maquipimari mandanataca churashca. Paica cashna shuticunami canga: “Mancharinata cunaj, tucuita rurai tucuj Dios, huiñaita causaj Yaya, sumaj causaita Mandaj” nishcami canga.

JEREMÍAS 49:38

Mandaj Diosca cashnapishmi nin: “Elam pueblopica, ñuca mandanata churashpami, chaipi jatun mandajtapish, pai churashca mandajcunatapish tucuchisha.

EZEQUIEL 1:26

Chai pambajlla shina jahuapica, zafiro rumimanta rurashca jatun tiyarina tiyacujtapishmi ricurcani. Chai jatun tiyarinapica runaman rijchajmi tiyacurca.

DANIEL 7:13

Muscuipi shina ricucui tutallatajmi, jahua pacha p'uyupi Runa Aichayujman rijchaj shamucujta ricurcani. Uni huatacunayuj Yuyajpajman shamucujtami ricurcani. Paitaca uni huatayujpaj ñaupajmanmi c'uchuyachirca.

DANIEL 7:22

Shina cajpipish uni huatacunayuj Yuyaj shamushpami jahua pacha Diospaj jucha illajlla cajcunata mitsashpa paicunapaj allita rurarca. Jucha illajcunaca paicuna mandana punlla pajtajpimi, mandanata chasquirca.

MIQUEAS 5:2

Ashtahuanpish Efrata llajtapi caj Belén pueblolla, Judá llajtapi tiyaj familiacunapurapica, canllami tucuimanta yallitaj uchilla pueblo cangui. Chashna cajpipish, canmantami Israel llajtata Mandajca llujshinga. Paica ñaupa yayacunamantami llujshinga ninmi.

HABACUC 1:12

Ñucata Mandaj jucha illaj Taita Dioslla, canca imapish manaraj tiyaimantapachami causacungui. Chashna cashcamanta, ñucanchijca manataj huañushunchu. Mandaj Dioslla, llaquichichunmari paicunataca caipica churarcangui. Ñuca jatun Rumilla, llaquichichunmari paicunataca callarichircangui.

Mateo 17:2

Chaipimi Jesusca paicunapaj ñaupajpi shujtajyarirca. Paipaj ñahuipish inti shina lamyacujmi tucurca. Paipaj churanacunapish, luz shina yurajllami tucurca.

Mateo 28:3

Paica relampa achij nij shinami ricurirca. Churashcapish rasu shina yurajllami carca.

Marcos 9:3

Paipaj churanacunapish rasu shina lamyacujmi tucurca. Cai pachapica chai shina yurajnicujtaca, pi mana tajshai tucunchu.

Hechos 2:30

Davidca profetami carca. Chaimantami paitaca Taita Diosca cambaj huahua huahuamantami Quishpichij Cristoca shamushpa, can mandashpa tiyarinapi tiyaringa nirca. Taita Diosca pai rurasha nishcataca pajtachinataj cashcataca Davidca yacharcami.

Hechos 2:33

Paitami Taita Diosca jatun canapi churashpa, paipaj alli ladoman tiyachirca. Chaimantami Taita Diosca pai cusha nishca jucha illaj Espirituta Jesusman cujpi, paica ñucanchijman cun. Chaitami cunan cancunaca ricucunguichij, uyacunguichij.

Filipenses 3:9

Paihuanmi shujlla casha nini. Mandashcapi nishca shinata rurashpa ñuca quiquin justificarinataca mana yuyanichu. Ashtahuanpish justificashca canataca, Cristopi crishpami japircani. Chaica Diosmantami shamun, crishpallami japina.

1 Timoteo 6:16

Pai Taita Diosca mana huañujmi. Pi mana c'uchuyaipaj luzpimi causan. Paitaca pi runacuna mana ricushcachu, mana ricui tucunchu. Tucuita rurai tucujtaca huiñaita, alli nishca cachun. Chashna cachun.

1 Juan 1:5

Jesús huillajpi ñucanchij uyashcaca caimi: Diosca luzmi, paipica ima amsa mana tiyanchu. Chaitami cancunamanca huillacunchij.

Apocalipsis 1:14

Paipaj umapish ajchacunapish, yurajlla millma shina, rasu shina lamyacujmi carca. Paipaj ñahuicunapish, lunyacuj nina shinami carca.

Apocalipsis 19:18

Jatun mandajcunapaj, soldadocunata mandajcunapaj, c'ari c'ari cajcunapaj, caballocunapaj, caballopi tiyarijcunapaj, amopajta rurajcunapaj, amopajta mana rurajcunapaj, uchillacunapaj, jatuncunapaj tucuicunapaj aichacunata micuj shamuichij” nircami.

Apocalipsis 20:4

Chaipica jatun tiyarinacunatami ricurcani. Chaicunapica, imalla rurashcacunata ricuchichun Dios churashcacunami tiyacurcacuna. Shinallataj ima shina cashcatataj Jesusmanta huillashcamanta, Diospaj shimita huillashcamanta, jatun animaltapish, chai animalman rijchajta rurashcatapish mana adorashcamanta, shinallataj jatun animalpaj sellota maquipi cashpa frentepi cashpa, mana churachishcamantapish cungata p'itishpa huañuchishcacunapaj almacunatapishmi ricurcani. Paicunaca causarishpami, huaranga huatacunata Cristohuan mandarcacuna.

Apocalipsis 4:2

Chashna nincami ñucaca tucuipi Diospaj Espiritulla pushashca cashpa, jahua pachapica shuj jatun tiyarinata churashcata, chai jatun tiyarinapica shuj tiyacujtapish ricurcani.