DANIEL 7:7 - Dios Rimashca Shimicunami

⁷ Muscuipi shina ricucui tutallatajmi quimsapaj q'uipaca shujtaj animal llujshijta ricurcani. Chaica manchanana, yallitaj jatun, yallitaj fuerzayujmi carca. Paica jatun fierro quirucunatami charirca. Chaihuanmi tucuita ñutushpa millpurca. Puchushcacunataca paipaj chaquicunahuanmi sarurca. Chai animalca ñaupaman ricushca animalcunamanca maijanman mana rijchajchu carca. Chunga gachucunayujmi carca.

DANIEL 7:7 Iomraidhean Croise

2 SAMUEL 22:43

Ñutu allpa shina tucujtami cutarcani. Ñancunapi sirij lodota shinami sarurcani. Tucuimi ñutuchircani.

JOB 41:14

¿Pitaj paipaj shimitaca pascangari? Paipaj quirucunapish manchanana filajlla quirucunamari.

EZEQUIEL 40:2

Taita Diosmi ñucataca muscuipi shina Israel llajtaman pushashpa, chai llajtapi tiyaj jatun urcu jahuapi churarca. Chai urcu ura ladomanca, jatun pueblo vali shuj huasimi tiyashca carca.

DANIEL 2:19

Pi mana yachashcataca Danielmanca tutami muscuipi shina ricuchishpa huillarca. Chaimi Danielca jahua pacha Taita Diostaca allimari cangui nishpaca,

DANIEL 7:13

Muscuipi shina ricucui tutallatajmi, jahua pacha p'uyupi Runa Aichayujman rijchaj shamucujta ricurcani. Uni huatacunayuj Yuyajpajman shamucujtami ricurcani. Paitaca uni huatayujpaj ñaupajmanmi c'uchuyachirca.

DANIEL 7:2

Danielca cashnami nirca: Shuj tutami ñucaca muscuipi shina ricushpaca, jahua pacha chuscundij lado huaira mama cuchata manchanayajta cuyuchicujta ricurcani.

DANIEL 8:10

Jahua pacha Taita Diospaj soldadocunacama chayajta huiñashpami, mirga soldadocunatapish, mirga luzerocunatapish allpaman urmachishpa sarurca.

DANIEL 8:22

Chivopaj gachu p'aquirijpi, chaipaj randi chuscu gachucuna huiñashcaca, chai llajtaca chuscupi chaupirishca mandanacuna tucuna cashcatami ricuchin. Chaipi mandajcunaca, punta mandaj shina c'ari c'arica mana cangachu.

ZACARÍAS 2:1

Chai q'uipami, ñahuita huichilla alzarcani. Chaipica medina cordelta maquipi aisashpa shayacuj shuj runatami ricurcani.

Apocalipsis 12:3

Shinallataj cielopica mana ricushca shujtaj jatun mancharinami ricurirca: Puca nicuj jatun dragonmi canchis umacunayuj, chunga gachucunayuj ricurirca. Umacunapica, canchis coronacunata churashcami carca.

Apocalipsis 13:1

Mama cucha c'uchu t'iyu allpapica dragón shayacujtami ricurcani. Chai q'uipaca mama cucha chaupimantaca canchis umacunayuj, chunga gachucunayuj animal llujshicujtami ricurcani: Chai gachucunapica, chunga coronacunatami churashca carca. Chai canchis umacunapica Diosta c'amishpa rimashca shutitami quillcashca carca.

Apocalipsis 17:12

Can ricushca chunga gachucunaca, mandanata manaraj chasquij chunga jatun mandajcunami. Chashna cashpapish paicunaca jatun animaldijmi jatun mandajcuna shina mandaj canataca shuj horaspajlla chasquinga.

Apocalipsis 17:7

Chaipimi ñucataca angelca: “¿Ima nishpataj mancharingui? Can ricushca huarmimantapish paita aparishca canchis umayuj, chunga gachuyuj jatun animalmantapish pi mana entendi tucushcataca cunanmi huillasha.

Apocalipsis 17:8

Can ricushca jatun animalca ñaupamanca tiyarcami, cunanca ña illanmi. Chai jatun animalca jatun llaquipi chingarinaman ringapajllami ucujta jutcumanta ñalla llujshimugrin. Ñaupaman tiyaj, cunanca illaj, shamunapaj caj jatun animal cutin shamujpica, allpa pachapi causajcuna ricushpaca achcatami mancharingacuna. Chaicunaca causanaman rinapaj libropi paicunapaj shuticunata allpa pachata rurashca pachamanta mana quillcashcacunami chashna mancharingacuna” nircami.