DANIEL 7:6 - Dios Rimashca Shimicunami

⁶ Ishquipaj q'uipa llujshij animaltaca, leopardoman rijchajtami ricurcani. Paipaj huashapica chuscu alastami charirca. Chai animalca chuscu umayujmi carca. Paimanca mandai tucunatami curca.

DANIEL 7:6 Iomraidhean Croise

EZEQUIEL 17:3

Chaimantaca paicunamanca cashna huillangui: Mandaj Jatun Diosca cashnami nin: Suni jatun alasyuj, tucui laya color plumacunayuj jatun aguilami cedro yura ñahuita Libanomanta apanaman shamurca.

DANIEL 10:20

Shina nijpi paica cashnami nirca: ¿Cambajman ñuca imapaj shamushcata ñachu entendingui? Cunanca Persia llajtata mandajhuan macanacunamanmi tigrana cani. Paita mishajpica, Grecia llajtata mandajmi shamunga.

DANIEL 2:39

Cambaj q'uipaca shujtaj mandajmi jataringa, paica mana can shina sinchi cangachu. Chaipaj q'uipa shamuj mandajca, bronce layami canga. Paica tucui cai pachatami mandanga.

DANIEL 7:4

Punta animalca leonman rijchajmi carca. Chaica aguilapaj alasyujmi carca. Ñuca ricucujllapitajmi, paipaj alasta p'itishpa paitaca pambamanta jatarichirca. Paica shuj runa shinami ishqui chaquihuan shayarirca. Paipaj yuyaitaca gentepaj yuyai shinatami rurarca.

DANIEL 7:5

Chaipaj q'uipa llujshij animaltaca osoman rijchajtami ricurcani. Paipaj shuj lado costillasca, caishuj ladota yalli alzashcami carca. Paipaj shimipica, quimsa costillatami quirucunahuan canishpa charicurca. Paitaca: Jatari, achca aichata millpugri nircami.

OSEAS 13:7

Chaimantami ñucaca paicunapajca león shina casha. Leopardo shinami ñanpi chapasha.

Apocalipsis 13:2

Ñuca ricushca animalca, leopardoman rijchajmi carca. Paipaj chaquicunaca, osopaj shinami carca. Paipaj shimica leonpaj shimi shinami carca. Dragonca chai animalmanca pai rurai tucunata, paipaj jatun tiyarinata, jatun mandaj canatapishmi curca.