DANIEL 7:21 - Dios Rimashca Shimicunami

²¹ Chai gachuca, Diospajlla cajcunahuan macanacushpa, pai mishacujlla cajtami ricurcani.

DANIEL 7:21 Iomraidhean Croise

DANIEL 11:31

Paipaj soldadocunaca Diospaj huasitapish, torretapish yangatami ruranga. Punllanta Diosman cushpa rupachinatapish saquichingami. Chaita saquichishpaca millanana chingachijtami chaipi churanga.

DANIEL 12:7

Shina nijpica lino churanata churashca jatun yacu jahuapi shayacujca alli maquitapish, lluqui maquitapish jahua pachaman chutashpami, huiñaita causaj Taita Diospaj shutipi cashna nirca: “Quimsa huata chaupitami chashna llaqui tiyanga. Diospajlla cajcunata urata janajta cachashcacuna tucui tigrajpimi, chaicunaca pajtanga” nijtami uyarcani.

DANIEL 7:20

Paipaj umapi tiyaj chunga gachucunapish, gachucunapaj chaupimanta shuj uchilla gachu huiñashcapish, chai gachupaj ñaupajmanta quimsa gachucunata anchuchishcapish imata nisha nishcatapishmi tapurcani. Chai gachuca gentepaj ñahui shinatami charirca. Yallitaj millaita rimaj shimiyujmi carca. Chai gachuca tucui caishuj gachucunata yalli jatunmi ricurirca.

DANIEL 8:12

Paicunallataj Dios mandashca shina mana rurashcamantami soldadocunatapish, Diosman punllanta animalcunata huañuchishpa cunatapish paipaj maquipi churarca. Mana llullaj shimitaca yanganchishpami pambapi shitarca. Imatapish pai munashcatami rurarca. Chaicunaca paipajca allimi llujshirca.

DANIEL 8:24

Paica ashtahuan ashtahuan c'ari c'ari tucushpami catinga. Mana paipaj quiquin fuerzahuanchu canga. Jatuntami llaquichinga. Tucui chaicunaca paipajca allimi llujshinga. Pai munashcatami ruranga. C'ari c'aricunatapish chingachingami. Diospajlla cajcunatapish chingachingami.

DANIEL 8:9

Chai gachucunamanta shujmantaca shuj uchilla gachumi huiñarca. Chai gachuca ura ladomanpish, inti llujshin ladomanpish, Diospajlla sumaj llajta ladomanpishmi huiñashpa catirca.

Apocalipsis 17:14

Paicunaca Ovejahuanmi macanacunga. Ovejaca Mandajcunapajpish Mandaj, Jatun Mandajcunapajpish Jatun Mandaj cashcamantaca paimi mishanga. Paihuan cajcunapish Dios agllashpa cayashcacunami, paillapi shunguta churajcunami” nircami.

Apocalipsis 17:6

Chai huarmitaca, Diospajlla cajcunata huañuchishca yahuarhuan, Jesusmanta huillacushcamanta huañuchishcacunapaj yahuarhuanpish machashcatami ricurcani. Chaita ricushpaca, ñucaca achcatami mancharircani.

Apocalipsis 19:19

Yurajlla caballopi tiyarishcahuan, paipaj soldadocunahuanpish macanacungapajmi jatun animalpish, jatun mandajcunapish paicunapaj soldadocunata tandachishcata ricurcani.