DANIEL 7:16 - Dios Rimashca Shimicunami

¹⁶ Chaimi chaipi shayacujcunamanta shujpajman c'uchuyashpaca, tucui chaicuna imata nisha nishcata alli huillachun tapurcani. Paica ñucahuan parlashpami, tucui chaicuna imata nisha nishcataca cashna nirca:

DANIEL 7:16 Iomraidhean Croise

DANIEL 7:10

Paipaj ñaupajmantaca, ninami jatun yacu shina llujshicurca. Paipajtaca huaranga, huarangacunami ruracurca. Paipaj ñaupajpica yallitaj huaranga huarangacunami carca. Juez tiyarijpica, librocunaca pascashcami carca.

DANIEL 7:17

Cai chuscu jatun animalcunaca, allpa pachapi chuscu jatun mandajcuna jatarinatami ricuchin.

DANIEL 8:17

Shina nijpica, ñuca maipi canmanmi ashtahuan c'uchuyamurca. Pai shamujpica achcata mancharishpami, pambaman tupajta cumurircani. Ashtahuanpish paica: “Riqui runa alli uyai, muscuipi shina can ricushcaca tucuri punllacunapajmi” nircami.

DANIEL 9:22

Paica ñucahuan parlashpa ñucaman alli entendichishpami cashna nirca: Daniel, cunanca canman alli yachaita cushpa, alli entendichingapajmi shamurcani.

ZACARÍAS 1:19

Chaita ricushpami, ñucahuan parlanacuj angeltaca: “Chaicunaca ¿imatagari?” nijpi, chai angelca: “Cai gachucunami Judá llajtapi causajcunatapish, israelcunatapish, Jerusalén pueblopi causajcunatapish caita chaita tsirapashpa cacharcacuna” nircami.

ZACARÍAS 2:3

Chaimantaca ñapish ñucahuan parlanacuj ángel llujshijpica, shujtaj angelmi paita tupanaman llujshirca.

ZACARÍAS 3:7

“Tucuita Mandaj Diosca cantaca cashnami nin: Ñuca yachachishcacunata, mandashcacunata punllanta allita rurashpaca, ñuca huasitaca canmi mandangui. Shinallataj huasi canllacunatapish canmi ricungui. Huasi ucupi imalla tiyajcunata caicunahuan ricuchunpish canmanmi cusha.

Apocalipsis 5:5

Chaimi ancianocunamanta shujca: “Ama huacaichu, Judá aillumanta Leonmi, Davidpaj huahua huahuami chai librota pascangapaj, canchis sellohuan sellashcacunata anchuchingapajca ña tucuita mishashca” nircami.