DANIEL 7:13 - Dios Rimashca Shimicunami

¹³ Muscuipi shina ricucui tutallatajmi, jahua pacha p'uyupi Runa Aichayujman rijchaj shamucujta ricurcani. Uni huatacunayuj Yuyajpajman shamucujtami ricurcani. Paitaca uni huatayujpaj ñaupajmanmi c'uchuyachirca.

DANIEL 7:13 Iomraidhean Croise

SALMOS 110:2

Quiquin mandai tucuna varataca Mandaj Diosmi Sionmanta cachanga. Quiquinta p'iñajcunapaj chaupipimi cazuchishpa mandacungui.

SALMOS 2:8

Ñucaman mañailla can japina cashcataca llajtacunatami cusha. Inti llujshinmanta, inti huashicuncama, tucui cai pachatami canman cusha.

SALMOS 47:5

¡Mandaj Taita Diosca cushicushcacunahuanmi huichiyarca. Trompetacunapi tocashcacunahuanmi huichiyarca!

JEREMÍAS 49:19

Huirayashca sumaj animalta japinaman, Jordán yacu uri sachamanta león llujshij shinami, paicunataca llaquichinaman huichiyasha. Ñallami ñuca agllashca runata cachashpa, chai llajtamanta callpachigrini. ¿Pitaj ñuca shina cangari? Ñucahuanca ¿pitaj ch'imbapurai tucungari? Ñuca llaquichicujpica ¿pi michijtaj mitsai tucungari?” ninmi.

EZEQUIEL 1:26

Chai pambajlla shina jahuapica, zafiro rumimanta rurashca jatun tiyarina tiyacujtapishmi ricurcani. Chai jatun tiyarinapica runaman rijchajmi tiyacurca.

DANIEL 2:44

Chai jatun mandajcuna mandacui punllacunapimi, jahua pacha Taita Diosca nunca pi mana chingachina mandanata churanga. Chai mandanataca shujtaj llajtacuna mandachunca manataj saquingachu. Shujtaj mandanacunataca tucuitami ñutushpa chingachinga. Paica manataj chingaringachu.

DANIEL 7:12

Caishuj animalcunatapish paicunaman imallata cushcataca quichurcami. Shina cashpapish asha punllacunacama causaihuan saquircarajmi.

DANIEL 7:2

Danielca cashnami nirca: Shuj tutami ñucaca muscuipi shina ricushpaca, jahua pacha chuscundij lado huaira mama cuchata manchanayajta cuyuchicujta ricurcani.

DANIEL 7:22

Shina cajpipish uni huatacunayuj Yuyaj shamushpami jahua pacha Diospaj jucha illajlla cajcunata mitsashpa paicunapaj allita rurarca. Jucha illajcunaca paicuna mandana punlla pajtajpimi, mandanata chasquirca.

DANIEL 7:9

Ñuca ricucujllapitajmi jatun tiyanacunata churarca. Chai tiyanapica, uni huatacunayuj Yuyajmi tiyarirca. Paipaj churanaca rasu shina yuraj nicujmi carca. Paipaj uma ajchapish yuraj nicuj millma shinami carca. Paipaj jatun tiyanaca, lunyacuj ninami carca. Chai tiyanapaj ruedacunapish, nina lunyacujllatajmi carca.

DANIEL 8:15

Daniel ñucaca, muscuipi shina ricushcata yuyarishpa, chaica imatashi nishanin nishpa yuyacujpimi, ñapish ñuca ñaupajpica runaman rijchaj shuj shayarirca.

Mateo 13:41

Runa Aichayujca pai mandacui punllacunapi ñitcachishpalla causajcunata, millaita rurachijcunataca paipaj angelcunata cachashpa tandachichishpami,

Mateo 24:30

Chaipimi jahua pachapi, Runa Aichayuj shamucujta ricuchij señal ricurijpi tucui cai pacha aillucunaca, Runa Aichayujca jahua pachamanta p'uyupi tucuita rurai tucuj cashcahuan, achijnicuj sumaj shamucujta ricushpa huacangacuna.

Mateo 25:31

Runa Aichayuj tucuita rurai tucushcahuan mandangapaj shamushpaca, jucha illaj tucui paipaj angelcunandijmi shamunga. Chashna shamushpaca, sumaj achijnicuj tiyarinapimi tiyaringa.

Mateo 26:64

Chaimi Jesusca: –Ari, canllataj ña chashna ninguica. Caitapishmi huillasha nini: Cunanmanta pacha Runa Aichayujtaca, poderyuj Diospaj alli ladopi tiyacujtami ricunguichij. Cutin jahua pachamanta p'uyupi shamucujtapishmi ricunguichij– nircami.

Mateo 28:18

Chaipi Jesús paicunapajman c'uchuyashpaca: “Jahua pachapi, cai pachapipish tucuita mandanataca ñucamanmi curca.

Mateo 8:20

Jesusca: –Zorracunapish causanapaj jutcuta, pajarocunapish tazinta charincunami. Ashtahuanpish Runa Aichayujca, saunashpa dorminallatapish mana charinchu– nirca.

Marcos 13:26

Runa Aichayujtaca jahua pachamanta p'uyupi tucuita rurai tucuj cashcahuan, achijnicuj sumaj shamucujtami ricungacuna.

Lucas 21:27

Runa Aichayujtaca, jahua pachamanta p'uyupi tucuita rurai tucuj cashcahuan, achijnicuj sumaj shamucujtami ricungacuna.

Lucas 21:36

Punllanta Taita Diosta mañashpa yuyaipi caichij. Chaimi chai llaquicuna shamujpica quishpiri tucunguichij. Runa Aichayuj shamujpipish paipaj ñaupajpi shayari tucunguichij” nircami.

Lucas 24:27

Moisés quillcashcamanta callarishpa, tucui profetacuna quillcashcacamami, Quillcachishcacunapi pai imalla tucuna cashcata huillacushcata yuyachirca.

Juan 12:34

Chaimi chaipi caj gentecunaca: –Ñucanchijca Mandashcapica: “Quishpichij Cristoca huiñaitami causanga” nishcatami uyarcanchij. ¿Ima nishpataj canca: “Runa Aichayujtaca jahuaman huarcushcatajmi canga” ningui? ¿Chai Runa Aichayujca pitagari?– nircacunami.

Juan 3:13

Jahua pachamanca pi mana huichiyarcachu. Ashtahuanpish Runa Aichayujmi jahua pachapi cashpa uriyamurca.

Juan 5:27

Runa Aichayuj cajpimi, tucuicuna imalla rurashcata ricuchinatapish paiman curca.

Hechos 7:56

cashna nirca: –¡Riquiyari! Jahua pacha pascarishcata, runa Aichayujpish Taita Diospaj alli ladopi cajtamari ricuni– nirca.

1 Tesalonicenses 4:17

Chai q'uipami ñucanchij caipiraj saquirishca causacujcunaca, Mandaj Jesusta huairapi tupangapaj paicunahuan tandalla p'uyupi apashca cashun. Chaipimi Mandaj Jesushuan huiñaita cashun.

1 Timoteo 6:16

Pai Taita Diosca mana huañujmi. Pi mana c'uchuyaipaj luzpimi causan. Paitaca pi runacuna mana ricushcachu, mana ricui tucunchu. Tucuita rurai tucujtaca huiñaita, alli nishca cachun. Chashna cachun.

Hebreos 2:14

Gentecunaca aichayuj, yahuaryujmi, chai shinallatajmi Jesuspish aichayuj yahuaryuj tucurca. Huañuiman apacujta pai huañushpa chingachingapajmi chashna aichayuj tucurca. Chai apacujca diablomi.

Hebreos 9:24

Shina cajpica Cristoca, jahua pachapi tiyaj Diospaj huasipi ima shina cajta ricuchij cai pachapi runacuna rurashca huasillamanca mana yaicurcachu. Ashtahuanpish cunanca ñucanchijmanta Diospaj ñaupajpi ricuringapajmi, paica jahua pachamantaj yaicurca.

Apocalipsis 1:13

Chai chaupipica, Runa Aichayujman rijchaj, chaquicama churanata churashca, curi tajalita tajalishcami carca.

Apocalipsis 1:18

cunan causacujca huañurcanimi. Ashtahuanpish cunanca huiñai huiñaitami causacuni. Chashnatajmari cani. Huañuipajpish, Hadespajpish llavecunataca ñucami charicuni.

Apocalipsis 1:7

Uyaichij, Cristoca p'uyupimi shamucun. Paitaca tucuicunami ricungacuna. Paita lanzahuan tujsijcunapish ricungacunami. Paita ricushpaca, cai pachapi tucui causajcunami jatunta huacangacuna. Ari, chashnatajmi canga.

Apocalipsis 14:14

Chai q'uipa ricushpaca, shuj yuraj p'uyutami ricurcani. Chai p'uyu jahuapica, Runa Aichayujman rijchajmi tiyacurca. Paipaj umapica, curi coronata churashca, maquipica quirusapa shuj hocesta aisashcami carca.