DANIEL 7:10 - Dios Rimashca Shimicunami

¹⁰ Paipaj ñaupajmantaca, ninami jatun yacu shina llujshicurca. Paipajtaca huaranga, huarangacunami ruracurca. Paipaj ñaupajpica yallitaj huaranga huarangacunami carca. Juez tiyarijpica, librocunaca pascashcami carca.

DANIEL 7:10 Iomraidhean Croise

1 REYES 22:19

Chaimi Micaiasca: –Mandaj Dios imata nishcata uyayari. Mandaj Diostaca paipaj jatun tiyarinapi tiyacujtami ricurcani. Jahua pachapi paipajta rurajcunapish alli ladomanpish, lluqui ladomanpish paipaj c'uchupi cajtami ricurcani.

2 CRÓNICAS 18:18

Shina nijpi Micaiasca: –Mandaj Dios imata nishcata uyayari. Ñucaca Mandaj Diostaca paipaj jatun tiyarinapi tiyacujtami ricurcani. Jahua pachapi paipajta rurajcunapish alli ladomanpish, lluqui ladomanpish cajtami ricurcani.

JOB 25:3

¿Paipaj soldadocunaca yupai tucuipajchu? ¿Paipaj luzca maijanpaj jahuapica, manachu achijyachicunga?

SALMOS 103:21

Tucui cancuna Mandaj Diospaj angelcuna, allimari cangui nichigari. Cancunaca paipajta rurajcuna, paipaj munaita rurajcunamari canguichij.

SALMOS 18:8

Paipaj singamantaca cushnimi llujshirca. Paipaj shimimantaca tucuchij ninami llujshirca. Paica lunyacuj nina brazustami shitarca.

SALMOS 50:3

Ñucanchij Taita Diosca shamungami. Mana upajlla shamungachu. Ñaupajpica tucuchicuj ninahuan, muyundijtaca yallitaj jatun huairandij tamyahuanmi canga.

SALMOS 68:17

Taita Diospaj carrocunaca huaranga, huarangacunamari. Jatun Diosca Sinaí urcumantami paipajlla huasimanca shamun.

ISAÍAS 30:27

Riquichij, Mandaj Diospaj shutica carumantami shamucun. Paipaj ñahuica nina lunyacuj shinami shamucun. Tucuchij nina lunyacuj shinami shamucun. Paipaj shimipica p'iñarishcahuan jundami. C'alluca tucuchij nina lunyacuj shinami.

ISAÍAS 30:33

Asiria llajtata jatun mandajta llaquichingapajca, Tofet nishca hornoca sarunmantamari allichishca tiyacun. Chai hornoca yallitaj ucujta, anchomanpish anchomi, achca yantata churashcami yallitaj lunyacun. Mandaj Dios p'ucushpami yacuyashca yallitaj achca azufrehuan chai hornotaca japichinga.

DANIEL 12:1

Chai punllacunapica, cambaj israelcunata cuidaj jatun mandaj Miguel shuti angelmi jataringa. Chai punllacunapica jatun llaquimi tiyanga. Gentecuna cai pachapi tiyai callari pachamanta chai punllacama, manataj tiyashca jatun llaquimi tiyanga. Shina cajpipish chai punllacunapica, cambaj israelcunaca quishpichishcami canga. Libropi paicunapaj shuti quillcashcacunaca tucuicunami quishpirishca canga.

DANIEL 7:22

Shina cajpipish uni huatacunayuj Yuyaj shamushpami jahua pacha Diospaj jucha illajlla cajcunata mitsashpa paicunapaj allita rurarca. Jucha illajcunaca paicuna mandana punlla pajtajpimi, mandanata chasquirca.

DANIEL 7:26

Shina cajpipish cashcata ruraj Juez tiyarishpami, pai mandanataca quichunga. Pai mandanataca tucuitami ñutunga. Huiñaipajmi chingachinga.

ZACARÍAS 14:5

Cancunaca, chai urcucuna chaupi pugru pambapimi miticugringuichij. Chai pugru pambaca, Azal llajtacamami canga. Judá llajtata jatun mandaj Uzías mandacui punllacunapi, allpa chujchui tiyajpi manchashpa miticugricuj shinami miticugringuichij. Ñucata Mandaj Diosca, paipajlla causajcunandijmi shamunga.

Mateo 25:31

Runa Aichayuj tucuita rurai tucushcahuan mandangapaj shamushpaca, jucha illaj tucui paipaj angelcunandijmi shamunga. Chashna shamushpaca, sumaj achijnicuj tiyarinapimi tiyaringa.

DEUTERONOMIO 33:2

cashna nirca: “Mandaj Diosca Sinaimantami shamurca. Seir urcumantami achijyachirca. Parán urcumantami achij nicuj ricurirca. Huaranga huaranga paipaj jucha illajcunapaj chaupipimi shamurca. Paipaj alli lado maquipica, nina lunyacuj mandashcata apashcami shamurca.

Hebreos 1:14

¿Manachu tucui angelcuna Diospajta ruraj espiritucuna? ¿Manachu paicunaca quishpirinata japijcunapaj allita rurachun cachashcacuna?

Hebreos 12:22

Ashtahuanpish cancunaca Sión urcuman, causaj Diospaj jahua pacha Jerusalenman, huaranga huaranga angelcuna tandanacushpa Diosta alabacunmanmi c'uchuyarcanguichij.

Judas 1:14

Ñaupa yaya Adanmanta yaya Enoccamaca canchis yayacunami cashca. Enocmi Dios huillachijpi chai shina gentecunamantaca cashna nishca: “Jatun Diosca jucha illaj huaranga huaranga paipaj angelcunandij shamushpami,

Apocalipsis 11:18

Tucui llajtapi causajcunaca p'iñarishcami, can p'iñarishpa llaquichinapish ñamari chayamushca. Huañushcacuna imallata rurashcata ricuchinapish ñamari chayamushca. Chaipimi canca, cambajta ruraj profetacunamanpish, jucha illajcunamanpish, cambaj Shutita manchajcunamanpish, uchillacunamanpish, jatuncunamanpish paicuna japina cashcataca cungui. Cai pachata chingachijcunata chingachinapish ñamari chayamushca” nircacunami.

Apocalipsis 5:11

Chai q'uipaca, jatun tiyarinapaj, causaiyujcunapaj, ancianocunapaj muyundijpica, achca angelcuna rimashcatami uyarcani. Paicunaca, mana yupaipaj huaranga huarangacunami,