DANIEL 7:1 - Dios Rimashca Shimicunami

¹ Jatun mandaj Belsasar Babilonia llajtata mandai callari huatami Danielca paipaj camapi cashpa muscuipi ricuchishcata ricurca. Rijcharishpaca chaitaca huillana cashcallatami quillcarca.

DANIEL 7:1 Iomraidhean Croise

GÉNESIS 15:1

Tucui chaicuna tucushca q'uipami Mandaj Diosca muscuipi shina ricurishpa Abramtaca: –Abram, ama manchaichu. Cambaj escudoca ñucami cani. Can japina cashcaca tucuita yalli jatunmari– nirca.

GÉNESIS 46:2

Chai tutami Taita Diosca yaya Israelman muscuipi shina ricurishpaca: –Jacob, Jacob– nijpi paica: –Caipimi cani– nirca.

JOB 4:13

Tuta muscui shina ricurishpami, tucui runacuna dormicujpi,

ISAÍAS 30:8

Muscuipi shina ñuca ricuchishcataca, cunantaj paicunapaj ñaupajpi shuj tablapi quillcagri. Q'uipa punllacunapi huiñai huiñaipaj ricuna cachun shuj libropi quillcai.

ISAÍAS 8:1

Mandaj Diosca ñucataca: “Shuj jatun tablata japishpa Maher-salal-hasbaz nishca shimicuna ima nisha nishcata alli rezanallata quillcai nircami.

JEREMÍAS 23:28

Maijan huillaj muscushpaca muscunillami nishpa parlachun. Ñuca shimicunatataj chasquishpa huillajpish, ñuca shimi cashcallata huillachun. Ujshaca trigohuanca, mana chai shinallatajchu” ninmi Mandaj Diosca.

JEREMÍAS 27:7

Tucui llajtacunapi causajcunami paitapish, paipaj churitapish, chai churipaj churitapish servishpa causangacuna. Chai llajtapajpish jatun llaqui punlla chayangacamami chashna causangacuna. Paicunatapish tucuicunata mishaj jatun mandajcunayuj achca llajtacunami, mishashpa servichishpa charingacuna.

JEREMÍAS 36:32

Shina nijpimi Jeremiasca, shujtaj pillushca carata japishpa, Neriaspaj churi quillcaj Barucman curca. Chai carapimi Barucca, Judá llajtata jatun mandaj Joacim rupachishca carapi quillcashca shimicunallatataj Jeremías cutin huillajpi chashnallataj quillcarca. Chai quillcapicarin Jeremiasca, chai shinallataj ashtahuan llaquicuna tiyanata mirachishpa huillashpami quillcachirca.

JEREMÍAS 36:4

Chashna nijpimi Jeremiasca, Neriaspaj churi Baructaca cayarca. Paimi Mandaj Dios imalla huillachishcata Jeremías rimajpica, quillcana carapi tucuita quillcashpa pillurca.

EZEQUIEL 1:1

Ñucaca, Quebar shuti jatun yacu c'uchupimi, prezu apashcacunapaj chaupipi carcani. Ñucaca, quimsa chunga huatayujmi carcani. Chai huatapaj chuscu quillapimi, jahua pacha pascarijpi, Taita Dios imallata ricuchishca muscuipi shina ricurcani.

EZEQUIEL 40:2

Taita Diosmi ñucataca muscuipi shina Israel llajtaman pushashpa, chai llajtapi tiyaj jatun urcu jahuapi churarca. Chai urcu ura ladomanca, jatun pueblo vali shuj huasimi tiyashca carca.

DANIEL 1:17

Chai chuscu mosocunamanca, Taita Diosmi quillcanatapish, imata yachaj canatapish alli yuyaita cushpa yachaisapata rurarca. Danielca muscuipi shina ricushcacunatapish, muscushcacunatapish imata nisha nishcata entendijmi tucurca.

DANIEL 2:1

Nabucodonosorca ña ishqui huatata mandacushpami, tauca muscuicunata charirca. Paica paipaj yuyaipi musparishpami mana dormi tucurca.

DANIEL 2:26

Chaipimi jatun mandajca, Beltsasar nishca Danieltaca: –¿Canca ñuca imata muscushcata, chai imata nisha nishcata huillai tucunguichu?– nirca.

DANIEL 4:13

Camapi ñuca siricushpallatajmi muscuipi shina cashnatapish ricurcani: Jucha illaj shuj cuidaj jahua pachamanta uriyamujtami ricurcani.

DANIEL 4:5

Shuj cutinmi ñucaca yallitaj mancharinata muscurcani. Chai muscuipi ricushcata camapi siricushpa yuyarishpaca, musparircanimi.

DANIEL 5:1

Jatun mandaj Belsasarca pai churashca huaranga mandajcunahuan jatun micuita rurashpami, chai huaranga mandajcunahuan vinota ubyacurca.

DANIEL 5:22

Nabucodonosorpaj churi Belsasar, canpish tucui chaicunata yachashca jahuamari Taita Diospaj ñaupajpica mana cumurij shungu cangui.

DANIEL 5:30

Caldeocunata jatun mandaj Belsasartaca, chai tutallatajmi huañuchirca.

DANIEL 7:13

Muscuipi shina ricucui tutallatajmi, jahua pacha p'uyupi Runa Aichayujman rijchaj shamucujta ricurcani. Uni huatacunayuj Yuyajpajman shamucujtami ricurcani. Paitaca uni huatayujpaj ñaupajmanmi c'uchuyachirca.

DANIEL 7:15

Daniel ñucaca chaicunata muscuipi shina ricushpaca, tullu ñutcu mancharishpami, ñuca yuyaica musparircani.

DANIEL 7:7

Muscuipi shina ricucui tutallatajmi quimsapaj q'uipaca shujtaj animal llujshijta ricurcani. Chaica manchanana, yallitaj jatun, yallitaj fuerzayujmi carca. Paica jatun fierro quirucunatami charirca. Chaihuanmi tucuita ñutushpa millpurca. Puchushcacunataca paipaj chaquicunahuanmi sarurca. Chai animalca ñaupaman ricushca animalcunamanca maijanman mana rijchajchu carca. Chunga gachucunayujmi carca.

DANIEL 8:1

Jatun mandaj Belsasar quimsa huatata ña mandacujpimi, Daniel ñucaca ñaupaman shinallataj muscuipi shina ricurcani.

JOEL 2:28

Cai tucuita rurashca q'uipaca, ñuca Espiritutaca tucuicunapimi churasha. Chashna churajpimi cancunapaj churicunapish, ushushicunapish ñucamanta huillangacuna. Cancunata cunaj yuyajcunapish muscungacunami. Q'uipa huiñaicunapish ñuca ricuchishcatami, muscuipi shina ricungacuna.

AMÓS 3:7

Mandaj Jatun Diosca pai ima nishcata huillaj paita servijcunaman ima tucunata manaraj huillachishpaca, mana llaquichinllachu.

HABACUC 2:2

Shinallataj Mandaj Diosmi ñucamanca cashna nishpa cutichirca: “Muscuipi imallata ricushcataca tablacunapi quillcangui. Can quillcashcata maijan rezashpaca, mancharishpa callpachuncuna.

NÚMEROS 12:6

Mandaj Diosca paicunataca cashnami nirca: “Cunanca ñuca rimashcata uyaichij. Mandaj Dios huillachishcata huillaj cancunapurapi tiyajpica, paimanca muscuipi shinami ricurisha. Muscuillapimi rimasha.

Romanos 15:4

Chashna cajpica ñaupaman Quillcachishcacunaca, ñucanchijta yachachingapajmi quillcashca carca. Mana p'iñarishpalla, cushijlla, shuyana yuyailla canata yachachingapajmi quillcachirca.

2 Corintios 12:1

Ñucallamantataj jatun tucushpaca imata mana surcushachu. Ashtahuanpish muscuipi shina Mandaj Jesusmanta ricushcata pai ricuchishcacunamantami rimasha nini.

Apocalipsis 1:19

Can imallata ña ricushcata, cunan imalla cajtapish, q'uipata imalla tucuna cashcata ricushcatapish quillcai.

Apocalipsis 10:4

Chai canchis c'ulun nijcuna rimashca uyarishcatami ñucaca quillcasha nicurcani. Ña quillcasha nicujpica cielomanta shuj rimaica: “Chai canchis c'ulun nijcuna rimashcataca huaquichishpa saquilla, ama quillcaichu” nijtami uyarcani.