DANIEL 6:5 - Dios Rimashca Shimicunami

⁵ Shina cajpimi chai mandajcunaca: “Cai Danieltaca pai mandacunpica ima mana allitapish, ima juchachinatapish mana japishunchu. Ashtahuanpish paipaj Taita Dios mandashcacunallapimi japi tucushun” nircacunami.

DANIEL 6:5 Iomraidhean Croise

ESTER 3:8

Suerteta rurashca q'uipami, Amanca jatun mandaj Asuerotaca cashna nirca: –Can jatun mandaj mandacun tucui llajtacunapi causajcunapurapimi shujcunaca paicunapuralla ch'ican ruranacunata rurashpa causacuncuna. Mandashcacunatapish tucui shujtajcunamanta ch'ican mandashcacunatami charincuna. Can jatun mandaj mandashcacunataca mana cazuncunachu. Paicunamantaca ima allitapish mana japicunguichu. Chashnacunataca can jatun mandajca, mana ashtahuan charinachu cangui.

SALMOS 37:32

Diosta mana rijsijcunaca cashcata rurajcunataca, huashallami mashcan. Huañuchinatami yuyancuna.

JEREMÍAS 29:7

Cancunata ñuca prezu cachashca pueblopaj allita ruraichijlla. Shinallataj chai pueblomanta ñucata mañaichij. Chai pueblopaj ima llaqui mana shamujpimi, cancunapish alli causanguichij ninmi.

1 SAMUEL 24:17

Davidtaca: –Canca ñucata yalli cashcata rurajmari cangui. Ñuca canta llaquichicujpipish, canca ñucapajca allita rurashpamari ricuchingui.

1 SAMUEL 29:3

Chaimi filisteocunata mandajcunaca: –Chai hebreocunaca ¿imatataj caipica ruracuncuna?– nijpi Aquisca filisteocunata mandajcunamanca: –Cai Davidca, israelcunata jatun mandaj Saulpajta rurajmari. Paica cai punllacunata, cai huatacunataca ñucahuanmari cashca. Paipica ñucapajta rurai callarishcamanta cunan punllacama ima mana allita mana japishcanichu– nircami.