DANIEL 6:4 - Dios Rimashca Shimicunami

⁴ Chaimi chai ishqui mandajcunapish, satrapacunapish Danielta ima shinapish juchachingapaj pai ima shina mandajta chaparacurcacuna. Ashtahuanpish paicunaca ima juchachinata, ima mana allita mana japircacunachu. Danielca tucui imatapish cashcata ruraj cajpimi, paipica ima mana allitapish, ima juchachinatapish mana japircacuna.

DANIEL 6:4 Iomraidhean Croise

GÉNESIS 41:38

faraonca paita ayudajcunataca: –Taita Diospaj espirituta charij cai runa shina pi shujtajtaca mana japishunchu– nirca.

GÉNESIS 43:18

Chaimi chai runacunaca Josepaj huasiman paicunata pushacujpica, achcata mancharishpa paicunaca: –Punta cutin shamuipi cullquita ñucanchij costalcunapi tigrachishpa cachashcataca ñucanchijta apashcanguichij nij tucushpa ñucanchijtapish, ñucanchij burrocunatapish paipajta rurajcuna cachun saquichingapajllami caimanca pushamuj yuyachin– ninacurcacuna.

PROVERBIOS 29:27

Millai runaca cashcata rurajcunapajca, p'iñananami ricurin. Allita rurashpa causajpish, Diosta mana manchaj runapajca, p'iñananami ricurin.

ECLESIASTÉS 4:4

Shinallataj achcata trabajashpa, tucui imatapish alli rurajpica, shujtajcuna shungupi munana yuyaita japishpa p'iñaj cashcatapishmi ricurcani. Chashna tucuipi alli canapish, yuyaita yanga shaicuchinallami.

JEREMÍAS 18:18

Jeremías huillashcata uyashpaca, cashnami ninacurcacuna: “Shamuichij, Jeremiasta huañuchinata yuyarinacushunchij. Mandashcacunata ñucanchijman yachachichunpish curacunaca mana illanchu. Alli yuyaita cungapajpish, yachajcuna mana illanchu. Dios ima nishcata huillajcunapish mana illangachu. Juchachishpa huañuipi churashunchij. Pai huillashcataca imata mana uyashunchijchu” nircacunami.

JEREMÍAS 18:23

Mandaj Dioslla, ñucata huañuchingapaj paicuna ima shinalla yuyarinacushcataca yachanguimi. Cambaj ñaupajpi chashna millaita ruracushcataca, amataj perdonanguichu. Paicunapaj juchataca amataj p'ichanguichu. Paicunataca, can p'iñarishpa cambaj ñaupajpi urmachilla.

JEREMÍAS 20:10

Maipipish ñucamantaca achcacunami huashalla parlanacuncuna. “Maipipish manchachishpamari puricun, jacuchij mandajcunaman huillashunchij” ninacushpami, ñucahuan apanacujcunallataj imapi pandarijta chapancuna. “Ima shina umajta saquingapishchari. Chaipitajca japishcahuan huañuchishpa, ñucanchijmi mishashun” ninacuncunami.

JEREMÍAS 29:7

Cancunata ñuca prezu cachashca pueblopaj allita ruraichijlla. Shinallataj chai pueblomanta ñucata mañaichij. Chai pueblopaj ima llaqui mana shamujpimi, cancunapish alli causanguichij ninmi.

DANIEL 3:8

Chai punllacunallatajmi, caldeocunapuramanta maijancunaca, judiocunata llaquichingapaj juchachishpa huillanaman shamurcacuna.

DANIEL 5:12

Paipimi ima mana yachaipajtapish yachajlla yuyaita charij cashcata, imatapish yachaj, alli entendij, imata muscushcatapish, chai imata nisha nishcatapish, pi mana huillai tucushcatapish, caita chaita yuyacushcatapish imamanta chashnacushcata chaitataj huillaj cashcata japirca. Paica Danielmi. Paitami jatun mandajca Beltsasar shutita shutichirca. Cunanca chai Danielta cayamuchun mandai. Paimi chai quillca imata nisha nishcataca huillanga– nirca.

DANIEL 6:22

Ñucataca Taita Diosca ima millaita mana ruraj cashcatami ricushca. Cambaj ñaupajpipish ima millaita mana rurashcanichu. Chaimantami ñuca Taita Diosca leoncuna ñucata ama micuchun paipaj angelta cachashpa leoncunapaj shimitaca huichcarca– nircami.

Mateo 26:4

Chaipimi Jesustaca ima shinapish umashpa, japishpa huañuchinata yuyarinacurcacuna.

Mateo 27:18

Jesustaca envidiallamanta huañuchichun nicushcata yachashpami Pilatoca chashna tapurca.

Lucas 20:20

Chaimantami ima mana allita nijpica, juchachishpa chai llajtata mandajman huillashpa japichishunpishchari yuyashpa, yachangapaj alli tapucuj shina Jesusta tapuchun runacunata cacharcacuna.

Lucas 20:26

Tucuicunapaj ñaupajpi imata tapujpipish, ima juchachinata mana nishpa alli cutichijpimi mancharishpa upalla saquirircacuna.

Lucas 22:2

Chaipica curacunata pushajcuna, mandashcacunata quillcajcunapish gentecunata manchashpami Jesusta ima shina pacalla japishpa huañuchinata parlanacurcacuna.

Juan 19:4

Pilatoca cutin canllaman llujshishpami: –Riquichij, paipica ima millaita rurashcata mana japinichu. Chaimantami cancuna entendichun cutin canllaman pushamuni– nirca.

2 Corintios 11:12

Ñucanchij shina huillashpa cushicushun nijcuna ama cushicuchunmi, ñuca ima shina ruracushcataca chashnallataj ruracushalla.

Filipenses 2:15

Mana alli shungu, millai runacunapaj chaupipica, Diospaj huahuacuna mapa illaj, pi mana juchachipaj alli shungu caichij. Paicunapaj chaupipica cai pachapi achijyachijcuna shina achijyachichij.

1 Timoteo 5:14

Ashtahuanpish q'uipa huiñai viudacunaca cazarashpa, huahuacunata alli huiñachishpa, paipaj huasi familiata mandachunmi munani. P'iñajcuna juchachishpa cushicuna ama tucuchunmi chashnaca nini.

Tito 2:8

Mana juchachipaj sumaj shimicunahuan rimangui. Chashna cajpimi p'iñajca, pingarishpa cancunataca mana allicunami nishpa mana juchachi tucunga.

1 Pedro 2:12

Diosta mana rijsijcunapaj ñaupajpi alli causaichij. Chashna cajpimi, millaita rurajcunata shina cunan rimacujcunaca cancuna allita rurashcamantaca, imalla rurashcata Dios ricuchi punllapi paicunaca Diostaca allimari cangui ningacuna.

1 Pedro 3:16

alli yuyaiyuj caichij. Cancuna Cristohuan shujlla cashpa, alli causajta ricushpa millaita rurajcunata shina juchachishpa rimajcunata pingachingapajmi chashna cana canguichij.

JUECES 14:4

Sansonpaj yaya mamaca, Mandaj Diospaj munaillataj chashna cajpi chashna tucucushcataca mana yacharcacunachu. Chai huatacunapica filisteocunami israelcunataca llaquichishpa charicurca. Chaimanta filisteocunahuan macanacuchingapajmi chashna rurarca.

1 SAMUEL 12:4

Chaimi paicunaca: –Mana pita yanga juchachircanguichu. Mana pita llaquichircanguichu. Camarita japishcamanta shujllaman tucujpish mana carcanguichu– nircacuna.

1 SAMUEL 18:14

Davidca imata ruranapipish, pushanapipish alli yachai sapami carca. Mandaj Diosca paihuanmi carca.

1 SAMUEL 22:14

Chaimi Ahimelecca, jatun mandajtaca: –Cambajta ruraj tucuicunamantaca ¿maijantaj David shina tucui can nishcata pajtachijca tiyanri? Paica can jatun mandajpaj yernopishmari. Tucui can ima nishcatapish rurajmari, cambaj huasi familiapish tucuicunami alli nincuna.