DANIEL 6:3 - Dios Rimashca Shimicunami

³ Danielca tucuimanta yalli espíritu paipi cashcamantami satrapacunatapish, jatun mandaj churashca mandajcunatapish yalli yachaj ricurirca. Chaimi jatun mandajca Danieltaca tucui llajtacunata mandaj cachun churanata yuyacurca.

DANIEL 6:3 Iomraidhean Croise

ESDRAS 4:22

Chaitaca ama cungarishpalla jarcanguichij. Jatun mandajcunata llaquichishpa catinaca manataj mirarinachu can” nishpami quillcachishpa cacharca.

NEHEMÍAS 7:2

Ñuca huauqui Hananitaca Jerusalenpi mandaj cachunmi churarcani. Hananiastaca Jerusalén muyundij pircacunapi cuidajcunata mandaj cachunmi churarcani. Paica shujtajcunata yalli Taita Diosta manchaj, imatapish chaitataj nij cajpimi, chaipi churarcani.

ESTER 10:3

Judá llajtamanta caj Mardoqueoca, jatun mandaj Asueropaj q'uipa tucuita mandajmi carca. Chashna cashpami, paica tucui judiocunamanta rimashpa, paicunapajca achca allita ruraj carca. Chaimantami paicunaca tucuicuna alli nishpa yallitaj c'uyarcacuna.

PROVERBIOS 17:27

Alli yachajcunaca, ashallatami rimancuna. Yuyaisapacunaca, imapajpish alli yuyaiyujmi.

PROVERBIOS 22:29

¿Imata ruranatapish alli yachaj runa maipi cajta ricushcanguichu? Paica yanga runacunapajtaca mana ruranchu, ashtahuanpish jatun mandajpajmari imatapish ruran.

ECLESIASTÉS 2:13

Chashna alli yuyarishpami, amsapaj randica achij alli caj shinallataj, ch'ahuan canapaj randica yachaj cana alli cashcata ricurcani.

DANIEL 5:12

Paipimi ima mana yachaipajtapish yachajlla yuyaita charij cashcata, imatapish yachaj, alli entendij, imata muscushcatapish, chai imata nisha nishcatapish, pi mana huillai tucushcatapish, caita chaita yuyacushcatapish imamanta chashnacushcata chaitataj huillaj cashcata japirca. Paica Danielmi. Paitami jatun mandajca Beltsasar shutita shutichirca. Cunanca chai Danielta cayamuchun mandai. Paimi chai quillca imata nisha nishcataca huillanga– nirca.

DANIEL 5:14

Canpica jucha illaj dioscunapaj espíritu tiyan nijtami uyani. Canpica luz tiyan nijta, imatapish alli entendij nijta, yallitaj yachaisapa caj nijtami uyani.

DANIEL 5:7

Jatun mandajca sinchita caparishpami jatun yachajcunatapish, caldeocunatapish, adivinocunatapish paipajman pushamuchishpa Babiloniapaj jatun yachajcunataca cashna nirca: –Maijanpish chai quillcata rezashpa chai imata nisha nishcata huillajmanca morado sumaj churanatami churachisha, cungapipish shuj curi huallcatami apachisha. Ñuca mandacunpipish, ñuca churashca mandajpaj q'uipa mandaj cachunmi churasha– nircami.

DANIEL 9:23

Can mañai callaricujpimi, ñucataca cacharca. Chaimi ñucaca canman yachachingapaj shamurcani. Canca yallitaj c'uyashcami cangui. Muscuipi shina ricushca imata nisha nishcata alli entendingapajca, ñuca huillashcata uyai nishpami cashna nirca: