DANIEL 5:5 - Dios Rimashca Shimicunami

⁵ Chaipimi candelero tiyacun chaipi shuj c'aripaj maqui ricurishpa, mandana huasi pata quinrita calhuan yurajyachishcapi dedocunahuan quillcacuj ricurirca. Chai maqui quillcacujta jatun mandaj ricushpaca,

DANIEL 5:5 Iomraidhean Croise

JOB 20:5

Millai runacunapaj cushicunaca utca tucurijllami, Diosta mana manchajcunapish ashacamallami cushicun.

PROVERBIOS 29:1

Jarcacushca jahua mana cazuj runaca, ñapish chingaringallami. Paipajca ima jambi mana tiyangachu.

JEREMÍAS 50:43

Babilonia llajtata jatun mandaj chaita uyashpaca, rigracuna chujchurcami. Yallitaj manchashpami, nanaihuan mana huachai tucucuj huarmi shina tucurca.

DANIEL 4:31

Jatun mandaj chashna rimaricujpirajmi, jahua pachamanta rimashca uyarishpaca: “Jatun mandaj Nabucodonosor, cantami cashna nini: “Can mandanataca ñami quichurcani.

DANIEL 4:33

Nabucodonosor ima tucuna cashcata huillashcaca chai horasllatajmi pajtarca. Paitaca gentecunapuramanta anchuchishpami shitarcacuna. Huagracuna shinami q'uihuata micurca. Paipaj cuerpotapish jahua pacha garhuami shutujyachirca. Paipaj ajchapish aguilapaj plumacuna shina tucungacamami huiñarca. Sillucunapish, alasyuj animalcunapaj shina tucungacamami huiñarca.

DANIEL 5:15

Cai quillcata rezashpa, chai imata nisha nishcata huillachunmari ñucapajmanca jatun yachajcunata, luzerocunamanta yachajcunata pushamurcacuna. Ashtahuanpish paicunaca chai imata nisha nishcataca mana huillai tucurcacunachu.

DANIEL 5:4

Vinota ubyashpaca, curimanta, cullquimanta, broncemanta, fierromanta, caspimanta, rumimanta rurashca dioscunatami adoracurcacuna.

DANIEL 5:6

quillu quillu ñahui tucushpami, paipaj yuyaicuna musparirca. Chashna irquiyashpami cintura tullucunapish, sanpi tullucunapish caishuj chaishuj huajtaricurca.

DANIEL 5:8

Jatun mandajpaj adivinajcuna tucuicuna paipajman yaicushpaca, chai quillcataca mana rezai tucurcacunachu, chai imata nisha nishcatapish mana huillai tucurcacunachu.

Colosenses 2:14

Quillcashca mandashcatami ñucanchijca mana pajtachi tucurcanchij. Chaimantami debe cajpi quillcashca tiyacujta Cristota cruzpi clavashpa ñucanchij debetaca anchuchirca.