DANIEL 5:2 - Dios Rimashca Shimicunami

² Belsasarca vinohuan machashpami, Jerusalenpi caj Diospaj huasimanta paipaj yaya Nabucodonosor apamushca curi vasocunata, cullqui vasocunata apamuchun mandarca. Pai jatun mandajpish, pai churashca mandajcunapish, paipaj huarmicunapish, paipaj caishuj huarmicunahuanpish chai vasocunapi ubyangapajmi apaj cacharca.

DANIEL 5:2 Iomraidhean Croise

2 SAMUEL 9:7

Chaimi Davidca: –Ama manchaichu, ñucaca cambaj yaya Jonatanpaj c'uyaimantaca, cambaj allicunataca ruranatajmi cani. Cambaj abuelo Saúl charishca allpacunatapish tucuimi canman tigrachigrini. Canca cambaj tucui causaipimi ñucahuan micushpa causangui– nirca.

2 REYES 24:13

Chai q'uipaca Mandaj Diospaj huasimantapish, mandashpa tiyana huasimantapish tucui imalla tiyashca achca valijcunatami llujshichirca. Israelcunata jatun mandaj Salomón Mandaj Diospaj huasipaj curimanta tucui imalla rurachishcacunatapish tucuitami p'aquirca. Mandaj Dios nishca shinallatajmi pajtarca.

2 REYES 25:15

Shinallataj inciensota rupachinacunatapish, jatun tazacunatapish, curimanta rurashcacunataca curipurallata, cullquimanta rurashcacunataca cullquipurallata tandachishpami, cuidaj soldadocunata mandajca tucuita aparca.

2 CRÓNICAS 11:20

Mahalathuan cazarashca q'uipami, Absalonpaj ushushi Maacata paipaj huarmi cachun japirca. Chai huarmihuanca: Abías, Atai, Ziza, Selomit shuti churicunatami charirca.

2 CRÓNICAS 15:16

Jatun mandaj Asaca paipaj mama Maacataca, paillatajmi jatun mandaj shina cashcamantaca anchuchirca. Asera huarmi diosman rijchajtapishmi chaimanta anchuchirca. Shinallataj Asaca, chai huarmi diostajllatapish p'aquishpami, Cedrón huaicupi rupachirca.

2 CRÓNICAS 36:10

Babilonia llajtata jatun mandaj Nabucodonosorca, ña huata tucucujpica, Mandaj Diospaj huasipi tiyaj ashtahuan sumaj charinacunandijmi, Joaquintaca Babilonia llajtaman apachun apajcunata cacharca. Paita apashpaca, Joaquinpaj huauqui Sedequiastami Judá llajtatapish, Jerusalén pueblotapish jatun mandaj cachun churarcacuna.

2 CRÓNICAS 36:18

Mandaj Diospaj huasipica uchillapish, jatunpish achca charinacunami tiyarca. Chai tucui charinacunatapish, chai huasillapitaj tiyaj curita, cullquitapish, jatun mandajpaj curita, cullquitapish, caishuj mandajcunapaj curita, cullquitapishmi chai jatun mandajca paipaj llajtaman aparca.

ESDRAS 5:14

Jerusalenpi caj Diospaj huasimantami curimanta, cullquimanta rurashca Diospajta rurana charinacunata Nabucodonosor llujshichishpa Babiloniapi caj paipaj dioscunapaj huasiman aparca. Jatun mandaj Ciro chai llajtata mandai callarishpami, chai charinacunata chai huasimanta llujshichishpa pai churashca mandaj Sesbasarman cushpaca,

JEREMÍAS 27:7

Tucui llajtacunapi causajcunami paitapish, paipaj churitapish, chai churipaj churitapish servishpa causangacuna. Chai llajtapajpish jatun llaqui punlla chayangacamami chashna causangacuna. Paicunatapish tucuicunata mishaj jatun mandajcunayuj achca llajtacunami, mishashpa servichishpa charingacuna.

JEREMÍAS 50:35

Mandaj Diosca cashnapishmi nin: “Babilonia llajtapi causaj caldeocunapajca, huañuchij espadami shamunga. Paicunata mandajcunapajpish, paicunapaj jatun yachajcunapajpishmi shamunga.

JEREMÍAS 52:19

Shinallataj cuidaj soldadocunata mandajca, inciensota rupachinacunatapish, jatun tazacunatapish, copacunatapish, mangacunatapish, candelerocunatapish, malta tazacunatapish, uchilla tazacunatapishmi aparca. Chaicunaca maijanca curimanta, maijanca cullquimanta rurashcami carca.

DANIEL 1:2

Jatun Diosmi Judá llajtata jatun mandaj Joacimtapish, Diospaj huasipi Diospajta ruranapaj caj imalla charinacunatapish, Nabucodonosorpaj maquipi churarca. Chaicunataca Nabucodonosorca, Sinar llajtaman apamushpami, achca valijcunata huaquichina paipaj diospaj huasipi churarca.

DANIEL 5:11

Can mandacun llajtallapitajmari shuj runa tiyan. Paipica jucha illaj dioscunapaj espiritumari causan. Cambaj yaya mandacui punllacunapimi paipica yachaisapa dioscunapi shinallataj luz tiyashcata, alli yuyaiyuj cashcata, yachaisapa cashcata japircanchij. Jatun mandajlla, jatun mandaj Nabucodonosor cambaj yayaca paitamari jatun yachajcunata, luzerocunamanta yachajcunata, caldeocunata, adivinocunata mandaj cachun churarca.

DANIEL 5:13

Danielta jatun mandajpajman pushamujpimi, jatun mandajca Danieltaca cashna nirca: –¿Canchu Judá llajtamanta ñuca yaya prezu apamushcacunapura Daniel cangui?

DANIEL 5:18

Jatun mandajlla, jahua pacha Taita Diosmari cambaj yaya Nabucodonosormanca mandanatapish, jatun canatapish, alli nishca canatapish, tucuita mandaj canatapish curca.

DANIEL 5:23

Ashtahuanpish jahua pacha Jatun Diosta c'ariyashpa jatun tucushpami, paipaj huasimanta apamushca vasocunata cambaj ñaupajman apaj cachashpa, canpish can churashca mandajcunapish, cambaj huarmicunapish, cambaj caishuj huarmicunapish chaipi vinota ubyashcanguichij. Chashna rurashca jahuapish cullquimanta, curimanta, broncemanta, fierromanta, caspimanta, rumimanta rurashca mana ricuj, mana uyaj, mana imata yachaj dioscunatamari alabangui. Ashtahuanpish cambaj causaita paipaj maquipi charicuj, pai munashpalla can imatapish rurachun saquij Taita Diostaca manamari shuj cutinllapish alabanguichu.

DANIEL 5:3

Jerusalenpi cashca Diospaj huasimanta apamushca curi vasocunata ña apamujpica, jatun mandajpish, pai churashca mandajcunapish, paipaj huarmicunapish, paipaj caishuj huarmicunapishmi chai vasocunapi ubyarcacuna.

DANIEL 5:30

Caldeocunata jatun mandaj Belsasartaca, chai tutallatajmi huañuchirca.

DANIEL 5:4

Vinota ubyashpaca, curimanta, cullquimanta, broncemanta, fierromanta, caspimanta, rumimanta rurashca dioscunatami adoracurcacuna.

NÚMEROS 7:79

Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.