DANIEL 5:11 - Dios Rimashca Shimicunami

¹¹ Can mandacun llajtallapitajmari shuj runa tiyan. Paipica jucha illaj dioscunapaj espiritumari causan. Cambaj yaya mandacui punllacunapimi paipica yachaisapa dioscunapi shinallataj luz tiyashcata, alli yuyaiyuj cashcata, yachaisapa cashcata japircanchij. Jatun mandajlla, jatun mandaj Nabucodonosor cambaj yayaca paitamari jatun yachajcunata, luzerocunamanta yachajcunata, caldeocunata, adivinocunata mandaj cachun churarca.

DANIEL 5:11 Iomraidhean Croise

GÉNESIS 41:38

faraonca paita ayudajcunataca: –Taita Diospaj espirituta charij cai runa shina pi shujtajtaca mana japishunchu– nirca.

2 SAMUEL 14:17

Cambajta ruraj ñucaca cashnapish ninimi: “Jatun mandaj ñuca amo ñuca mañashcata uyashpa ñucata cushichingami. Jatun mandaj ñuca amoca Diospaj ángel shina allitapish, mana allitapish alli ricushpa allichijmi. Chaimanta Mandaj Diosca canhuan cachun ninimi” nircami.

EZEQUIEL 28:3

Riqui, canca Danieltapish yalli yachaisapami cangui. Canmantaca imapish mana pacalla cai tucunchu.

EZEQUIEL 28:4

Canca alli yachaj cashpa, alli yuyaiyuj cashpami yallitaj charij tucurcangui. Chaimantami curitapish, cullquitapish huaquichinacunapi yallitaj huaquichingui.

DANIEL 1:4

Paicunataca tucui imapish alli cajta, alli ñahui cajta, tucui imata yachachijpipish jahualla yachai tucuipaj cajta, ima yachanatapish jahualla yachai tucuipaj cajta, jahualla entendi tucuipaj cajta, jatun mandajpaj mandana huasipi imatapish rurai tucuipaj cajcunata pushamuichij. Paicunamanca rimanatapish, quillcanatapish ñucanchij caldeocunapajta yachachichij nishpami mandarca.

DANIEL 2:11

Jatun mandaj tapushcaca yallitaj sinchi mana cutichi tucuipajmari. Chaitaca jatun mandajmanca pi mana cutichingachu. Dioscunallamari chaitaca cutichi tucunga. Paicunapaj huasica manamari runacunapaj chaupipi tiyanchu– nircami.

DANIEL 2:22

Ucujman cajcunatapish, pacalla cajcunatapish paimi ricuchin. Amsapi cajtapish yachanmi. Luzca paipimi tiyan.

DANIEL 4:18

Jatun mandaj Nabucodonosor ñucaca, muscuipica chaitami ricurcani. Chai imata nisha nishcataca ñuca mandacun llajtapi tiyaj jatun yachajcunapish mana huillai tucurcacunachu. Beltsasar canmi chai imata nisha nishcataca huillai tucungui. Canpica, jucha illaj dioscunapaj espiritumari tiyan, chaimi chaitaca huillai tucungui” nircanimi.

DANIEL 4:5

Shuj cutinmi ñucaca yallitaj mancharinata muscurcani. Chai muscuipi ricushcata camapi siricushpa yuyarishpaca, musparircanimi.

DANIEL 4:6

Chai muscui imata nisha nishcata huillachunmi, Babiloniapi causaj tucui adivinocunata ñucapajman shamuchun mandarcani.

DANIEL 5:14

Canpica jucha illaj dioscunapaj espíritu tiyan nijtami uyani. Canpica luz tiyan nijta, imatapish alli entendij nijta, yallitaj yachaisapa caj nijtami uyani.

DANIEL 5:7

Jatun mandajca sinchita caparishpami jatun yachajcunatapish, caldeocunatapish, adivinocunatapish paipajman pushamuchishpa Babiloniapaj jatun yachajcunataca cashna nirca: –Maijanpish chai quillcata rezashpa chai imata nisha nishcata huillajmanca morado sumaj churanatami churachisha, cungapipish shuj curi huallcatami apachisha. Ñuca mandacunpipish, ñuca churashca mandajpaj q'uipa mandaj cachunmi churasha– nircami.

Hechos 12:22

Chashna rimajta tucui chaipi cajcuna uyashpaca: “¡Canca diosmi cangui, mana runachu cangui!” nishpami caparircacuna.

Hechos 14:11

Pablo chaita rurajta gentecuna ricushpaca, Licaonia rimaipimi: “¡Dioscunamari runacunaman rijchaj tucushpa ñucanchijpajman uriyamushcacuna!” nishpami sinchita caparircacuna.

Hechos 16:16

Taita Diosta mañanaman shuj punlla ñucanchij ricujpica, adivinachij supai japishca huarmi huambrami ñucanchijhuan tupanaman llujshirca. Chai huambraca chashna cashpa adivinajpimi paipaj amocunaca achca cullquita japijcuna carca.

Apocalipsis 3:9

Maijancunaca manapish judiocuna cashpa, judiocunami canchij nishpa llullashpami Satanaspaj sinagoga tucuncuna. Paicunataca ñuca canta c'uyashcata yachachunmi cambaj ñaupajpi cungurichisha.