DANIEL 4:9 - Dios Rimashca Shimicunami

⁹ “Jatun yachajcunata mandaj Beltsasar, canpica jucha illaj dioscunapaj espíritu tiyajtami yachani. Cambajca pi mana yachashcacunapish ima mana pacallachu. Chashna cashcamanta muscuipi shina ñuca ricushcata, chai imata nisha nishcata huillahuai.

DANIEL 4:9 Iomraidhean Croise

GÉNESIS 41:38

faraonca paita ayudajcunataca: –Taita Diospaj espirituta charij cai runa shina pi shujtajtaca mana japishunchu– nirca.

ISAÍAS 33:18

Cambaj shungupica llaquita apaj cashcata yuyarishpa mancharishpami: “Quillcajca ¿maipitajchu imamí? Tributota pezashpa japijca ¿maipitajchu imamí? Torrecunata ricushpa quillcajca ¿maipitajchu imamí?” ninguimi.

ISAÍAS 54:14

Cashcata ruranahuan sumajyachishcami cangui. Llaquichijcunamanta carupi cashcamanta ima manchai illajllami cangui. Manchaihuan canaca cambajmanca mana c'uchuyana cashcamanta manchaihuan canamantaca carupimi cangui.

EZEQUIEL 17:23

Chai caspitaca Israel llajtapi tiyaj jatun urcupimi tarpusha. Chaica ramacunayuj tucushpaca, granota p'ucushpa sumaj cedro yurami tucunga. Chai yurapica, tucui laya pajarocunami causanga, llandujlla rama ucupimi causangacuna.

EZEQUIEL 28:3

Riqui, canca Danieltapish yalli yachaisapami cangui. Canmantaca imapish mana pacalla cai tucunchu.

DANIEL 1:20

Tucui imapipish yachaisapa canata, alli yuyaiyuj canata jatun mandaj tapujpipish, paicunaca pai mandacun llajtapi tiyaj tucui jatun yachajcuna, luzerocunamanta yachajcuna cutichishcamantaca chunga cutihuan yallimi cutichircacuna.

DANIEL 2:47

Jatun mandajca, Danieltaca: –Cancunapaj Taita Diosca, tucui dioscunapaj Taita Diostajmi, jatun mandajcunapajpish Jatun Mandajmi. Pi mana yachaipaj pacalla cajtapish ricuchijmi. Chaimi pi mana yachaipaj pacalla cajtaca ñucaman huillangui– nircami.

DANIEL 2:48

Shina nishpami jatun mandajca, Danieltaca jatunyachirca. Jatun canapi churashpami achca convidanacunatapish curca. Tucui Babilonia llajtata mandachun, Babilonia llajtapi tiyaj tucui jatun yachajcunata mandachunpishmi churarca.

DANIEL 4:18

Jatun mandaj Nabucodonosor ñucaca, muscuipica chaitami ricurcani. Chai imata nisha nishcataca ñuca mandacun llajtapi tiyaj jatun yachajcunapish mana huillai tucurcacunachu. Beltsasar canmi chai imata nisha nishcataca huillai tucungui. Canpica, jucha illaj dioscunapaj espiritumari tiyan, chaimi chaitaca huillai tucungui” nircanimi.

DANIEL 4:5

Shuj cutinmi ñucaca yallitaj mancharinata muscurcani. Chai muscuipi ricushcata camapi siricushpa yuyarishpaca, musparircanimi.

DANIEL 4:8

Chai q'uipami Danielca ñucapajman yaicurca. Paipaj shutica ñuca diospaj shuti shinallataj cachun ñuca shutichishca Beltsasarmi. Paipica jucha illaj dioscunapaj espiritumi causan. Paimanmi ñuca muscushcataca cashna parlarcani:

DANIEL 5:11

Can mandacun llajtallapitajmari shuj runa tiyan. Paipica jucha illaj dioscunapaj espiritumari causan. Cambaj yaya mandacui punllacunapimi paipica yachaisapa dioscunapi shinallataj luz tiyashcata, alli yuyaiyuj cashcata, yachaisapa cashcata japircanchij. Jatun mandajlla, jatun mandaj Nabucodonosor cambaj yayaca paitamari jatun yachajcunata, luzerocunamanta yachajcunata, caldeocunata, adivinocunata mandaj cachun churarca.

1 SAMUEL 4:8

¡Aij ñucanchijlla! Tucuita rurai tucuj chai dioscunapaj maquimantaca ñucanchijtaca ¿pitaj quishpichingari? Chai dioscunamari egiptocunataca, shitashca pambapi tucui laya llaquicunahuan huañuchircacuna.