DANIEL 4:34 - Dios Rimashca Shimicunami

³⁴ Shina cashpapish, ñucata llaquichishca huatacuna ña tucuricuipimi, Nabucodonosor ñucaca jahua pachata huichilla ricurcani. Chaimi ñucamanca gente yuyaillatataj tigrachirca. Jahua pacha Taita Diostaca allimari cangui nircanimi. Huiñai causaiyujtaca alabashpa jatunyachishpami cashna nircani: Quiquin mandanaca mana tucurij huiñaita mandanami. Quiquinca huahua huahuata mandacunguillami.

DANIEL 4:34 Iomraidhean Croise

2 SAMUEL 22:31

Mandaj Diospaj ñanpica ima panda mana tiyanchu. Mandaj Diospaj shimica, rupachishpa tucui mapata anchuchishca cullqui shinami. Paipi shunguta churashpa shuyajcunapajca escudo shina pacajmi.

1 CRÓNICAS 29:10

Jatun mandaj Davidpish achcata cushicushpami, tucui chaipi tandanacushcacunapaj ñaupajpi Mandaj Diosta allimari cangui nishpaca: “Mandaj Taita Dioslla, canmari ñucanchij ñaupa yaya Israelpaj Dios cangui. Can Diostaca huiñai huiñaita alli nishca cachun.

1 CRÓNICAS 29:13

Chaimantami cunanca ñucanchij Dios cambaj sumaj shutita alabanchij, cambaj sumaj shutita alli ninchij.

JOB 1:21

cashna nirca: –Ñuca mamapaj huijsamantaca lluchullatajmi huacharircani, lluchullatajmi allpamanca tigrana cani. Mandaj Diosllatajmi curca, Mandaj Diosllatajmi quichun. Mandaj Diosca alli nishca cachun– nircami.

SALMOS 10:16

Mandaj Diosca huiñaimanta huiñai huiñaita Jatun Mandajmi. Mandaj Diosta mana manchaj llajtacunaca Diospaj allpamantaca chingaringami.

SALMOS 102:24

Chaimi ñucaca: “Ñuca Dioslla, ñuca causaitaca chaupillapi ama p'itichu. Quiquinca huiñai huiñaita causajmari cangui”.

SALMOS 107:15

Mandaj Dios llaquij cashcataca alabaichigari. Huañujlla runacunapaj mancharinacunata pai rurashcata alabaichigari.

SALMOS 107:22

Animalcunata huañuchishpa cushpa pagui nichigari. Pai imalla rurashcacunataca jatun cushicuihuan huillaichigari.

SALMOS 107:31

Mandaj Dios llaquij cashcataca alabaichigari. Huañujlla runacunapaj mancharinacunata pai rurashcataca alabaichigari.

SALMOS 107:8

Mandaj Dios llaquij cashcataca alabaichigari. Huañujlla runacunapaj mancharinacunata pai rurashcata alabaichigari.

SALMOS 111:7

Paipaj maquihuan rurashcacunaca ima mana yangallachu. Imapish chashnataj allitaj rurashcacunami. Tucui pai mandashcacunaca shunguta churanami.

SALMOS 121:1

Jahua urcucunata huichilla ricushpaca, ¿maimantashi ñucata ayudajca shamunga?

SALMOS 123:1

Quiquintami huichilla ricuni. Jahua pachapi caj quiquintami huichilla ricuni.

SALMOS 145:13

Quiquin mandanaca huiñaita mandacunallami. Quiquin mandanaca huahua huahuata mandacunallami.

SALMOS 146:10

Mandaj Diosca huiñai huiñaitami mandanga. Sionlla, cambaj Diosca huahua huahuacunata mandangacungallami. ¡Mandaj Diosta alabaichigari!

SALMOS 50:14

Animalcunata huañuchishpa cuj shinaca Taita Diosta alabayari. Jahua pachamanta cajman cuna tucushcacunataca pajtachiyari.

SALMOS 66:7

Paica tucuita rurai tucuj cashcahuanmi huiñaita mandacun. Paipaj ñahuicunaca torremanta chapaj shinami tucui llajtacunata chaparacun. C'ariyajcuna ama jatun tucuchunmi chashna chapacun. Selah

SALMOS 7:17

Mandaj Diostaca pai ima shina cashcata rurashca shinallatajmi alabasha. Jahua pachapi caj Mandaj Diospaj shutitaca cantashami.

SALMOS 9:2

Cushicushami, canpimi jatunta cushicusha. Jahua pachapi caj, cambaj shutitami cantasha.

SALMOS 92:1

Mandaj Dioslla, quiquinta alabanaca allimari. Jahua pacha Taita Dioslla, quiquinpaj shutita salmocunata cantanaca allimari.

ISAÍAS 13:11

Cai pachapi causajcunataca, millaita rurashcamantami llaquichigrini. Ñucata mana rijsijcunataca paicuna millaita rurashcamantami llaquichigrini. Jatun tucushcacuna jatun tucunataca tucuchigrinimi. Mana mitsari tucuipajcunata jatun tucushpa llaquichijcunataca cumurichigrinimi.

ISAÍAS 2:11

Jatun tucushca ñahuicunaca cumurichishcami canga. Jatun tucushcacunaca pingachishcami canga. Chai punllapica, Mandaj Diosllami jatunyachishca canga.

ISAÍAS 24:15

Chashna cashcamantaca Mandaj Diostaca, pugru pambacunapi causajcuna alabaichigari. Mama cucha uripi causajcunapish israelcunata Mandaj Diostaca jatunyachishca cachun.

JEREMÍAS 10:10

Ashtahuanpish Mandaj Diosca Diostajmari. Paica huiñaita Jatun Mandajmi, causaj Diosmari. Pai p'iñarijpica, allpapish chujchunmi, llajtacunapi causajcunapish mana causai tucunchu.

LAMENTACIONES 3:38

Jahua pachapi causaj Diostaj paipaj shimihuan mandashcamantami, llaquipish, allipish tiyan.

DANIEL 12:7

Shina nijpica lino churanata churashca jatun yacu jahuapi shayacujca alli maquitapish, lluqui maquitapish jahua pachaman chutashpami, huiñaita causaj Taita Diospaj shutipi cashna nirca: “Quimsa huata chaupitami chashna llaqui tiyanga. Diospajlla cajcunata urata janajta cachashcacuna tucui tigrajpimi, chaicunaca pajtanga” nijtami uyarcani.

DANIEL 2:44

Chai jatun mandajcuna mandacui punllacunapimi, jahua pacha Taita Diosca nunca pi mana chingachina mandanata churanga. Chai mandanataca shujtaj llajtacuna mandachunca manataj saquingachu. Shujtaj mandanacunataca tucuitami ñutushpa chingachinga. Paica manataj chingaringachu.

DANIEL 4:2

Ñucaca jahua pacha Taita Dios ñucaman ricuchishca señalcunata, milagrocunatami huillasha nini.

DANIEL 4:26

Chai yurapaj asha troncota sapicunandijta chaillapitaj saquichijlla nishcaca caimi: Jahua pachamanta tucuita mandaj cashcata can rijsishca q'uipaca, can mandacushcataca canllataj japina cashcata, chaitaca pi mana cuyuchipaj cashcatami ricuchin.

DANIEL 4:3

¡Pai rurashca milagrocunaca ashtahuan yallitaj jatunmi. Mancharinacunata pai rurashcaca yallitaj jatunmi! Pai mandanaca huiñaipajmi. Paica huahua huahuata mandacungallami.

DANIEL 4:32

Gentecunapuramanta anchuchishpa animalcunahuan chagrutami churanga. Paicunahuanmi causangui. Huagrata shinami michingacuna. Runacuna mandacun jahuapica jahua pacha Taita Dios mandacushcata yachangacama, mandaj cachunca Taita Dios pita pai churasha nishcata churaj cashcata yachangacama canchis huatacunacamami chashna causangui” nircami.

DANIEL 4:36

Chai punllallatajmi ñuca yuyaitaca gente yuyaiman tigrachirca. Ñuca mandanatapish, alli nishca canatapish, jatun nishca canatapish ñucallamantajmi cutin curca. Llajtacunata mandajcunapish, ñucaman yuyaita cujcunapish ñucatami mashcarcacuna. Ñucaca cutinllataj mandai callarishpami, tucui imapipish ñaupata yalli alli mandarcani.

DANIEL 5:18

Jatun mandajlla, jahua pacha Taita Diosmari cambaj yaya Nabucodonosormanca mandanatapish, jatun canatapish, alli nishca canatapish, tucuita mandaj canatapish curca.

DANIEL 5:21

Gentecunapuramanta anchuchishcami carca. Paipaj yuyaitaca animalcunapaj yuyaita shinami rurarca. Sacha burrocunahuanmi causarca. Huagraman shinami q'uihuata cararca. Paipaj cuerpopish jahua pacha garhuahuanmi shutujyarca. Runacuna mandacun jahuapica jahua pacha Taita Dios mandacushcata, mandaj cachunca Taita Dios pita pai churasha nishcata churaj cashcata yachangacamami chashna rurarca.

DANIEL 6:26

Ñucatajmi cancunataca caita mandani: Ñuca mandacun tucui llajtacunapica tucuicuna Danielpaj Taita Diosta alli nishpa manchachuncuna, nishpami cashna nirca: Paica causaj Taita Diosmi. Huiñai huiñaita causajmi. Pai mandanaca manataj chingachishca cangachu. Pai mandanaca huiñaitami canga.

DANIEL 7:14

Paimanca mandai tucunata, jatun nishca canata, mandanatami curca. Tucui gentecuna, llajtacuna, ch'ican ch'ican rimaita rimajcuna paipajta rurachunmi chashna rurarca. Pai mandaj canaca huiñaita mandaj canami. Manataj tucuringachu. Pai mandanallatami pi mana chingachishca canga.

DANIEL 7:27

Chashna rurashpaca mandanatapish, mandaj canatapish, achca llajtacuna tandanacushca mandanacunatapish, cai pachapi tucui cajcunataca jahua pacha Taita Diospaj jucha illajcunamanmi cunga. Chai mandanaca huiñaita mandanami canga. Chaipica tucui mandacujcunami pai mandashcallata ruracungacuna” nircami.

DANIEL 9:14

Chaimi Mandaj Diosca llaquichina yuyailla tucushpa, cai llaquicunataca ñucanchij jahuaman cachashca. Ñucanchijta Mandaj Taita Dios rurashcacunaca tucui imapish chashna rurana cajpitaj rurashcami. Ñucanchijmari pai rimashcataca mana cazushcanchij.

JONÁS 1:14

Chaimantami chai runacunaca: “Mandaj Dioslla, cai runamantaca ama ñucanchijtapish huañuchihuaichu. Paipaj yahuarmantapish ama ñucanchijta juchachinguichu. Can Mandaj Dios imata rurasha nishcatami rurashcangui” nishpami, caparishpa mañarcacuna.

MIQUEAS 4:7

Chashnami patojoca, ñucapajlla saquiringa. Chingarishcacunata tandachishpami, jatun llajtata rurasha. Chai punllamantapacha Mandaj Diosmi paicunataca, Sión urcupi huiñaita mandacungalla.

Lucas 1:33

Paica Jacobpaj huahua huahuacunatami huiñaita mandanga. Paipaj mandanaca, manataj tucuringachu– nircami.

Lucas 18:13

Ashtahuanpish impuestota japijca caruman shayarishpa, mana huichilla ricushpallapish shungupi huajtarishpami: “Taita Dioslla, ñucata llaquihuayari, juchasapamari cani” nirirca.

Juan 5:26

Yayaca paillapitajmi causaita charin. Shinallatajmi Churimanpish, paillapitaj causaita charichun curca.

DEUTERONOMIO 32:4

Paica ñucanchij miticuna jatun Rumimari. Pai rurashcacunapica ima panda mana tiyanchu. Paipaj ñancunapish ima mana pandachu. Paica mana llullaj Taita Diosmi. Paipica ima millai mana tiyanchu. Paica cashcata rurajmi, imata mana pandajmi.

1 Timoteo 1:17

Chaimantami huiñaita Jatun mandaj, mana huañuj, mana ricuipaj, shujlla yachaj Diostaca, alli nishpa, huiñai huiñaita sumajyachishca cachun nini. Chashna cachun.

1 Timoteo 6:16

Pai Taita Diosca mana huañujmi. Pi mana c'uchuyaipaj luzpimi causan. Paitaca pi runacuna mana ricushcachu, mana ricui tucunchu. Tucuita rurai tucujtaca huiñaita, alli nishca cachun. Chashna cachun.

Apocalipsis 10:6

Chaipica jahua pachata, chaipi ima tiyajcunatapish, allpa pachata, chaipi ima tiyajcunatapish, mama cuchata, chaipi ima tiyajcunatapish ruraj, huiñai huiñaita causacuj Diospaj shutipimi cashna nirca. Cunantajca ña mana ashtahuan shuyagrinichu.

Apocalipsis 11:15

Sujtapaj q'uipa ángel trompetapi tocajpica, cielopica sinchita cashna caparishcami uyarirca: “Allpa pachapi mandanacunaca ñucanchij Jatun Diospaj, paipaj Churi Cristopajpishmi tucushca. Paimi huiñai huiñaita mandanga” nircami.

Apocalipsis 4:10

ishqui chunga chuscu ancianocunapish, jatun tiyarinapi tiyacujpaj ñaupajpi cungurishpa, huiñai huiñaita causacujta adorarcacuna. Paicunapaj coronacunatapish jatun tiyarina ñaupajpi churashpami:

Apocalipsis 4:9

Jatun tiyarinapi tiyacuj huiñaita causacujta chai causaiyujcuna jatunmari cangui, allimari cangui nishpa, pagui nijpica, cada chashna nishcatami,