DANIEL 4:3 - Dios Rimashca Shimicunami

³ ¡Pai rurashca milagrocunaca ashtahuan yallitaj jatunmi. Mancharinacunata pai rurashcaca yallitaj jatunmi! Pai mandanaca huiñaipajmi. Paica huahua huahuata mandacungallami.

DANIEL 4:3 Iomraidhean Croise

JOB 25:2

“Tucuita mandanapish Diospajmi, tucuicuna manchanapish paillami. Jahua pachapica paimi sumaj causaita churan.

SALMOS 104:24

¡Mandaj Dioslla, quiquin rurashcacunaca mana yupai tucuipajmari! Tucui chaicunataca quiquinpaj yachaihuanmari rurashcangui. Cai pachaca quiquin rurashcacunahuan jundamari.

SALMOS 105:27

Pi mana rurai tucuipajtapish rimashpalla ruranatami churarca. Cam llajtapica, pi mana rurai tucuipajcunata rurashpami ricuchircacuna.

SALMOS 145:13

Quiquin mandanaca huiñaita mandacunallami. Quiquin mandanaca huahua huahuata mandacunallami.

SALMOS 66:7

Paica tucuita rurai tucuj cashcahuanmi huiñaita mandacun. Paipaj ñahuicunaca torremanta chapaj shinami tucui llajtacunata chaparacun. C'ariyajcuna ama jatun tucuchunmi chashna chapacun. Selah

SALMOS 72:18

Mandaj Taita Diosca alli nishca cachun. Israelcunapaj Taita Diosca alli nishca cachun. Mancharinacunata rurajca paillamari.

SALMOS 77:19

Mama cucha chaupitami quiquinpaj ñanta surcurcangui. Jatun yacu chaupitami quiquin purinata rurarcangui. Chaimi quiquinpaj chaqui sarushcatapish pi mana ricui tucurca.

SALMOS 86:10

Quiquinca jatunmi cangui. Mancharinacunata rurajmi cangui. Quiquinllami Taita Dios cangui.

SALMOS 92:5

¡Mandaj Dioslla, quiquin rurashcacunaca tucuita yalli jatunmari! Quiquinpaj yuyaica yallitaj mana jahuallamari.

ISAÍAS 25:1

Mandaj Dios canmi ñuca Dios cangui. Mancharinacunata quiquin rurashcamantaca cambaj shutitaca jatunyachishami. Cambaj shutitaca alabashami. Ñaupaman quiquin imata ruranata yuyarishcataca chaitatajmi pajtachishcangui.

ISAÍAS 28:29

Tucui chaicunataca tucuita Mandaj Diosmi yachachin. Mancharinata cunaj cashcata, yallitaj yachaj cashcata ricuchingapajmi chashna yachachin.

ISAÍAS 9:7

Pai mandanaca ashtahuanmi mirashpa catinga. Pai mandacujpica sumaj causaimi tiyanga. Chai mandanaca mana tucuringachu. David mandashpa tiyanapimi tiyaringa. Pai mandanatami mandanga. Ima pandata mana rurashpa, cashcata rurashpami mandanga. Imatapish alli cachun churashpami mandanga. Pi mana cuyuchipajmi canga. Pai mandai callari punllamanta huiñaitami chashna canga. Tucuita Mandaj Diosca chaita rurana munailla cashcamanta pajtachingatajmi.

JEREMÍAS 10:10

Ashtahuanpish Mandaj Diosca Diostajmari. Paica huiñaita Jatun Mandajmi, causaj Diosmari. Pai p'iñarijpica, allpapish chujchunmi, llajtacunapi causajcunapish mana causai tucunchu.

DANIEL 2:2

Jatun mandajca, pai muscushca imata nisha nishcata huillachunmi jatun yachajcunata, luzerocunamanta yachajcunata, brujocunata, caldeocunatapish cayachirca. Tucui paicuna shamushpa paipaj ñaupajpi ña cajpimi,

DANIEL 2:44

Chai jatun mandajcuna mandacui punllacunapimi, jahua pacha Taita Diosca nunca pi mana chingachina mandanata churanga. Chai mandanataca shujtaj llajtacuna mandachunca manataj saquingachu. Shujtaj mandanacunataca tucuitami ñutushpa chingachinga. Paica manataj chingaringachu.

DANIEL 4:17

Chaitaca jucha illaj cuidajcunami chashna tucuchun nishpa parlanacushpa chashna rurashca. Cai pachapi causajcunaca runacuna mandacun jahuapica jahua pacha Taita Dios mandacushcata yachachunmi chashna rurashca. Mandaj cachunca Taita Diosca pita pai churasha nishcata churaj cashcata yachachun, mandaj canapica tucuicunamanta yalli manataj jatun tucujta churaj cashcata yachachunmi chashna rurashca nircami.

DANIEL 7:14

Paimanca mandai tucunata, jatun nishca canata, mandanatami curca. Tucui gentecuna, llajtacuna, ch'ican ch'ican rimaita rimajcuna paipajta rurachunmi chashna rurarca. Pai mandaj canaca huiñaita mandaj canami. Manataj tucuringachu. Pai mandanallatami pi mana chingachishca canga.

DANIEL 7:27

Chashna rurashpaca mandanatapish, mandaj canatapish, achca llajtacuna tandanacushca mandanacunatapish, cai pachapi tucui cajcunataca jahua pacha Taita Diospaj jucha illajcunamanmi cunga. Chai mandanaca huiñaita mandanami canga. Chaipica tucui mandacujcunami pai mandashcallata ruracungacuna” nircami.

Romanos 11:33

¡Diosca tucuita yalli yachaj canata, yuyaiyuj canata yallitaj charijmari! ¡Pai imata yuyacushcatapish, pi mana yachai tucunchu! ¡Pai imata ruracushcatapish, pi mana entendi tucunchu!

DEUTERONOMIO 4:34

Maijan diostaj shuj llajtapaj chaupimanta shuj llajtata paipajlla cachun llaquicunahuan, ricuchinacunahuan, milagrocunahuan, jatun macanacuicunahuan paipaj tucuita rurai tucuj maquihuan, paipaj rigra chutashcahuan mancharinacunata rurashcahuan llujshichinata yuyarishcari. Mandaj Dios cancunapaj Taita Diosmi Egiptomantaca cancunapaj ñaupajpi tucui chaicunata rurashpa cancunataca llujshichimurca.

1 Timoteo 1:17

Chaimantami huiñaita Jatun mandaj, mana huañuj, mana ricuipaj, shujlla yachaj Diostaca, alli nishpa, huiñai huiñaita sumajyachishca cachun nini. Chashna cachun.

Hebreos 1:8

Ashtahuanpish paipaj Churitaca, cashnami nirca: “Dioslla, can mandashpa tiyanaca, huiñai huiñaipajmi. Cambaj varaca cashcata rurashpa mandanami.

Hebreos 2:4

Diosca señalcunata, pi mana ruraipajcunata, ch'ican ch'ican milagrocunata paicunata rurachishpami chai huillashcacuna chashnataj cashcataca ricuchirca. Pai munashca shina paipaj Jucha illaj Espirituta cushpami chaicunataca chashna rurachirca.

1 Pedro 4:11

Maijan huillacushpaca, Diospaj shimi nishca shinalla huillachun. Maijan allita rurajca, Dios cushca poderhuan allita rurachun. Jesucristomanta Diostaca, tucuipi jatunyachishca cachun chashna ruraichij. Huiñai huiñaita jatunyachishca canapish, tucuita mandanapish paipajmi. Chashna cachun.

Apocalipsis 11:15

Sujtapaj q'uipa ángel trompetapi tocajpica, cielopica sinchita cashna caparishcami uyarirca: “Allpa pachapi mandanacunaca ñucanchij Jatun Diospaj, paipaj Churi Cristopajpishmi tucushca. Paimi huiñai huiñaita mandanga” nircami.