DANIEL 4:25 - Dios Rimashca Shimicunami

²⁵ Cantaca gentecunapuramanta anchuchishpa animalcunahuan churajpimi paicunahuan causangui. Huagracunata shinami q'uihuacunapi michinga. Jahua pacha garhuami armachinga. Runacuna mandacun jahuapica jahua pacha Taita Dios mandacushcata yachangacama, mandaj cachunca Taita Dios pita pai churasha nishcata churaj cashcata yachangacamami canchis huatacama chashna puringui.

DANIEL 4:25 Iomraidhean Croise

SALMOS 103:19

Mandaj Diosca pai mandashpa tiyanataca, jahua pachapimi churarca. Pai mandanaca tucuicunatami cazuchicun.

SALMOS 106:20

Sumaj jatun Diosllata yuyarinapaj randica, q'uihuata micuj huagraman rijchajta rurashpami adorarcacuna.

SALMOS 75:7

Ashtahuanpish juezca Taita Diosmari. Paimi shujcunataca cumurichin. Caishujcunataca jatun canapi churan.

SALMOS 83:18

Chaipimi quiquinpaj shutica Mandaj Dios cashcata yachangacuna. Jahua pachapi caj Taita Diosca quiquinlla cashcata, quiquinlla tucui cai pachata mandaj cashcata yachangacuna.

JEREMÍAS 27:5

Ñucami cai pachatapish, tucui runacunatapish, animalcunatapish, allpapi tucui imalla tiyajtapish tucuita rurai tucuj ñuca maquihuan rurarcani. Chaimantami llajtacunataca ñuca piman cusha nishpapish cunilla.

DANIEL 2:21

Huatacunatapish, punllacunatapish paimi shujtajyachin. Jatun mandajcunatapish paimi churan. Paimi anchuchin. Jatun yachajcunamanpish paimi yachaisapa canata cun. Alli yuyaiyujcunamanpish paimi yachaita cun.

DANIEL 2:37

Jatun mandaj canca jatun mandajcunata jatun mandajmi cangui. Jahua pacha Taita Diosmi canmanca mandanatapish, imata rurai tucunatapish, fuerzatapish, jatun canatapish cushca.

DANIEL 2:47

Jatun mandajca, Danieltaca: –Cancunapaj Taita Diosca, tucui dioscunapaj Taita Diostajmi, jatun mandajcunapajpish Jatun Mandajmi. Pi mana yachaipaj pacalla cajtapish ricuchijmi. Chaimi pi mana yachaipaj pacalla cajtaca ñucaman huillangui– nircami.

DANIEL 4:16

Paipaj shungutaca shujtajyachishpa animal shina yuyacuj shunguta rurachun. Canchis huatacama chashna cachun.

DANIEL 4:17

Chaitaca jucha illaj cuidajcunami chashna tucuchun nishpa parlanacushpa chashna rurashca. Cai pachapi causajcunaca runacuna mandacun jahuapica jahua pacha Taita Dios mandacushcata yachachunmi chashna rurashca. Mandaj cachunca Taita Diosca pita pai churasha nishcata churaj cashcata yachachun, mandaj canapica tucuicunamanta yalli manataj jatun tucujta churaj cashcata yachachunmi chashna rurashca nircami.

DANIEL 4:2

Ñucaca jahua pacha Taita Dios ñucaman ricuchishca señalcunata, milagrocunatami huillasha nini.