DANIEL 4:22 - Dios Rimashca Shimicunami

²² Jatun mandajlla chai yuraca canllatajmi cangui. Canca jatunyashpami sinchi tucushcangui. Can yallitaj jatun tucushcaca umahuan jahua pachaman tupajta shinami tucushcangui. Chashnami cai pachapi tiyaj tucui llajtacunataca mandacungui.

DANIEL 4:22 Iomraidhean Croise

GÉNESIS 11:4

Chai q'uipaca cashnapishmi nircacuna: “Shuj pueblota jahua pachaman chayaj torreyujta rurashunchij. Chashnami c'ari c'ari runacuna tiyashcaca tucuipi yacharishun, tucui cai pachata caita chaita rinatapish pararishun” nircacunami.

GÉNESIS 28:12

Paica, pambamanta jahua pachacama shuj jatun escalera paipaj c'uchupi shayacujta, chai escalerapica Taita Diospaj angelcuna huichiyacujta uriyacujtami muscurca.

2 SAMUEL 12:7

Chaimi Natanca Davidtaca: –¡Chai runa shinaca canllatajmari cangui! Israelcunata Mandaj Diosca cashnami nin: Ñucami cantaca israelcunata jatun mandaj cachun churarcani. Saulpaj maquimantapish cantaca ñucami quishpichircani.

2 CRÓNICAS 28:9

Chai Samaria pueblopica, profeta Obed runami causarca. Paimi Samaria puebloman tigracuj soldadocunahuan tupashpaca cashna nirca: –Cancunapaj ñaupa yayacunata Mandaj Diosca p'iñarishpallami, Judá llajtapi causajcunataca, cancunapaj maquipi churashca. Chashna rurajpica cancunaca jahua pachaman chayajta yallitaj p'iñarishpamari, achcacunata huañuchishcanguichij.

SALMOS 108:4

Quiquin llaquij cashcaca jahua pachatapish yalli mana tucuripajmari. Quiquinpaj mana llullaca jahua pachacamamari.

SALMOS 36:5

Mandaj Dios quiquinpaj llaquij cashcaca jahua pachacunacamami chayan. Quiquin pajtachij cashcaca p'uyucamami chayan.

JEREMÍAS 27:5

Ñucami cai pachatapish, tucui runacunatapish, animalcunatapish, allpapi tucui imalla tiyajtapish tucuita rurai tucuj ñuca maquihuan rurarcani. Chaimantami llajtacunataca ñuca piman cusha nishpapish cunilla.

EZEQUIEL 17:3

Chaimantaca paicunamanca cashna huillangui: Mandaj Jatun Diosca cashnami nin: Suni jatun alasyuj, tucui laya color plumacunayuj jatun aguilami cedro yura ñahuita Libanomanta apanaman shamurca.

DANIEL 2:21

Huatacunatapish, punllacunatapish paimi shujtajyachin. Jatun mandajcunatapish paimi churan. Paimi anchuchin. Jatun yachajcunamanpish paimi yachaisapa canata cun. Alli yuyaiyujcunamanpish paimi yachaita cun.

DANIEL 4:11

Chai yura huiñashpaca sinchimi tucurca. Chai yura puntaca, jahua pachacamami carca. Chaitaca tucui cai pacha maimantapish ricunallami carca.

DANIEL 4:21

Yurapaj p'angacunapish sumaj cajta, achca granocunayujta, chaipi caj micunaca tucuicunapaj pajtana cajta, chai yura ucupica tucui laya animalcuna cajta, ramacunapipish huairata purij alasyuj animalcuna tazinashcatami ricurcangui.

DANIEL 4:29

Chaimantami huata junda shinapica, Babiloniapi pai mandana huasipi caiman chaiman puricushpa,

DANIEL 4:36

Chai punllallatajmi ñuca yuyaitaca gente yuyaiman tigrachirca. Ñuca mandanatapish, alli nishca canatapish, jatun nishca canatapish ñucallamantajmi cutin curca. Llajtacunata mandajcunapish, ñucaman yuyaita cujcunapish ñucatami mashcarcacuna. Ñucaca cutinllataj mandai callarishpami, tucui imapipish ñaupata yalli alli mandarcani.

Mateo 14:4

Juanca Herodestaca: “Apanacushpa causanaca mana allichu” nishcami carca.

Apocalipsis 18:5

paicunapaj juchacunaca cielocamami chayashca. Paicuna millaita rurashcamantaca Diosca ñami yuyarishca.