Biblia Todo Logo
Bìoball air-loidhne

- Sanasan -




DANIEL 4:21 - Dios Rimashca Shimicunami

21 Yurapaj p'angacunapish sumaj cajta, achca granocunayujta, chaipi caj micunaca tucuicunapaj pajtana cajta, chai yura ucupica tucui laya animalcuna cajta, ramacunapipish huairata purij alasyuj animalcuna tazinashcatami ricurcangui.

Faic an caibideil Dèan lethbhreac




DANIEL 4:21
8 Iomraidhean Croise  

Chai yuracunapimi pajarocunapish tazinancuna. Haya yuracunapimi cigüeñacunapish paicunapaj huasita rurancuna.


Chai caspitaca Israel llajtapi tiyaj jatun urcupimi tarpusha. Chaica ramacunayuj tucushpaca, granota p'ucushpa sumaj cedro yurami tucunga. Chai yurapica, tucui laya pajarocunami causanga, llandujlla rama ucupimi causangacuna.


Chai yura rama jahuacunapica, huairata purij alasyuj animalcunami tazinta rurarcacuna. Chai yura ucupica, pambata purij tucui laya animalcunami huacharcacuna. Chai yura llandujlla ucupica, achca llajtacunapishmi causarcacuna.


Maipi cashpapish causaj gentecunata, tucui animalcunata, huairata purij pajarocunatapish Taita Diosmi cambaj maquipi churashca. Tucui chaicunata mandanataca canmanmi cushca. Chai curi umaca canllatajmari cangui.


Chai yura huiñashpaca sinchimi tucurca. Chai yura puntaca, jahua pachacamami carca. Chaitaca tucui cai pacha maimantapish ricunallami carca.


Canca shuj yura jatunta huiñajta, sinchi cajta, yura puntaca jahua pachacama cajta, chaitaca tucui cai pacha maimantapish ricunalla cajtami ricurcangui.


Jatun mandajlla chai yuraca canllatajmi cangui. Canca jatunyashpami sinchi tucushcangui. Can yallitaj jatun tucushcaca umahuan jahua pachaman tupajta shinami tucushcangui. Chashnami cai pachapi tiyaj tucui llajtacunataca mandacungui.


Chaica cashnami canga. Mostaza muyuta shuj runa paipaj allpapi tarpujpica jatun yurami tucun. Chai muyu huiñashpa jatun yura tucujpica, pajarocunami tazinashpa causancuna. Taita Dios mandacujpipish chashnami canga” nircami.


Lean sinn:

Sanasan


Sanasan