DANIEL 4:18 - Dios Rimashca Shimicunami

¹⁸ Jatun mandaj Nabucodonosor ñucaca, muscuipica chaitami ricurcani. Chai imata nisha nishcataca ñuca mandacun llajtapi tiyaj jatun yachajcunapish mana huillai tucurcacunachu. Beltsasar canmi chai imata nisha nishcataca huillai tucungui. Canpica, jucha illaj dioscunapaj espiritumari tiyan, chaimi chaitaca huillai tucungui” nircanimi.

DANIEL 4:18 Iomraidhean Croise

GÉNESIS 40:12

Chaimi Joseca: –Chai muscuica caitami nisha nin: Quimsa ramacunaca quimsa punllacunami.

GÉNESIS 41:15

Faraonca Josetaca: –Ñucami shuj muscuita charircani. Chaita huillajmari pi mana tiyan. Ashtahuanpish muscushcacunata huillajpi chaita uyashpaca canca chai imata nisha nishcata huillanlla nijtami uyani– nirca.

GÉNESIS 41:8

Ashtahuanpish chai tutamantaca paipaj espiritupica llaquillami carca. Chaimi Egiptopi causaj jatun yachajcunata, yumbucunata cayachishpa pai imallata muscushcata parlarca. Paicunaca chai imata nisha nishcataca faraonmanca pi mana huillai tucurcachu.

ISAÍAS 19:3

Egipciocunapurapica alli yuyaiyuj canaca mana tiyangachu. Paicuna imallata ruranata yuyarishcatapish chingachishami. Chaimi paicunaca paicunapaj rurashcalla dioscunata, paicunapaj brujocunata, huañushcacunahuan rimajcunata, adivinocunata tapungacuna.

DANIEL 1:20

Tucui imapipish yachaisapa canata, alli yuyaiyuj canata jatun mandaj tapujpipish, paicunaca pai mandacun llajtapi tiyaj tucui jatun yachajcuna, luzerocunamanta yachajcuna cutichishcamantaca chunga cutihuan yallimi cutichircacuna.

DANIEL 2:38

Maipi cashpapish causaj gentecunata, tucui animalcunata, huairata purij pajarocunatapish Taita Diosmi cambaj maquipi churashca. Tucui chaicunata mandanataca canmanmi cushca. Chai curi umaca canllatajmari cangui.

DANIEL 2:7

Adivinocunaca cutinllatajmi: –Jatun mandaj can muscushcataca cambajta rurajcunaman parlayari. Chai muscui imata nisha nishcata huillangapaj– nircacuna.

DANIEL 5:15

Cai quillcata rezashpa, chai imata nisha nishcata huillachunmari ñucapajmanca jatun yachajcunata, luzerocunamanta yachajcunata pushamurcacuna. Ashtahuanpish paicunaca chai imata nisha nishcataca mana huillai tucurcacunachu.

DANIEL 5:8

Jatun mandajpaj adivinajcuna tucuicuna paipajman yaicushpaca, chai quillcataca mana rezai tucurcacunachu, chai imata nisha nishcatapish mana huillai tucurcacunachu.

AMÓS 3:7

Mandaj Jatun Diosca pai ima nishcata huillaj paita servijcunaman ima tucunata manaraj huillachishpaca, mana llaquichinllachu.