DANIEL 4:16 - Dios Rimashca Shimicunami

¹⁶ Paipaj shungutaca shujtajyachishpa animal shina yuyacuj shunguta rurachun. Canchis huatacama chashna cachun.

DANIEL 4:16 Iomraidhean Croise

2 SAMUEL 18:32

Shina nijpi jatun mandajca, etíope runataca: –¿Absalón huambraca allillachu?– nijpi etíope runaca: –Can jatun mandaj ñuca amota p'iñajcunaca, p'iñajcunapish, llaquichingapaj jatarijcunatapish tucuicuna chai huambra shinallataj tucushpaca allimi canman– nircami.

ISAÍAS 6:10

Paicunapaj shungutapish rumiyachi. Rinrintapish mana uyajta rurai. Ñahuitapish mana ricujta rurai. Ñahuihuanpish ama ricuchun, rinrinhuanpish ama uyachun, shunguhuanpish ama entendichun, ñuca ama alliyachichun ñucaman ama cutirichun chashna rurai” nircami.

DANIEL 11:13

Janaj lado llajtata jatun mandajca ñaupata yalli achca soldadocunatami tandachinga. Ña uni huatacuna q'uipaca yallitaj achca soldadocunayuj, alli macanacunacunayuj tucushpami, ura lado llajtata jatun mandajhuan macanacungapaj cutin tigranga.

DANIEL 12:7

Shina nijpica lino churanata churashca jatun yacu jahuapi shayacujca alli maquitapish, lluqui maquitapish jahua pachaman chutashpami, huiñaita causaj Taita Diospaj shutipi cashna nirca: “Quimsa huata chaupitami chashna llaqui tiyanga. Diospajlla cajcunata urata janajta cachashcacuna tucui tigrajpimi, chaicunaca pajtanga” nijtami uyarcani.

DANIEL 4:23

Jatun mandaj canca, jucha illaj shuj cuidaj jahua pachamanta uriyamucujtapishmi ricurcangui. Paica cashnami nirca: Chai yurata p'itishpa chingachichij. Ashtahuanpish chai yurapaj asha troncondij sapicunandijca chaillapitaj saquichijlla. Fierro cadenacunahuan, bronce cadenacunahuan huatashpa q'uihua chaupipi saquichij. Jahua pacha garhua shutujyachichun. Animalcunahuan q'uihua chaupipi causashpa q'uihuata micuchun. Canchis huatacama chashna cachun saquichij nijtami uyarcangui.

DANIEL 4:25

Cantaca gentecunapuramanta anchuchishpa animalcunahuan churajpimi paicunahuan causangui. Huagracunata shinami q'uihuacunapi michinga. Jahua pacha garhuami armachinga. Runacuna mandacun jahuapica jahua pacha Taita Dios mandacushcata yachangacama, mandaj cachunca Taita Dios pita pai churasha nishcata churaj cashcata yachangacamami canchis huatacama chashna puringui.

DANIEL 7:25

Jahua pacha Taita Diostapish p'iñashpami millai shimicunata rimanga. Jahua pacha Taita Diospaj jucha illajcunatapish llaquichingami. Huatacunatapish, mandashcacunatapish shujtajyachinatami yuyanga. Diospajlla cajcunaca quimsa huata chaupicamami paipaj maquipi churashca canga.

DANIEL 7:28

Pai huillashca shimicunaca chaicunami. Daniel ñuca, chaita uyashpaca ñuca yuyaipica yallitaj musparishpami, ñuca ñahuipish shujtajyarcani. Shina cashpapish tucui chaicunataca ñuca shungupimi huaquichircani.

Hebreos 1:11

Chaicunaca chingaringacunami. Ashtahuanpish canca huiñaipajmi cangui. Tucui chaicunaca, churana shinami maucayangacuna.

Apocalipsis 12:14

Chaimantami chai huarmimanca, shitashca pambaman culebrapaj ñaupajmanta jatarishpa richun, jatun aguilapaj ishqui alasta curca. Chaipimi quimsa huata chaupicama Dios cuidashca carashca causarca.