DANIEL 4:14 - Dios Rimashca Shimicunami

¹⁴ Paica cashna nishpami sinchita caparirca: Chai yurata urmachichij, ramacunatapish p'itichij. P'angacunatapish anchuchichij, granocunatapish tsirapashpa shitaichij. Chai yura ucupi caj animalcunapish, ramacunapi caj alasyuj animalcunapish maita richij.

DANIEL 4:14 Iomraidhean Croise

JOB 24:20

Paicunataca huachaj mamapish cungaringami, c'urucunallami mishquichishpa micunga. Paicunataca shuj cutinllapish manataj yuyaringacunachu. Diosta mana manchajcunaca yurata urmachishca shinami chingaringacuna.

JEREMÍAS 27:5

Ñucami cai pachatapish, tucui runacunatapish, animalcunatapish, allpapi tucui imalla tiyajtapish tucuita rurai tucuj ñuca maquihuan rurarcani. Chaimantami llajtacunataca ñuca piman cusha nishpapish cunilla.

JEREMÍAS 51:6

Babiloniamanta llujshishpa callpaichigari. Cancunapaj causaillatapish quishpichichigari. Chai llajta runacuna millaita rurashcamantami, Mandaj Diosca llaquichigrin. Paicunata llaquichina punllamari chayamushca. Paicunaman cuna cashcatamari cugrin.

JEREMÍAS 51:9

Babilonia llajtataca ñami jambinchij. Shina cajpipish, manataj alliyanchu. Tucuicuna shitashpa ñucanchij quiquin llajtacunaman jacuchijlla. Jahua pachaman chayajtami millaita rurashcacuna. Paicunapaj juchaca p'uyucamami chayashca.

EZEQUIEL 31:10

Chaimantami Mandaj Jatun Diosca cashnapish nirca: Paica tucuicunata mishashpa, jatunta huiñashcamanta, ramacunayuj cashcamanta, suni ñahuiyuj cashcamantami, paipaj shungupica jatunmi cani nirirca.

DANIEL 2:21

Huatacunatapish, punllacunatapish paimi shujtajyachin. Jatun mandajcunatapish paimi churan. Paimi anchuchin. Jatun yachajcunamanpish paimi yachaisapa canata cun. Alli yuyaiyujcunamanpish paimi yachaita cun.

DANIEL 3:4

Chaipi shayacujpimi, huillaj runaca sinchita caparishpa cashna nirca: “Caipi caj shujtaj shujtaj gentecuna, shujtaj shujtaj llajtacuna, ch'ican ch'ican rimaita rimajcuna cancunataca cashnami mandan.

DANIEL 4:12

P'angacunaca sumajmi carca. Granopish yallitaj achcami carca. Paipi tiyaj micunaca tucuicunapaj pajtami carca. Chai yura llandupica, tucui laya animalcunami llanduricurca. Ramacunapica, huairata purij alasyuj animalcunami tazinta rurarcacuna. Causaita charij tucuicunaca paimantami micushpa causacurca.

DANIEL 4:23

Jatun mandaj canca, jucha illaj shuj cuidaj jahua pachamanta uriyamucujtapishmi ricurcangui. Paica cashnami nirca: Chai yurata p'itishpa chingachichij. Ashtahuanpish chai yurapaj asha troncondij sapicunandijca chaillapitaj saquichijlla. Fierro cadenacunahuan, bronce cadenacunahuan huatashpa q'uihua chaupipi saquichij. Jahua pacha garhua shutujyachichun. Animalcunahuan q'uihua chaupipi causashpa q'uihuata micuchun. Canchis huatacama chashna cachun saquichij nijtami uyarcangui.

DANIEL 4:29

Chaimantami huata junda shinapica, Babiloniapi pai mandana huasipi caiman chaiman puricushpa,

DANIEL 5:20

Ashtahuanpish paipaj shungupica yallitaj jatun cashcata yuyashpa, chai jatun cashcapi rumi shungu tucushpa millai tucujpimi, pai mandanatapish quichushpa pai jatun tucushca cashcatapish yallitaj yangapi churarca.

DANIEL 5:21

Gentecunapuramanta anchuchishcami carca. Paipaj yuyaitaca animalcunapaj yuyaita shinami rurarca. Sacha burrocunahuanmi causarca. Huagraman shinami q'uihuata cararca. Paipaj cuerpopish jahua pacha garhuahuanmi shutujyarca. Runacuna mandacun jahuapica jahua pacha Taita Dios mandacushcata, mandaj cachunca Taita Dios pita pai churasha nishcata churaj cashcata yachangacamami chashna rurarca.

Mateo 3:10

Ashtahuancarin hachatamari ña yuracuna sapipi churashca. Mana p'ucuj yuracunataca tucuitami p'itishpa ninapi shitanga.

Mateo 7:19

Mana alli granota p'ucuj yurataca, tucuicunatami p'itishpa ninapi shitan.

Lucas 3:9

Mana p'ucuj yurataca sapimanta p'itishpami rupachin. Chashnallatajmi Diospish chai yura shina mana p'ucujcunata urmachingapaj hachataca yura sapipi ña churashca– nircami.

Apocalipsis 10:3

Paica león huacarij shinami sinchita caparirca. Chashna caparijpi pai caparishca shinallataj tigra uyarishpaca, canchis c'ulun nishcacunahuanmi sinchita uyarirca.

Apocalipsis 18:2

Paica sinchita caparishpami, cashna nirca: “¡Babilonia jatun puebloca urmashcamari, urmashcamari! Supaicuna causanamari tucushca. Mapayachij tucui espiritucuna causana jutcumari tucushca. Millanayaj pajarocuna causana tazinmari tucushca.