DANIEL 4:11 - Dios Rimashca Shimicunami

¹¹ Chai yura huiñashpaca sinchimi tucurca. Chai yura puntaca, jahua pachacamami carca. Chaitaca tucui cai pacha maimantapish ricunallami carca.

DANIEL 4:11 Iomraidhean Croise

GÉNESIS 11:4

Chai q'uipaca cashnapishmi nircacuna: “Shuj pueblota jahua pachaman chayaj torreyujta rurashunchij. Chashnami c'ari c'ari runacuna tiyashcaca tucuipi yacharishun, tucui cai pachata caita chaita rinatapish pararishun” nircacunami.

EZEQUIEL 31:12

Paitaca caru llajtamanta shamujcunami chingachingacuna. Shujtaj llajtamanta mandajcunami aisashpa shitangacuna. Chaimantami tucui paipaj ramacunaca urcu jahuacunapi, pugru pambacunapi, huaicu yacucunapi urmangacuna. Shinallataj chai yura ucupi llandurishpa causajcunapish paillata saquishpami, anchurishpa ringacuna.

EZEQUIEL 31:5

Paica urcupi tiyaj tucui yuracunamanta yalli jatuntami huiñarca. Ramacunapish manchanayajtami mirarirca. Achca yacuyuj cashpami, suni ramacunayuj tucurca.

Mateo 11:23

Capernaumpi causajcunalla, jahua pachamanmi apashca cashun yuyacunguichijmi. Ashtahuanpish ucu pachamanmari shitashca canguichij. Cancunapajpi rurashca shina milagrocunata, Sodomapi rurashca cajpica, cunan punllacamami chai puebloca tiyacunmanraj carca.

DEUTERONOMIO 9:1

Israelcuna uyaichij, cancunaca cunanmi cancunata yalli achca, sinchi sinchi llajtacunata, jahuacama pircashca jatun pueblocunata cancunapaj cachun japingapaj Jordán yacuta ch'imbagringuichij.