DANIEL 3:8 - Dios Rimashca Shimicunami

⁸ Chai punllacunallatajmi, caldeocunapuramanta maijancunaca, judiocunata llaquichingapaj juchachishpa huillanaman shamurcacuna.

DANIEL 3:8 Iomraidhean Croise

ESTER 3:6

Amanca Mardoqueotaca, judiocunapura cashcata yachashpami, mana paillata huañuchinata yuyarca. Ashtahuanpish judiocunataca, tucuicunatami jatun mandaj Asuero mandacun llajtacunapi causajcunataca huañuchinata yuyarirca.

DANIEL 1:4

Paicunataca tucui imapish alli cajta, alli ñahui cajta, tucui imata yachachijpipish jahualla yachai tucuipaj cajta, ima yachanatapish jahualla yachai tucuipaj cajta, jahualla entendi tucuipaj cajta, jatun mandajpaj mandana huasipi imatapish rurai tucuipaj cajcunata pushamuichij. Paicunamanca rimanatapish, quillcanatapish ñucanchij caldeocunapajta yachachichij nishpami mandarca.

DANIEL 2:10

Chaimi caldeocunaca, jatun mandajtaca: –Can jatun mandaj tapushca shinata adivinajcunaca tucui cai pachapi pi mana tiyanchu. Jatun yachajcunatapish, luzerocunamanta yachajcunatapish, caldeocunatapish pi jatun mandajpish, pi mandajpish, pi jatun amopish can jatun mandaj tapushca shinaca mana tapushcachu.

DANIEL 2:2

Jatun mandajca, pai muscushca imata nisha nishcata huillachunmi jatun yachajcunata, luzerocunamanta yachajcunata, brujocunata, caldeocunatapish cayachirca. Tucui paicuna shamushpa paipaj ñaupajpi ña cajpimi,

DANIEL 3:7

Shina nijpimi bocinapi, flautapi, citarapi, arpapi, salteriopi, zampoñapi, tucui shujtaj tocanacunapi tocashca uyarijpica, shujtaj shujtaj gentecunapish, shujtaj shujtaj llajtacunapish, ch'ican ch'ican rimaita rimajcunapish jatun mandaj Nabucodonosor shayachishca curimanta rurashca imamanpish rijchajpaj ñaupajpi cungurishpa adorarcacuna.

DANIEL 4:7

Chaipica jatun yachajcunapish, luzerocunamanta yachajcunapish, caldeocunapish, adivinocunapishmi ñucapajman shamurcacuna. Paicunaman ñuca muscushcata parlajpipish chai imata nisha nishcataca, mana huillai tucurcacunachu.

DANIEL 6:4

Chaimi chai ishqui mandajcunapish, satrapacunapish Danielta ima shinapish juchachingapaj pai ima shina mandajta chaparacurcacuna. Ashtahuanpish paicunaca ima juchachinata, ima mana allita mana japircacunachu. Danielca tucui imatapish cashcata ruraj cajpimi, paipica ima mana allitapish, ima juchachinatapish mana japircacuna.

Hechos 28:22

Ñucanchijca can caticushca mushuj yachanata maipipish p'iñashpa rimacushcatami uyarcanchij. Chaimantami can imallata yuyashcata uyashun ninchij nircacunami.