DANIEL 3:6 - Dios Rimashca Shimicunami

⁶ Maijanpish cungurishpa mana adorajtaca, chai ratollatajmi nina lunyacuj hornopi shitashca canga” nircami.

DANIEL 3:6 Iomraidhean Croise

GÉNESIS 19:28

Sodoma, Gomorra pueblocunata, tucui chai pambacunata asomashpa ricunapajca, chai pambamantaca hornomanta llujshicuj cushni shina achca cushni llujshicujtami ricurca.

ÉXODO 20:5

Chaicunataca ama cunguringuichijchu, amataj adoranguichijchu. Ñucami Mandaj cambaj Taita Dios cani. Ñucaca tucuita rurai tucuj Dios, ñucapajlla cachun munajmi cani. Yayacuna ñucata p'iñashpa millaita rurajpica paicunapaj quimsa huahua huahuacama, mana cashpacarin chuscu huahua huahuacunacama jatunta llaquichijmi cani.

ISAÍAS 44:17

Puchushcahuanca diosta rurani nishpami, chai ñaupajpi cungurishpa adorashpa cashna nin: Quishpichihuai canmari ñuca dios cangui nishpami rogarin.

JEREMÍAS 29:22

Chashna rurajpimi, Judá llajtamanta Babiloniaman prezu apashcacuna maijanta llaqui tucuchun nishpaca: Babilonia llajtata jatun mandajca Sedequiastapish, Acabtapish ninapimi cusachirca. Mandaj Diosca cantapish chashnallataj rurashca alli cachun ninguichijmi.

DANIEL 2:5

Chaimi jatun mandajca caldeocunataca cashna nirca: –Imallata muscushcataca mana yuyarinichu. Ashtahuanpish imata muscushcata, chai imata nisha nishcata mana huillajpica cancunataca ñutuchishami. Cancunapaj huasicunapish mapata shitana pambata rurashcami canga.

DANIEL 3:11

Maijanpish cungurishpa mana adorajtaca nina lunyacuj hornopi shitashcami canga nircanguimi.

DANIEL 3:15

Cunanca bocinapi, flautapi, citarapi, arpapi, salteriopi, zampoñapi, tucui shujtaj tocanacunapipish tocashca uyarijpica, ¿ñuca shayachishca curimanta rurashca imamanpish rijchajta cungurishpa adoranallachu canguichij? Mana chaita adorajpica, chai ratollatajmi nina lunyacuj hornopi shitashca canguichij. Ñuca maquimantaca ima dios mana quishpichingachu– nircami.

DANIEL 3:21

Chaimi quimsa runacunataca paicunapaj churanacunandijta, pargatecunandijta, turbantecunandijta tucui churarishcata huatashpa nina lunyacuj hornopi shitarca.

DANIEL 3:7

Shina nijpimi bocinapi, flautapi, citarapi, arpapi, salteriopi, zampoñapi, tucui shujtaj tocanacunapi tocashca uyarijpica, shujtaj shujtaj gentecunapish, shujtaj shujtaj llajtacunapish, ch'ican ch'ican rimaita rimajcunapish jatun mandaj Nabucodonosor shayachishca curimanta rurashca imamanpish rijchajpaj ñaupajpi cungurishpa adorarcacuna.

DANIEL 5:19

Jatun canata cushcamantami tucui gentecunapish, llajtacunapish, ch'ican ch'ican rimaita rimajcunapish paipaj ñaupajpica manchaihuan chujchujcuna carca. Paica maijanta huañuchisha nishpaca, huañuchircallami. Maijanta causachun saquisha nishpaca causachun saquircallami. Jatun canapi maijanta churasha nishpaca, churarcallami. Maijanta cumurichisha nishpaca cumurichircallami.

DANIEL 6:7

Can churashca tucui mandajcunapish, juezcunapish, satrapacunapish, mandajcunapish, soldadocunata mandajcunapish tandanacushpami cashna mandashcata churashpa pajtachichichuntaj nishpa yuyarinacurcanchij. Maijanpish cunanmanta manaraj quimsa chunga punlla tucujpi mana can jatun mandajllata adorashpa ashtahuanpish shujtaj diosta, mana cashpaca cambaj randica shujtaj runata adorajtaca, leoncunapaj jutcupi shitashca cachun nishpa can jatun mandaj mandachunmi shamunchij.

Mateo 13:42

nina rupacun hornopi shitanga. Chaipica jatunta huacana, quirucuna canirinami canga.

Mateo 13:50

Millaicunataca nina rupacun hornopimi shitanga. Chaipica jatunta huacana, quirucuna canirinami canga– nircami.

Mateo 4:9

cashna nirca: –Ñucata cungurishpa adorajpica, tucui caicunatami cusha– nirca.

Marcos 6:27

Shina cashpapish jatun mandajca, Juanpaj umata p'itishpa apamuchun, shuj soldadota cachajpimi,

Apocalipsis 14:11

Paicuna llaquita apacunmantaca, huiñai huiñaitami cushnica llujshicungalla. Animalta, paiman rijchajta rurashca animalta adorajcunapish, chai animalpaj shutita ricuchij sellota churachijcunapish tutapish, punllapish mana samashpami llaquitaca apacungalla” nircami.

Apocalipsis 9:2

Chai ucujta jutcupaj punguta pascajpica, jatun hornomanta cushni llujshicuj shinami cushni llujshirca. Chai jutcumanta cushni llujshishpaca, intitapish huairatapishmi amsayachirca.