DANIEL 3:21 - Dios Rimashca Shimicunami

²¹ Chaimi quimsa runacunataca paicunapaj churanacunandijta, pargatecunandijta, turbantecunandijta tucui churarishcata huatashpa nina lunyacuj hornopi shitarca.

DANIEL 3:21 Iomraidhean Croise

GÉNESIS 39:20

Chaimi Josepaj amoca Josetaca jatun mandaj prezu churashcacuna tiyacun carcel-llapitaj prezu churachirca. Chaipimi prezu saquirirca.

JEREMÍAS 29:22

Chashna rurajpimi, Judá llajtamanta Babiloniaman prezu apashcacuna maijanta llaqui tucuchun nishpaca: Babilonia llajtata jatun mandajca Sedequiastapish, Acabtapish ninapimi cusachirca. Mandaj Diosca cantapish chashnallataj rurashca alli cachun ninguichijmi.

DANIEL 3:20

Chaimantaca Sadracta, Mesacta, Abed-negota huatashpa nina lunyacuj hornopi shitachunca paipaj soldadocunapuramanta ashtahuan c'ari c'aricunatami mandarca.

DANIEL 3:27

Chaimi satrapacunapish, llajtacunata mandajcunapish, soldadocunata mandajcunapish, jatun mandajman yuyaita cujcunapish paicunata ricungapaj tandanacurcacuna. Ricunaman c'uchuyashpaca, paicunapaj cuerpopica ninaca mana chayashcallapish cajta, shuj ajchallapish mana rupashca cajta, paicunapaj churanacunapish mana ch'urvarishcallapish cashcatami ricurcacuna. Paicunaca ninallamanpish mana ashnacurcacunachu.

DANIEL 3:6

Maijanpish cungurishpa mana adorajtaca, chai ratollatajmi nina lunyacuj hornopi shitashca canga” nircami.

Mateo 13:42

nina rupacun hornopi shitanga. Chaipica jatunta huacana, quirucuna canirinami canga.