DANIEL 3:18 - Dios Rimashca Shimicunami

¹⁸ Pai mana quishpichijpipish jatun mandajlla, caitaca ñami yachana cangui. Ñucanchijca cambaj dioscunapajtaca mana rurashunchu. Curimanta rurashpa can shayachishca imamanpish rijchajtapish mana adorashunchu– nircami.

DANIEL 3:18 Iomraidhean Croise

1 REYES 19:14

Shina nijpi Eliasca: “Tucuita Mandaj Dios nishcata pajtachina yuyailla huañuricuj cashcamantami caipi cani. Israelcunaca pajtachingapaj ari nishcata mana cazushpamari, cambaj altarcunatapish tucui urmachircacuna. Profetacunatapish espadahuanmi huañuchircacuna. Ñucallamari saquirishcani. Cunancarin ñucatapish huañuchingapajmari mashcacuncuna” nircami.

1 REYES 19:18

Ñucaca Israelpica Baalta mana cungurij, mana muchaj, 7.000 runacunatami puchuchigrini” nircami.

JOB 13:15

Riquichij, pai huañuchina cajpipish, paillapimi shuyanataca charini. Shina cajpipish ñucaca paipaj ñaupajpica, ñuca causaita ricuchishpa mitsarishatajmi.

PROVERBIOS 28:1

Diosta mana manchaj runaca, pi mana catijpipish, miticunaman callpanllami. Ashtahuanpish cashcata ruraj runaca, león shina ima manchaita mana charinchu.

DANIEL 3:28

Nabucodonosorca cashnami nirca: “Sadracpaj, Mesacpaj, Abed-negopaj Taita Dios cantaca alli nishca cachun. Paimari paipaj angelta cachashpa paipi shunguta churaj paipajta rurajcunataca quishpichirca. Paicunaca jatun mandaj ñuca mandashcata mana cazushpami, manapish paicunapaj diosta adoranapaj randica huañungapaj paicunapaj quiquin causaita curijpi paicunataca chashna quishpichishca.

LEVÍTICO 19:4

Cancunaca rurashcalla dioscunata ñataj cutin yuyaricunguichijman. Cancunapaj dios cachun nishpapish ñataj imatapish yacuyachishpa dioscunata ruranguichijman. Ñucami Mandaj Dios cancunapaj Taita Dios cani.

Mateo 10:28

Cuerpota huañuchijcunataca, ama manchaichijchu. Paicunaca, almataca mana huañuchi tucunchu. Chaipaj randica almandij, cuerpondij ucu pachapi chingachi tucuj Taita Diosta manchaichij.

Mateo 10:39

Pipish paipaj causaita c'uyajca, chingaringami. Pipish ñucamanta paipaj causaita chingachijca huiñai causaitami japinga.

Mateo 16:2

Ashtahuanpish Jesusca cashnami nirca, cancunaca tutayacujpica: “Cieloca pucayashcamari: “Cayaca alli punllami canga” ninguichijmi.

Hechos 4:19

Chaipica Pedroca, Juandijmi paicunamanca cashna cutichircacuna: –Taita Diosta cazunapaj randica ¿cancunata cazunachu alli? Chaitaca cancunallataj Taita Diospaj ñaupajpi alli yuyarichij.

Hebreos 11:25

Juchata rurashpa ashacama cushicushpa causanapaj randica, Dios agllashcacunahuan llaquita apanatami agllarca.

JOSUÉ 24:15

Mandaj Diospajta rurashpa causana mana alli yuyachijpica, cunanllataj maijan diospajta rurasha nishpapish alli yuyaringuichij. Cancunapaj ñaupa yayacuna, Éufrates jatun yacu uripi caj llajtapi causacushpa shujtaj dioscunapajta rurashca shina rurasha nishpapish, mana cashpaca cunan cancuna causacun cai llajtapi causaj amorreocunapaj dioscunapajta rurashun nishpapish alli yuyaringuichij. Ashtahuanpish ñucapish, ñuca huasi familiapish Mandaj Diospajtami rurashun– nircami.

Apocalipsis 12:11

Chai huauquicunaca, Ovejapaj yahuarhuan, paipaj shimita huillashcahuanmi diablotaca misharcacuna. Quiquin causaita mana llaquishpami huañuchingacama huillarcacuna.