DANIEL 3:11 - Dios Rimashca Shimicunami

¹¹ Maijanpish cungurishpa mana adorajtaca nina lunyacuj hornopi shitashcami canga nircanguimi.

DANIEL 3:11 Iomraidhean Croise

DANIEL 3:10

Jatun mandajlla, canca tucuicunatami bocinapi, flautapi, citarapi, arpapi, salteriopi, zampoñapi, tucui shujtaj tocanacunapipish tocashcata uyashpaca, curimanta rurashca imamanpish rijchajta cungurishpa adorachun nishpa mandashcangui.

DANIEL 3:12

Cai Babilonia llajtata ñaupajman pushanata mandajcuna cachun can churashca Sadrac, Mesac, Abed-nego nishca Judá runacunaca can mandashcataca manamari cazuncunachu. Cambaj dioscunatapish manamari adorancunachu. Curimanta can rurashca imamanpish rijchajtapish mana adorancunachu– nircami.

DANIEL 3:6

Maijanpish cungurishpa mana adorajtaca, chai ratollatajmi nina lunyacuj hornopi shitashca canga” nircami.

DANIEL 6:13

Shina nijpimi, paicunaca jatun mandajmanca cashna nircacuna: –Judamanta prezu apamushcacunapuramanta caj Danielca, can jatun mandajtaca mana cazunchu. Can chashnataj cachun nishpa churashca mandashcatapish mana cazunchu. Ashtahuanpish punllapi quimsa cutinmari, paipaj Taita Diosta mañan– nircacunami.

DANIEL 6:7

Can churashca tucui mandajcunapish, juezcunapish, satrapacunapish, mandajcunapish, soldadocunata mandajcunapish tandanacushpami cashna mandashcata churashpa pajtachichichuntaj nishpa yuyarinacurcanchij. Maijanpish cunanmanta manaraj quimsa chunga punlla tucujpi mana can jatun mandajllata adorashpa ashtahuanpish shujtaj diosta, mana cashpaca cambaj randica shujtaj runata adorajtaca, leoncunapaj jutcupi shitashca cachun nishpa can jatun mandaj mandachunmi shamunchij.

Hechos 5:23

cashna nircacuna. “Carceltaca alli huichcashcatami japircanchij. Carcelta cuidajcunapish canlla pungucuna ñaupajpimi shayacushcacuna carca. Carcel punguta pascashpaca, pita mana chai ucupica japircanchijchu” nircacunami.