DANIEL 3:1 - Dios Rimashca Shimicunami

¹ Jatun mandaj Nabucodonosorca, curimantami imamanpish rijchajta rurachirca. Chaica altomanca ishqui chunga canchis metromi carca. Anchomanca ishqui metro canchis chunga centimetromi carca. Chaitaca, Babilonia llajtapi caj Dura shuti pambapimi shayachirca.

DANIEL 3:1 Iomraidhean Croise

1 REYES 12:28

Chaita paiman yuyaita cujcunahuan parlanacushpaca, jatun mandajca ishqui curi bizicunata rurachishpami israelcunataca: “Israelcuna, cancunaca ñami achca cutin Jerusalenmanca puringuichij. Egipto llajtamanta cancunata llujshichimuj dioscunaca cunanca caipimari” nircami.

ESTER 1:1

Jatun mandaj Asueroca, 127 llajtacunatami mandacurca. Pai mandacun llajtacunaca, India llajtamantaca Etiopía llajtacamami carca.

SALMOS 135:15

Llajtacunapaj dioscunaca cullquimanta, curimanta rurashcallami. Runacunapaj maquicunahuan rurashcallacunami.

ÉXODO 20:23

Cancunaca ñucapaj randi adorangapaj curimanta, cullquimanta dioscunataca ama ruranguichij.

ÉXODO 32:31

Shina nishpa Mandaj Diospaj ñaupajman Moisés tigrashpaca: –Cai israelcunaca curi dioscunata rurashpamari jatunta juchallishca.

ISAÍAS 2:20

Chai punllapica runacunaca paicuna adorangapaj cullquimanta, curimanta rurashca dioscunataca ucuchacunaman, murcielagocunamanmi shitangacuna.

ISAÍAS 30:22

Chashna cashpami labrashpa rurashca dioscunata cullquihuan llihuishcacunatapish, labrashpa rurashca diostajllacunata curihuan llihuishcacunatapish mapa cashcata yuyanguichij. Millanana mapa llachapata shina anchuchishpaca: “¡Caimanta llujshi!” ninguichijmi.

ISAÍAS 46:6

Curitaca muchilamantami llujshichincuna. Cullquitaca balanzacunapimi pezancuna. Chaicunahuanca cungurishpa adorangapajmi cullquimanta imatapish rurajman shuj diosta rurachin.

JEREMÍAS 10:9

Paicunapaj dioscunaca Tarsis pueblomanta tacashca cullquita apamushpa, Ufaz llajta curita apamushpa rurashcallami. Alli yachajman cushpami, yacuyachishpa diosta rurachincuna. Chaimantaca tucui laya churanacunata ahuanata yachaj runacuna ahuashca morado churanacunata, puca churanacunatami churachincuna. Tucui chaicunaca yachaj runacuna rurashcallami.

JEREMÍAS 16:20

¿Pitaj pai quiquinpaj shuj diostatajca rurai tucungari? Paicuna rurashcacunaca, mana dioscunatajchu” ningacunami.

DANIEL 2:48

Shina nishpami jatun mandajca, Danieltaca jatunyachirca. Jatun canapi churashpami achca convidanacunatapish curca. Tucui Babilonia llajtata mandachun, Babilonia llajtapi tiyaj tucui jatun yachajcunata mandachunpishmi churarca.

DANIEL 2:49

Danielca paihuan purij Sadrac, Mesac, Abed-nego nishca quimsa runatapish Babilonia llajtata ñaupajman pushanata mandajcuna cachun churangapajmi jatun mandajta mañarca. Danielca, jatun mandaj tiyacun ucupimi caj carca.

DANIEL 3:14

Paicunataca Nabucodonosorca cashnami nirca: –Sadrac, Mesac, Abed-nego cancunaca ñuca diostaca mana adoranchu nincunami. Curimanta rurashpa ñuca shayachishca imamanpish rijchajtapish mana adoranchu nincunami. ¿Chaica chashnatajchu imatagari?

DANIEL 3:30

Jatun mandajca Sadractapish, Mesactapish, Abed-negotapish jatun canapi churashpami, Babiloniapi mandaj cachun churarca.

DANIEL 5:23

Ashtahuanpish jahua pacha Jatun Diosta c'ariyashpa jatun tucushpami, paipaj huasimanta apamushca vasocunata cambaj ñaupajman apaj cachashpa, canpish can churashca mandajcunapish, cambaj huarmicunapish, cambaj caishuj huarmicunapish chaipi vinota ubyashcanguichij. Chashna rurashca jahuapish cullquimanta, curimanta, broncemanta, fierromanta, caspimanta, rumimanta rurashca mana ricuj, mana uyaj, mana imata yachaj dioscunatamari alabangui. Ashtahuanpish cambaj causaita paipaj maquipi charicuj, pai munashpalla can imatapish rurachun saquij Taita Diostaca manamari shuj cutinllapish alabanguichu.

DANIEL 5:4

Vinota ubyashpaca, curimanta, cullquimanta, broncemanta, fierromanta, caspimanta, rumimanta rurashca dioscunatami adoracurcacuna.

OSEAS 2:8

Chai huarmica trigotapish, vinotapish, aceitetapish ñuca cucushcataca mana yuyarircachu. Achca cullquita, achca curita ñuca mirachicushcatapish mana yuyarishpami chaicunataca Baalman curca.

OSEAS 8:4

Paicunata mandachun jatun mandajcunatami churarcacuna. Manapish ñuca agllashcacunatami churarcacuna. Mandajcunatami churarcacuna. Ashtahuanpish ñucaca mana yacharcanichu. Paicunapaj cullquita, curitaca rurashcalla dioscunatami rurarcacuna. Paicuna chingaringapajllatajmi rurarcacuna.

HABACUC 2:19

Caspi diosta: “Rijchari” nijcunalla, mana rimaj rumi diosta: “Puriyari” nijcunalla, ¡aij imachari tucungacuna! ¿Paicunaca cancunamanca imata yachachi tucungachu? Riquichij, chai dioscunaca curihuan cullquihuan jahuataca sumajta churashcallami. Paicunaca samaitaca mana charincunachu.

Hechos 17:29

Taita Diosmanta miramushcacuna cashpaca, Taita Diostaca curita, cullquita, rumita labrashpa gentecunapaj yuyaillamanta rurashca dios shina cana cashcataca mana yuyanachu canchij.

Hechos 19:26

Chai Pablo ima shina nishpa puricujtaca cancunallataj ricunguichijmi, uyanguichijmi. Maquihuan rurashcalla dioscunaca mana Taita Diostajchu nishpami achcacunata crichishpa puricun. Chashna nishpaca mana cai Efesollapichu, tucui Asia llajtapimari achcacunata crichishca.

DEUTERONOMIO 7:25

Paicunapaj dioscunatapish ninahuan rupachinguichij. Chai dioscunapaj jahuata churashca cullquitapish, curitapish ama munanguichijchu, cancunapaj cachun ama japinguichijchu. Mandaj Dios cancunapaj Taita Diospajca chaicunaca millananami. Chaicunaca cancunapaj ñitcanami canga.

Apocalipsis 9:20

Cai tucui llaquicunata apacushpapish mana huañujcunaca, paicuna millaita ruracushcata saquishpa Diosman mana cutirircacunachu. Ashtahuanpish supaicunata, curimanta, cullquimanta, broncemanta, rumimanta, caspimanta rurashcalla dioscunata adoranatapish mana saquircacunachu. Chaicunaca mana ricui tucunchu, mana uyai tucunchu, mana puri tucunchu.