DANIEL 2:9 - Dios Rimashca Shimicunami

⁹ Imata muscushcata mana huillajpica tucui cancunapajmi chai shinallataj llaqui tucuna tiyacun. Llullashpa huillangapaj yuyarinacucushpa, imapish mana alli shimicunata ñuca ñaupajpi rimaringapajmi yuyarinacucunguichij. Chaipajca punllacuna ima shinalla tucujtami shuyashpa uniyacunguichij. Ñuca imata muscushcata ña huillaichij. Chaita huillajpica, ñuca muscushca imata nisha nishcata huillanatapish crishami– nirca.

DANIEL 2:9 Iomraidhean Croise

1 REYES 22:22

Shina nijpi chai espirituca: Ñuca rishpaca, tucui profetacunatami llullachishpa huillachigrini nijpimi Mandaj Diosca: Can nishca shinallataj rurashpa umagrilla. Paitaca umai tucunguimi nirca.

1 REYES 22:6

Chaimi israelcunata jatun mandajca, 400 shina profetacunata tandachishpa: –¿Galaadpi caj Ramotpi causajcunahuanca macanacugrishachu, mana cashpaca saquishallachu?– nijpi paicunaca: –Macanacugrilla, Mandaj Diosmi cambaj maquipi churanga– nircacuna.

ESTER 4:11

“Jatun mandaj tiyacun ucumanca pi mana yaicui tucunllachu. Pai manapish cayajpi chaiman yaicujpica, c'ari cajpi huarmi cajpipish mandashcapi nishca shinaca huañuchingatajmi. Pai llaquishpa mana huañuchisha nishpallami, paipaj maquipi charicun curi varatapish ñaupajman chutashpa ricuchinga. Chashna mandashca tiyashcataca, jatun mandajta tucui servijcunapish, pai mandacun tucui llajtacunapi causajcunapish allimi yachancuna. Ñucatacarin paita ricuchunca, ña shuj quillatamari mana cayan” nishpami huillanaman cacharca.

PROVERBIOS 12:19

Imatapish cashcata rimaj runaca causacungallami. Ashtahuanpish llulla runaca asha punllacunapajllami.

ISAÍAS 41:23

Cancuna diostaj cashcata ñucanchij yachangapajca q'uipa punllacuna imalla tucuna cashcata huillaichigari. Q'uipa punllacunapi imalla tucuna cashcata yachashpa, mancharishpa parlanacungapaj alli cachunpish, mana alli cachunpish imallatapish ruraichigari.

ISAÍAS 44:25

Adivinocuna imalla huillashca ama pajtachunpish ñucami yanganchini. Brujocunatapish ñucami muspachini. Yachaisapacunatapish, ñucami huashaman tigrachini. Paicuna yachashcatapish ñucami yangapi churani.

EZEQUIEL 13:17

Huañujlla aichayuj runalla, cambaj llajtapura huarmicunaca quiquin yuyaimantami Dios ima nishcata huillajcuna shina huillancuna. Paicunata cambaj ñahuihuan ricushpa ima tucuna cashcata huillai.

EZEQUIEL 13:19

Cancunaca lutsaj cebadamanta, mirga tandamantami ñuca agllashcacunapurapica, manapish huañuchina runacunataraj huañuchishpa, huañuchina runacunamanraj causaita curcanguichij. Chashnami llullashcata uyaj paicunamanca llullarcanguichij. Chashna rurashpami, ñucataca yangata rurarcanguichij.

EZEQUIEL 13:6

Paicunaca yanga muscuicunallatami ricurcacuna, adivinashpallami llullashpa huillarcacuna. Paicunaca: Mandaj Diosmi chashna nin nishpami huillarcacuna. Mandaj Diosca manapish paicunataca cacharcachu. Shina cajpipish, paicunaca tucui imalla huillashcacunata Diosllataj pajtachichunmi shuyancuna.

DANIEL 2:16

Danielca jatun mandajpajman yaicushpaca, jatun mandaj can muscushca imata nisha nishcata ñuca huillangapaj asha punllacunata cuhuai nishpa mañarca.

DANIEL 2:21

Huatacunatapish, punllacunatapish paimi shujtajyachin. Jatun mandajcunatapish paimi churan. Paimi anchuchin. Jatun yachajcunamanpish paimi yachaisapa canata cun. Alli yuyaiyujcunamanpish paimi yachaita cun.

DANIEL 2:8

Chaimi jatun mandajca cashna nirca: –Cancunaca ñuca imata rurasha nishcata uyashcamantami, imatapish llullashpa huillangapaj ñuca imata muscushcallatataj tapushpa huillashun nicunguichij. Chaitaca allimi yachani.

DANIEL 3:15

Cunanca bocinapi, flautapi, citarapi, arpapi, salteriopi, zampoñapi, tucui shujtaj tocanacunapipish tocashca uyarijpica, ¿ñuca shayachishca curimanta rurashca imamanpish rijchajta cungurishpa adoranallachu canguichij? Mana chaita adorajpica, chai ratollatajmi nina lunyacuj hornopi shitashca canguichij. Ñuca maquimantaca ima dios mana quishpichingachu– nircami.

DANIEL 5:28

PERES nishca shimica: Can mandacuntaca chaupishpa, medocunaman, persacunaman cuna cashcatami ricuchin– nircami.

DANIEL 5:31

Pai mandanataca Media llajtamanta caj Dariomi japirca. Paica sujta chunga ishqui huatayujmi carca.

DANIEL 7:25

Jahua pacha Taita Diostapish p'iñashpami millai shimicunata rimanga. Jahua pacha Taita Diospaj jucha illajcunatapish llaquichingami. Huatacunatapish, mandashcacunatapish shujtajyachinatami yuyanga. Diospajlla cajcunaca quimsa huata chaupicamami paipaj maquipi churashca canga.

2 Corintios 2:17

Ñucanchijca, mana shujtaj achcacuna shina imata japingaraiculla chagrushpa Diospaj Shimita huillajcunachu canchij. Ashtahuanpish Dios cachashca cashpami mana nij tucushpalla Cristohuanca Diospaj ñaupajpi huillacunchij.