DANIEL 2:7 - Dios Rimashca Shimicunami

⁷ Adivinocunaca cutinllatajmi: –Jatun mandaj can muscushcataca cambajta rurajcunaman parlayari. Chai muscui imata nisha nishcata huillangapaj– nircacuna.

DANIEL 2:7 Iomraidhean Croise

ECLESIASTÉS 10:4

Mandaj canhuan p'iñarijpica, can imata ruracushcataca ama shitashpa saquinguichu. Casijlla saquirijpica, yallitaj p'iñarishca cashpapish alli tucungallami.

DANIEL 2:4

Chaimi caldeocunaca jatun mandajtaca arameo rimaipi: –¡Jatun mandaj, cambaj causaica huiñaita cashca cachun! Can muscushcataca cambajta ruraj ñucanchijman parlayari. Chai imata nisha nishcata ñucanchij huillangapaj– nircacuna.

DANIEL 2:8

Chaimi jatun mandajca cashna nirca: –Cancunaca ñuca imata rurasha nishcata uyashcamantami, imatapish llullashpa huillangapaj ñuca imata muscushcallatataj tapushpa huillashun nicunguichij. Chaitaca allimi yachani.

DANIEL 2:9

Imata muscushcata mana huillajpica tucui cancunapajmi chai shinallataj llaqui tucuna tiyacun. Llullashpa huillangapaj yuyarinacucushpa, imapish mana alli shimicunata ñuca ñaupajpi rimaringapajmi yuyarinacucunguichij. Chaipajca punllacuna ima shinalla tucujtami shuyashpa uniyacunguichij. Ñuca imata muscushcata ña huillaichij. Chaita huillajpica, ñuca muscushca imata nisha nishcata huillanatapish crishami– nirca.

DANIEL 4:7

Chaipica jatun yachajcunapish, luzerocunamanta yachajcunapish, caldeocunapish, adivinocunapishmi ñucapajman shamurcacuna. Paicunaman ñuca muscushcata parlajpipish chai imata nisha nishcataca, mana huillai tucurcacunachu.