DANIEL 2:4 - Dios Rimashca Shimicunami

⁴ Chaimi caldeocunaca jatun mandajtaca arameo rimaipi: –¡Jatun mandaj, cambaj causaica huiñaita cashca cachun! Can muscushcataca cambajta ruraj ñucanchijman parlayari. Chai imata nisha nishcata ñucanchij huillangapaj– nircacuna.

DANIEL 2:4 Iomraidhean Croise

GÉNESIS 31:47

Chaitaca Labanca Jegar Sahadutami shutichirca. Jacobca Galaadtami shutichirca.

GÉNESIS 41:8

Ashtahuanpish chai tutamantaca paipaj espiritupica llaquillami carca. Chaimi Egiptopi causaj jatun yachajcunata, yumbucunata cayachishpa pai imallata muscushcata parlarca. Paicunaca chai imata nisha nishcataca faraonmanca pi mana huillai tucurcachu.

1 REYES 1:25

Adoniasca huagracunata, huirayashca animalcunata, achca ovejacunata huañuchingapajmi cunan uriyashca. Chaimanca can jatun mandajpaj tucui churicunata, soldadocunata mandajcunata, Abiatar curatapishmi cayashca. Paicunaca Adoniaspaj ñaupajpimi micushpa ubyashpa, ¡Viva, jatun mandaj Adonías! nishpa caparicuncuna.

1 REYES 1:31

Shina nijpi Betsabeca, jatun mandajta alli nishcata ricuchingapaj, jatun mandajpaj ñaupajpi pambaman tupajta cumurishpami jatun mandajtaca: –Jatun mandaj David ñuca amoca, huiñaita causashca cachun– nirca.

2 REYES 18:26

Shina nijpimi Hilciaspaj churi Eliaquimpish, Sebnapish, Joapish Rabsacestaca: –Cambajta ruraj ñucanchijmanca arameo rimaipi rimahuayari, chai rimaita yachapanchijmi. Ama Judá llajta rimaipi rimahuaichu, tucui cai jatun pirca jahuapi tiyacujcunamari uyacuncuna– nircacuna.

ESDRAS 4:7

Persia llajtata jatun mandaj Artajerjes mandacujpipish Bislam, Mitrídates, Tabeel runacunami paicunahuan cajcunandij tucushpa shuj quillcata jatun mandaj Artajerjesman cacharcacuna. Chai quillcaca arameo rimaipi quillcashcata quiquin rimaiman ch'imbachishcami carca.

NEHEMÍAS 2:3

jatun mandajtaca: –Jatun mandajlla, huiñaita causangui. Ñaupa ñuca yayacunata maipimi pambarca chai pueblomari shitashca pamba saquirishca. Chai pueblopaj pungucunatapish rupachishpa chingachishcamari. Chashna cajpica ¿maitataj mana llaquilla ñahui cashari?– nircanimi.

ISAÍAS 36:11

Shina nijpimi Eliaquimpish, Sebnapish, Joapish Rabsacestaca: –Cambajta ruraj ñucanchijmanca arameo rimaipi rimahuayari, chai rimaita yachapanchijmi. Ama Judá llajta rimaipi rimahuaichu, tucui cai jatun pirca jahuapi tiyacujcunamari uyacuncuna– nircacuna.

ISAÍAS 44:25

Adivinocuna imalla huillashca ama pajtachunpish ñucami yanganchini. Brujocunatapish ñucami muspachini. Yachaisapacunatapish, ñucami huashaman tigrachini. Paicuna yachashcatapish ñucami yangapi churani.

DANIEL 1:4

Paicunataca tucui imapish alli cajta, alli ñahui cajta, tucui imata yachachijpipish jahualla yachai tucuipaj cajta, ima yachanatapish jahualla yachai tucuipaj cajta, jahualla entendi tucuipaj cajta, jatun mandajpaj mandana huasipi imatapish rurai tucuipaj cajcunata pushamuichij. Paicunamanca rimanatapish, quillcanatapish ñucanchij caldeocunapajta yachachichij nishpami mandarca.

DANIEL 2:7

Adivinocunaca cutinllatajmi: –Jatun mandaj can muscushcataca cambajta rurajcunaman parlayari. Chai muscui imata nisha nishcata huillangapaj– nircacuna.

DANIEL 3:9

Jatun mandaj Nabucodonosorhuan paicuna rimashpaca cashnami nirca: –¡Jatun mandaj, cambaj causaica huiñaita cashca cachun!

DANIEL 4:19

Shina nijpica, Beltsasar nishca Danielca paipaj yuyaipi musparishpa achcata mancharishpami shuj horas shinata upajlla saquirirca. Chaimi jatun mandajca: “Beltsasar, ñuca muscushcata, chai imata nisha nishcata huillanataca ama manchaichu” nirca. Shina nijpimi Beltsasarca cashna nirca: “Ñuca amito, can muscushcaca canta p'iñajcunapaj cashpachari alli canman. Chai imata nisha nishcapish canta imapish tucuchun nicujcunapaj cashpachari alli canman.

DANIEL 4:7

Chaipica jatun yachajcunapish, luzerocunamanta yachajcunapish, caldeocunapish, adivinocunapishmi ñucapajman shamurcacuna. Paicunaman ñuca muscushcata parlajpipish chai imata nisha nishcataca, mana huillai tucurcacunachu.

DANIEL 4:9

“Jatun yachajcunata mandaj Beltsasar, canpica jucha illaj dioscunapaj espíritu tiyajtami yachani. Cambajca pi mana yachashcacunapish ima mana pacallachu. Chashna cashcamanta muscuipi shina ñuca ricushcata, chai imata nisha nishcata huillahuai.

DANIEL 5:10

Jatun mandajpish, pai churashca mandajcunapish sinchita rimanacucujta uyashpami, jatun mandajpaj huarmica paicuna jatun micuita micucun ucuman yaicushpa cashna nirca: –¡Jatun mandajlla, cambaj causaica huiñaita cashca cachun! Cambaj yuyaipi caita chaita yuyashpa ama musparichu. Cambaj ñahuipish ama shujtajyaricuichu.

DANIEL 5:8

Jatun mandajpaj adivinajcuna tucuicuna paipajman yaicushpaca, chai quillcataca mana rezai tucurcacunachu, chai imata nisha nishcatapish mana huillai tucurcacunachu.

DANIEL 6:21

Shina nijpimi Danielca jatun mandajtaca cashna nirca: –¡Jatun mandajlla, cambaj causaica huiñaita cashca cachun!

DANIEL 6:6

Shina nishpami mandajcunapish, satrapacunapish tandanacushpa jatun mandajpajman rishpaca cashna nircacuna: –¡Jatun mandaj Dario, cambaj causaica huiñaita cashca cachun!

DANIEL 6:7

Can churashca tucui mandajcunapish, juezcunapish, satrapacunapish, mandajcunapish, soldadocunata mandajcunapish tandanacushpami cashna mandashcata churashpa pajtachichichuntaj nishpa yuyarinacurcanchij. Maijanpish cunanmanta manaraj quimsa chunga punlla tucujpi mana can jatun mandajllata adorashpa ashtahuanpish shujtaj diosta, mana cashpaca cambaj randica shujtaj runata adorajtaca, leoncunapaj jutcupi shitashca cachun nishpa can jatun mandaj mandachunmi shamunchij.

Mateo 21:9

Chai tucui ñaupashpa catishpa ricujcunaca: –¡Hosanna Davidpaj Churi! ¡Jatun Diospaj shutipi shamucujtami alli ninchij! ¡Hosanna cantaca jahua pachapipish alli nishca cachun!– nishpami caparircacuna.

1 SAMUEL 10:24

Chaipimi Samuelca tucui israelcunataca: –Mandaj Dios agllashca jatun mandajtaca ¿ñachu ricunguichij? Tucui israelcunapurapica pai shinaca pi mana tiyanchu– nijpimi israelcunaca: –¡Viva jatun mandaj!– nishpa cushicushpa caparircacuna.