DANIEL 2:23 - Dios Rimashca Shimicunami

²³ Ñuca yayacunapaj Taita Dios, quiquintami pagui nini, quiquintami alabani. Quiquinmari ñucamanca yachaitapish, fuerzatapish cuhuangui. Cunancarin ñucanchij mañashcatapish ricuchinguimi. Jatun mandaj imata muscushcata, chai imata nisha nishcatamari ricuchingui” nircami.

DANIEL 2:23 Iomraidhean Croise

GÉNESIS 18:17

Chaipimi Mandaj Diosca: “Ñuca imata rurana cashcataca Abrahammanca ricuchinami cani.

GÉNESIS 31:42

Abrahampaj Taita Dios, ñuca yaya Isaac manchashpa cazuna Taita Dios mana ñucahuan cashca cajpica, ñucataca chushaj maquillatami tigrachishpa cachanguiman carca. Ashtahuanpish ñuca maquicunahuan c'uyaillata cambajta trabajacujta ricuj Taita Diosmi, cunan tuta canman ricurishpa ama imata rurachun jarcashca– nircami.

1 REYES 18:36

Diosman animalta cushpa tucui rupachina horas tucujpica, profeta Eliasca altarman c'uchuyashpami: “Abrahampaj, Isaacpaj, Israelpaj Mandaj Taita Dioslla, Israel llajtapica canlla Dios cashcata cunantaj ricuchiyari. Ñuca cambajta ruraj cashcatapish, can mandajpi caita ruracushcatapish ricuchiyari.

1 REYES 8:57

Ñucanchijta Mandaj Taita Diosca, ñucanchijmanta ama ladoyashpa ama anchurishpa ñucanchij ñaupa yayacunahuan cashca shinallataj ñucanchijhuanpish cachun.

1 CRÓNICAS 29:10

Jatun mandaj Davidpish achcata cushicushpami, tucui chaipi tandanacushcacunapaj ñaupajpi Mandaj Diosta allimari cangui nishpaca: “Mandaj Taita Dioslla, canmari ñucanchij ñaupa yaya Israelpaj Dios cangui. Can Diostaca huiñai huiñaita alli nishca cachun.

1 CRÓNICAS 29:13

Chaimantami cunanca ñucanchij Dios cambaj sumaj shutita alabanchij, cambaj sumaj shutita alli ninchij.

2 CRÓNICAS 20:6

Chaipi shayarishpami cashna nirca: “Ñucanchij yayacunata Mandaj Taita Dioslla, canca jahua pachapi causaj Diosmari cangui. Canmari tucui llajtacunata mandajcunandij cambaj maquipi charicungui. Mishana fuerzaca cambaj maquipimari, canhuanca pi mana shayari tucunchu.

SALMOS 21:2

Paipaj shungu munashcatami cushcangui. Paipaj shimihuan mañashcataca mana mitsashcanguichu. Selah

SALMOS 21:4

Causaita mañajpipish cushcanguimi. Achca huatacunata huiñaita causachunmi cushcangui.

SALMOS 25:14

Mandaj Diosca paita manchajcunahuanmi yallitaj apanacun. Paihuan ari ninacushcata pajtachinataca paicunamanmi yachachinga.

SALMOS 50:14

Animalcunata huañuchishpa cuj shinaca Taita Diosta alabayari. Jahua pachamanta cajman cuna tucushcacunataca pajtachiyari.

ÉXODO 3:15

Taita Diosca Moisestaca cashnapishmi nirca: –Israelcunamanca: Cancunapaj ñaupa yayacunata Mandaj Taita Dios Abrahampaj, Isaacpaj, Jacobpaj Diosmi cancunapajman cachan ningui. Ñuca shutica, huiñaipaj chaillatajmi. Chai shutipimi, ñucataca huiñaita yuyaringacuna.

PROVERBIOS 21:22

Yachaisapa runaca, c'ari c'aricunatapish pueblota quichurcallami. Paicuna shunguta churashca jatun pircatapish jahualla urmachircallami.

PROVERBIOS 24:5

Yachaisapa runataca, ima mana atinchu. Alli yachachishca runapajca, imapish mana llashajchu.

PROVERBIOS 8:14

Ñucami cunangapajpish, alli yuyaita cuni. Alli yuyaipish, tucuita rurai tucujpish ñucallatajmi cani.

ECLESIASTÉS 7:19

Yachaimi yachaj runataca, chunga mandajcuna shuj pueblollata mandacujtapish yalli allita pushan.

ECLESIASTÉS 9:16

Chaimantami cashna yuyarcani: Huajcha runa cashcamantami yachaj cajpipish, pai yuyaita cushcataca mana uyashun nincuna, pai cunashcatapish mana chasquishun nincunachu. Shina cajpica ñucaca yachaj canataca, c'ari c'ari canatapish yalli allimari ninimi.

ECLESIASTÉS 9:18

Alli yachaica macanacunata charishcatapish yalli allimari. Ashtahuanpish pandarishpaca, shuj runallataj jatun llaquicunata ruranllami.

ISAÍAS 12:1

Chai punllapica cashnami ningui: “Mandaj Dios, quiquintami cantasha. Quiquinca ñucahuan p'iñarishca p'iña cashca cashpapish, quiquin p'iñarishcaca ñami quiquinmanta anchushca. Ñucataca ñami cushichishcangui.

JEREMÍAS 33:3

Ñucata caparilla, ñucaca cutichishallami. Can mana yachashca, pacalla tiyacuj jatun yachanacunata yachachishallami ninmi.

DANIEL 1:17

Chai chuscu mosocunamanca, Taita Diosmi quillcanatapish, imata yachaj canatapish alli yuyaita cushpa yachaisapata rurarca. Danielca muscuipi shina ricushcacunatapish, muscushcacunatapish imata nisha nishcata entendijmi tucurca.

DANIEL 2:18

Pi mana yachaipaj cashcataca jahua pacha Taita Dios paicunata llaquishpa huillachichun nishpa mañachunmi chashna huillarca. Jatun mandaj tapushcata mana huillashpaca Danielpish, paihuan cajcunapish Babiloniapi tiyaj jatun yachajcunahuanmi huañuna carca.

AMÓS 3:7

Mandaj Jatun Diosca pai ima nishcata huillaj paita servijcunaman ima tucunata manaraj huillachishpaca, mana llaquichinllachu.

Mateo 11:25

Chaipimi Jesusca cashna nirca: “Jahua pachata, cai pachata Mandaj ñuca Yaya, ñucaca cantami alabani. Alli yuyaiyuj, yachaisapacunamanca caicunataca pacarcanguimari. Ashtahuanpish uchilla huahuacunamanmari ricuchircangui.

Lucas 10:21

Chai horasllatajmi Jesusca jucha illaj Espíritu cushichijpi achcata cushicushpa cashna nirca: –Jahua pachata, cai pachata Mandaj ñuca Yaya, ñucaca cantami alabani. Caicunataca alli yuyaiyuj, yachaisapacunamanca mana ricuchishcanguichu. Huahuacuna shina manaraj yachajcunamanmi ricuchishcangui. Ñuca Yayitu, canllatajmari chashna tucuchun munashcangui.

Juan 11:41

Jesús chashna nijpica, huañushcata churashca jutcuta huichcashca rumita anchuchijpimi Jesusca jahuanta huichilla ricushpa cashna nirca: –Yayitu, ñuca mañashcata uyashcamanta pagui ninimi.

Juan 15:15

Cancunataca ña mana ñucapajta rurajcunami canguichij nishachu. Amopajta rurajca, paipaj amo imallata ruracujtaca mana yachanchu. Cancunamanca ñuca Yaya imallata ruracujtaca tucuitami yachachircani. Chaimanta cancunaca ñucahuan alli apanacujcunami canguichij.

Apocalipsis 1:1

Diosca ñalla imalla tucunata paipajta rurajcunaman ricuchingapajmi, chai ricuchinataca Jesucristoman curca. Chaitaca Jesucristoca paipaj angelta cachashpami paipajta ruraj Juanman huillachirca.

Apocalipsis 5:5

Chaimi ancianocunamanta shujca: “Ama huacaichu, Judá aillumanta Leonmi, Davidpaj huahua huahuami chai librota pascangapaj, canchis sellohuan sellashcacunata anchuchingapajca ña tucuita mishashca” nircami.