DANIEL 2:22 - Dios Rimashca Shimicunami

²² Ucujman cajcunatapish, pacalla cajcunatapish paimi ricuchin. Amsapi cajtapish yachanmi. Luzca paipimi tiyan.

DANIEL 2:22 Iomraidhean Croise

GÉNESIS 41:16

Chaimi Joseca faraonmanca: –Chaitaca mana ñucachu huillai tucuni. Ashtahuanpish Taita Diosmari chai imata nisha nishcataca can faraonpaj allipaj huillachinga– nirca.

JOB 12:22

Paica amsa ucucunatapish pascanllami, huañunalla amsatapish achijman llujshichinllami.

JOB 26:6

Paipaj ñaupajpica Seolpish pascashcami, Abadonpish imahuan mana tapashcachu.

SALMOS 104:2

Jahua churanata shinaca luzhuan pillurishcami cangui. Jahua pachatapish shuj linsota shina chutajmi cangui.

SALMOS 25:14

Mandaj Diosca paita manchajcunahuanmi yallitaj apanacun. Paihuan ari ninacushcata pajtachinataca paicunamanmi yachachinga.

SALMOS 36:9

Causaita cuj pugyu yacuca quiquinpimi. Quiquinpaj luzpimi luzta ricui tucunchij.

ECLESIASTÉS 8:1

¿Pitaj yachaj shinaca cangari? ¿Pitaj pai shina tucui imatapish yachangari? Alli yachaica runapaj ñahuita achijyachinmi, p'iña ñahuitapish shujtajyachinllami.

ISAÍAS 41:22

Q'uipa punllacunapi imalla tucunata c'uchuyamushpa huillaichigari. Ima shinalla cashcata ñucanchij shungupi charingapaj callarimantapacha imalla tucushcata huillaichigari. Tucuri punllapi imalla tucuna cashcatapish yachangapaj huillaichigari. Q'uipa punllacuna imalla tucuna cashcatapish alli entendichichigari.

ISAÍAS 41:26

Caita ñucanchij yachaj chayachunca ¿pitaj callarimanta pacha huillarcari? ¿Mana cashpaca manaraj ima tucujpichu imata huillarcanguichij? Huillashca cajpica: “Tucuitatajmi huillashca” ninchijmanmi. Cancunapuramantaca chashnataj tucuna cashcataca maijan mana huillashcanguichijchu. Chaica chashnatajmi. Ari, cancunapuramantaca chashnataj tucuna cashcataca maijan mana yachachishcanguichijchu. Cancuna huillashcata uyajcunapish pi mana tiyanchu. Chaica chashnatajmi.

ISAÍAS 42:9

Riquichij, puntaman imalla tucunacunaca ñami pajtashca. Cunanca q'uipata imalla tucuna mushujcunatami huillacuni. Cancuna manaraj luzman llujshijpimi, cancunamanca yachaj chayachisha.

ISAÍAS 45:7

Ñucami luztapish callarichij cani. Ñucami amsatapish callarichij cani. Sumaj causaitapish ñucami cuni. P'iñanacuitapish ñucami callarichini. Tucui chaicunata rurajca pi shujtaj mana tiyanchu. Mandaj Dios ñucami tucui chaicunata rurajca cani.

JEREMÍAS 23:24

Mandaj Diosca cashnapishmi nin: “¿Pitaj ñuca mana ricunapi miticui tucungari? Ñucaca tucui jahua pachapipish, cai pachapipish jundamari cani. Mandaj Diostajmi chashna nini.

JEREMÍAS 33:3

Ñucata caparilla, ñucaca cutichishallami. Can mana yachashca, pacalla tiyacuj jatun yachanacunata yachachishallami ninmi.

DANIEL 2:11

Jatun mandaj tapushcaca yallitaj sinchi mana cutichi tucuipajmari. Chaitaca jatun mandajmanca pi mana cutichingachu. Dioscunallamari chaitaca cutichi tucunga. Paicunapaj huasica manamari runacunapaj chaupipi tiyanchu– nircami.

DANIEL 2:19

Pi mana yachashcataca Danielmanca tutami muscuipi shina ricuchishpa huillarca. Chaimi Danielca jahua pacha Taita Diostaca allimari cangui nishpaca,

DANIEL 2:47

Jatun mandajca, Danieltaca: –Cancunapaj Taita Diosca, tucui dioscunapaj Taita Diostajmi, jatun mandajcunapajpish Jatun Mandajmi. Pi mana yachaipaj pacalla cajtapish ricuchijmi. Chaimi pi mana yachaipaj pacalla cajtaca ñucaman huillangui– nircami.

DANIEL 5:11

Can mandacun llajtallapitajmari shuj runa tiyan. Paipica jucha illaj dioscunapaj espiritumari causan. Cambaj yaya mandacui punllacunapimi paipica yachaisapa dioscunapi shinallataj luz tiyashcata, alli yuyaiyuj cashcata, yachaisapa cashcata japircanchij. Jatun mandajlla, jatun mandaj Nabucodonosor cambaj yayaca paitamari jatun yachajcunata, luzerocunamanta yachajcunata, caldeocunata, adivinocunata mandaj cachun churarca.

DANIEL 5:14

Canpica jucha illaj dioscunapaj espíritu tiyan nijtami uyani. Canpica luz tiyan nijta, imatapish alli entendij nijta, yallitaj yachaisapa caj nijtami uyani.

Mateo 13:13

Chaimantami yuyachij parlocunallahuan yachachini: Paicunaca ricushpapish mana ricuncunachu, uyashpapish mana uyashca shina tucushpami mana entendincuna.

Juan 1:9

Tucui gentecunata achijyachijtaj luzca, cai pachapica ñami ricurigrirca.

Juan 21:17

Jesusca caihuanca quimsa cutinmi: –Jonaspaj churi Simón, ¿Ñucataca c'uyanguichu?– nirca. Caihuanca quimsa cutin: “¿Ñucataca c'uyanguichu?” nijpimi Pedroca llaquirishpa: –Mandaj Jesús, quiquinca tucuitami yachangui. Quiquinta ñuca ima shina c'uyaj cashcataca quiquinllataj yachanguimi– nijpi Jesusca: –Ñuca ovejacunata cuidangui.

Juan 8:12

Jesús cutin yachachi callarishpaca: –Ñucaca cai pachapi causajcunapaj luzmi cani. Maijanpish ñucata catijca, mana amsapi puringachu. Ashtahuanpish causaita cuj luztami charinga– nijpimi,

1 Corintios 4:5

Chashna cashcamanta manaraj punlla pajtajpica, ama imata juchachichijchu. Mandaj Jesús shamungacama shuyaichij. Paimi, amsapi pacalla cajtaca achijman llujshichishpa ricuchinga. Shinallataj shungucuna yuyashcatapishmi ricuchinga. Chaipimi Dios alli nishca canataca cada quiquin chasquinga.

Efesios 3:5

Pi mana yachashcata ñaupaca piman mana yachaj chayachishcata cunanca, paipaj jucha illaj apostolcunaman, profetacunaman paipaj Espirituhuanmi ricuchirca.

DEUTERONOMIO 29:28

Chaimi yallitaj p'iñarishpa manataj ricunachishpa, Mandaj Diosca pai cushca llajtamantaca sapimanta aisaj shina llujshichishpa shujtaj llajtacunaman cacharca. Chaimantami paicunaca cunan cancuna ricucushca shina tucushcacuna' ningacunami.

1 Timoteo 6:16

Pai Taita Diosca mana huañujmi. Pi mana c'uchuyaipaj luzpimi causan. Paitaca pi runacuna mana ricushcachu, mana ricui tucunchu. Tucuita rurai tucujtaca huiñaita, alli nishca cachun. Chashna cachun.

Hebreos 4:13

Imalla rurashcacunapish Diospaj ñaupajpica ima mana pacallachu. Ashtahuanpish tucui imapish paipaj ñahuipica lluchulla, pascashca ricunallami tiyacun. Ñucanchijca paimanmi tucui imalla rurashcataca ricuchishun.

Santiago 1:17

Tucui alli charinacuna, imatapish allita ruranacunaca jahuamantami shamun. Paica achijyachijcunata ruraj Yayami. Paica mana shujtajyanchu, paitaca llandullapish mana amsayachinchu.

1 Juan 1:5

Jesús huillajpi ñucanchij uyashcaca caimi: Diosca luzmi, paipica ima amsa mana tiyanchu. Chaitami cancunamanca huillacunchij.