DANIEL 2:21 - Dios Rimashca Shimicunami

²¹ Huatacunatapish, punllacunatapish paimi shujtajyachin. Jatun mandajcunatapish paimi churan. Paimi anchuchin. Jatun yachajcunamanpish paimi yachaisapa canata cun. Alli yuyaiyujcunamanpish paimi yachaita cun.

DANIEL 2:21 Iomraidhean Croise

1 REYES 10:24

Salomonpaj shungupi Taita Dios yachaita churashcahuanca ima shina rimaj cashcata uyangapajca, tucui llajtapi causajcunami Salomonpaj ñahuita ricunata munarcacuna.

1 REYES 3:28

Jatun mandaj chai p'iñanacuita chashna allichishcataca tucui israelcunami uyarcacuna. Imatapish cashcata rurashpa allichichun jatun mandajman Taita Dios yachaita cushcata ricushpami jatun mandajtaca mancharcacuna.

1 REYES 4:29

Taita Diosca Salomonmanca yachaisapa canata, imata rurangapajpish jahualla allita yuyarij canatami curca. Chaimi paipaj shungupi yuyaicunaca mama cucha uripi tiyaj t'iyu shina yallitaj achca carca.

1 CRÓNICAS 22:12

Israelcunata can mandacujpica Mandaj Diospaj mandashcapi nishca shinataj mandachun Mandaj Diosllataj alli yuyaita, alli yachaita cushca cachun.

1 CRÓNICAS 29:30

Chai quillcashcacunapica, pai ima shina mandaj cashcapish, pai ima shina cazuchij cashcapish, paipi imalla tucushcacunapish, tucui israelcuna imalla tucushcacunapish, pai maillata mandacun llajtacuna imalla tucushcacunapishmi quillcashca tiyacun.

ESTER 1:13

Chashna p'iñarishpaca, mandashcapi nishca shina imata ruraipaj cashcata yachajcunatami tapurca. Jatun mandajca imata cashpapish, mandashcacunata alli yachajcunata paicunata tapuj cashcamantami chashna tapurca.

JOB 12:18

Millai mandajcuna huatashca cadenacunatapish paica p'itinllami. Paicunataca huascallahuanmi chumbillichin.

ÉXODO 31:3

Paitaca yachaisapa, yuyaisapa, imatapish yachaj, tucui ima ruranatapish yachaj cachunmi Diospaj Espirituta jundachircani.

ÉXODO 31:6

Paita ayudachunca Dan aillupuramanta Ahisamacpaj churi Aholiabtami paihuan churarcani. Tucui ñuca imalla nishcatataj rurachunca yachaisapa cashcamanta chaitataj ruranaihuan caj shunguyujcunamanca tucuicunamanmi ashtahuan yachaita curcani.

DANIEL 1:17

Chai chuscu mosocunamanca, Taita Diosmi quillcanatapish, imata yachaj canatapish alli yuyaita cushpa yachaisapata rurarca. Danielca muscuipi shina ricushcacunatapish, muscushcacunatapish imata nisha nishcata entendijmi tucurca.

DANIEL 10:1

Persia llajtata jatun mandaj Ciro quimsa huatata ña mandacujpimi, Beltsasar nishca Danielmanca, Diosca chashnataj tucuna cashcata ricuchishpa huillarca. Chashnataj tucuna cashcaca mana entendipajmi carca. Shina cajpipish, Danielca pai ricushca imata nisha nishcata entendina yuyailla tucushpaca entendircami.

DANIEL 11:6

Asha huatacunapica tandalla canatami ari ninacunga. Ura llajtata jatun mandajpaj ushushi, janaj lado llajtata jatun mandajhuan cazarashpami sumaj causaita ari ninacunga. Shina cashpapish paicuna chashna yuyarishcaca mana sinchita catingachu. Chai huarmitapish paita pushamujcunatapish, paipaj cusatapish, paipaj huahuacunatapish, paihuan cajcunatapish huañuchingami.

DANIEL 2:20

cashna nirca: “Jahua pacha Taita Diospaj shutitaca huiñai huiñaita alli nishca cachun. Tucuita rurai tucuj canapish, yachaisapa canapish paipajmi.

DANIEL 2:23

Ñuca yayacunapaj Taita Dios, quiquintami pagui nini, quiquintami alabani. Quiquinmari ñucamanca yachaitapish, fuerzatapish cuhuangui. Cunancarin ñucanchij mañashcatapish ricuchinguimi. Jatun mandaj imata muscushcata, chai imata nisha nishcatamari ricuchingui” nircami.

DANIEL 2:9

Imata muscushcata mana huillajpica tucui cancunapajmi chai shinallataj llaqui tucuna tiyacun. Llullashpa huillangapaj yuyarinacucushpa, imapish mana alli shimicunata ñuca ñaupajpi rimaringapajmi yuyarinacucunguichij. Chaipajca punllacuna ima shinalla tucujtami shuyashpa uniyacunguichij. Ñuca imata muscushcata ña huillaichij. Chaita huillajpica, ñuca muscushca imata nisha nishcata huillanatapish crishami– nirca.

DANIEL 4:14

Paica cashna nishpami sinchita caparirca: Chai yurata urmachichij, ramacunatapish p'itichij. P'angacunatapish anchuchichij, granocunatapish tsirapashpa shitaichij. Chai yura ucupi caj animalcunapish, ramacunapi caj alasyuj animalcunapish maita richij.

DANIEL 4:17

Chaitaca jucha illaj cuidajcunami chashna tucuchun nishpa parlanacushpa chashna rurashca. Cai pachapi causajcunaca runacuna mandacun jahuapica jahua pacha Taita Dios mandacushcata yachachunmi chashna rurashca. Mandaj cachunca Taita Diosca pita pai churasha nishcata churaj cashcata yachachun, mandaj canapica tucuicunamanta yalli manataj jatun tucujta churaj cashcata yachachunmi chashna rurashca nircami.

DANIEL 4:22

Jatun mandajlla chai yuraca canllatajmi cangui. Canca jatunyashpami sinchi tucushcangui. Can yallitaj jatun tucushcaca umahuan jahua pachaman tupajta shinami tucushcangui. Chashnami cai pachapi tiyaj tucui llajtacunataca mandacungui.

DANIEL 4:32

Gentecunapuramanta anchuchishpa animalcunahuan chagrutami churanga. Paicunahuanmi causangui. Huagrata shinami michingacuna. Runacuna mandacun jahuapica jahua pacha Taita Dios mandacushcata yachangacama, mandaj cachunca Taita Dios pita pai churasha nishcata churaj cashcata yachangacama canchis huatacunacamami chashna causangui” nircami.

DANIEL 7:25

Jahua pacha Taita Diostapish p'iñashpami millai shimicunata rimanga. Jahua pacha Taita Diospaj jucha illajcunatapish llaquichingami. Huatacunatapish, mandashcacunatapish shujtajyachinatami yuyanga. Diospajlla cajcunaca quimsa huata chaupicamami paipaj maquipi churashca canga.

Lucas 21:15

Cancunamanca ñucami imallata rimanata, yachaitapish cusha. Chaipica cancunata p'iñajcunaca imata mana juchachi tucushpa upalla saquiringallami.

Romanos 13:1

Jatun mandajcunataca tucuicuna cazuchun. Mandajca Dios churashcamantami tiyan. Dios mana churashca mandajca, mana tiyanchu.

1 Corintios 1:30

Diosmi cancunataca, Cristo Jesushuan shujllata rurarca. Cristotamantami Diosca yachaj cachun, justificashca cachun, jucha illajta rurashca cachun, randishpa quishpichishca cachun churarca.

Santiago 1:17

Tucui alli charinacuna, imatapish allita ruranacunaca jahuamantami shamun. Paica achijyachijcunata ruraj Yayami. Paica mana shujtajyanchu, paitaca llandullapish mana amsayachinchu.

Santiago 1:5

Cancunamanta maijan yachai illaj cashpaca, Diosta mañaichij. Paica mana mitsashpami, tucuicunaman yallijta cunga.

Apocalipsis 19:16

Paipaj churanapipish changapipish: “Jatun Mandajcunatapish, Jatun Mandajmi, Mandajcunapajpish Mandajmi” nishca shutita quillcashcami carca.