DANIEL 2:12 - Dios Rimashca Shimicunami

¹² Chaimi jatun mandajca yallitaj jatunta p'iñarishpa Babiloniapi tiyaj tucui jatun yachajcunata huañuchichun mandarca.

DANIEL 2:12 Iomraidhean Croise

JOB 5:2

Rumi shungu runataca, p'iñarina yuyaillami huañuchicun. Charina yuyailla causajcunataca, shujtajcuna charishcata munana yuyaillami tucuchicun.

SALMOS 76:10

Runacuna p'iñarijpica quiquinca ashtahuan jatun nishcami tucungui. Quiquin p'iñarishpa llaquichijpi saquirishcacunatapish cumurichinguirajmi.

PROVERBIOS 16:14

Jatun mandaj p'iñarishpaca, huañuchinatami huillan. Ashtahuanpish yachaisapa runaca, paita p'iñachinataca jarcarinmi.

PROVERBIOS 19:12

Jatun mandaj p'iñarishpaca, león huacarij shinami manchachin. Pai alli cajpica, shullashca q'uihua shinami.

PROVERBIOS 20:2

Jatun mandaj p'iñarijpica, huacaricuj león shina manchananami. Pipish paita p'iñachishpaca, quiquinllatajmi huañuita mashcan.

PROVERBIOS 29:22

Yallitaj p'iñarijlla runaca, p'iñanacuita callarichinllami. Yalli pi'ñarij runaca, ima llaquitapish ruranllami.

DANIEL 2:24

Chai q'uipaca Danielca, Babiloniapi tiyaj jatun yachajcunata huañuchichun jatun mandaj churashca Ariocpajman rishpami paitaca: –Babiloniapi tiyaj jatun yachajcunataca ama huañuchichu. Ashtahuanpish jatun mandajpajman ñucata pushai. Pai imata muscushcata, chai imata nisha nishcata huillangapaj– nirca.

DANIEL 2:5

Chaimi jatun mandajca caldeocunataca cashna nirca: –Imallata muscushcataca mana yuyarinichu. Ashtahuanpish imata muscushcata, chai imata nisha nishcata mana huillajpica cancunataca ñutuchishami. Cancunapaj huasicunapish mapata shitana pambata rurashcami canga.

DANIEL 3:13

Chaita uyashpaca, Nabucodonosorca yallitaj jatunta p'iñarishpami Sadractapish, Mesactapish, Abed-negotapish paipajman pushamuchun cacharca. Paicunataca chashna nincami jatun mandajpajman pusharcacuna.

DANIEL 3:19

Shina nijpi Nabucodonosorca yallitaj p'iñarishpami, paipaj ñahuipish shujtajyarishpa, Sadracta, Mesacta, Abed-negota rupachina tucurca. Paicunata rupachingapajca hornotaca rupajyachij cashcamanta canchis cutihuan yalli rupajyachichunmi mandarca.

DANIEL 5:19

Jatun canata cushcamantami tucui gentecunapish, llajtacunapish, ch'ican ch'ican rimaita rimajcunapish paipaj ñaupajpica manchaihuan chujchujcuna carca. Paica maijanta huañuchisha nishpaca, huañuchircallami. Maijanta causachun saquisha nishpaca causachun saquircallami. Jatun canapi maijanta churasha nishpaca, churarcallami. Maijanta cumurichisha nishpaca cumurichircallami.

Mateo 2:16

Herodesca yachaj runacuna paita chanzata rurashcata yachashpaca yallitaj p'iñarishpami Belenpipish, chai muyundij llajtacunapipish, manaraj ishqui huatata charij tucui c'ari huahuacunata huañuchichun mandarca. Yachaj runacunata tapushca punllamanta yupashpami chashna rurarca.

Mateo 5:22

Ashtahuanpish ñucaca cashnami nini: Maijanpish shujtajta p'iñajtaca, jatunta llaquichinapaj juchachishcami canga. Shinallataj shujtajta: “Ch'ahuan” nijtaca, mandajcunalla tandanacushcapaj ñaupajpi juchachishcami canga. Maijanpish shujtajta: “Muspa” nijca, ucu pacha ninapi shitanapajmi saquiringa.