DANIEL 2:11 - Dios Rimashca Shimicunami

¹¹ Jatun mandaj tapushcaca yallitaj sinchi mana cutichi tucuipajmari. Chaitaca jatun mandajmanca pi mana cutichingachu. Dioscunallamari chaitaca cutichi tucunga. Paicunapaj huasica manamari runacunapaj chaupipi tiyanchu– nircami.

DANIEL 2:11 Iomraidhean Croise

GÉNESIS 41:39

Faraonca Josetaca: –Tucui caicunataca Taita Diosmari canmanca yachachishca. Chaimanta can shina alli yachaj, alli yuyaiyujca pi mana tiyanchu.

GÉNESIS 41:8

Ashtahuanpish chai tutamantaca paipaj espiritupica llaquillami carca. Chaimi Egiptopi causaj jatun yachajcunata, yumbucunata cayachishpa pai imallata muscushcata parlarca. Paicunaca chai imata nisha nishcataca faraonmanca pi mana huillai tucurcachu.

1 REYES 8:27

¿Taita Diosca allpa pachapica causangatajchu? Jahua pachacunapish, jahua pachamanta ashtahuan jahuaman caj jahua pachapish can causanapajca mana pajtaipajchu. Canta yuyarinapaj cachun ñuca shayachishca cai huasicarin ¿maitataj pajtangari?

2 CRÓNICAS 6:18

¿Taita Diosca allpa pachapica runacunahuanca causangatajchu? Jahua pachacunapish, jahua pachamanta ashtahuan jahuaman caj jahua pachapish can causanapajca, mana pajtaipajchu. Canta yuyarinapaj cachun ñuca shayachishpa cai huasicarin ¿maitataj pajtangari?

SALMOS 132:14

“Huiñaita ñuca samarinaca caipimi. Ñuca munashcamantaca caipitajmi causasha.

SALMOS 68:18

Taita Dios, jahuamanmi huichiyarcangui. Prezu cajcunataca quiquinhuanmi pusharcangui. Runacunamantami aichayuj tucurcangui. C'ariyajcunamantami aichayuj tucurcangui. Mandaj Dioslla paicunapurapi causangapajmi chashna rurarcangui.

ÉXODO 29:45

Ñucaca israelcunapaj chaupipimi causasha. Ñucaca paicunapaj Diosmi casha.

ÉXODO 8:19

Chaimi brujocunaca faraontaca –Caitaca Taita Diospaj maquimi ruracun– nircacuna. Ashtahuanpish faraonca Mandaj Dios nishca shinallataj, rumi shungu tucushpami mana uyarca.

ISAÍAS 47:12

Cunanca brujocunahuan pajtachirinata caticuilla. Canca huambramanta pachami chaihuan pajtachirishpa amañarishca cangui. Chaicunahuanca jarcari tucunguipishchari, fuerzasapa tucunguipishchari.

ISAÍAS 57:15

Jahuajman caj, tucuita yalli jatun, huiñaita causacuj, jucha illaj shutica cashnami nin: “Ñucaca jahuajman ima jucha illajpimi causani. Ashtahuanpish ñucaca llaquihuan cajcunahuan, mana jatun tucushcacunahuanmi causani. Mana jatun tucushcacunata, shungu p'aquirishcacunata jatarichingapajmi paicunahuan causani.

ISAÍAS 8:18

Ñucapish, Mandaj Dios ñucaman cushca ñuca churicunapish, israelcuna ima tucunata ricuchijcunami canchij. Sión urcupi causaj, tucuita Mandaj Dios churashcacunami canchij.

DANIEL 4:4

Nabucodonosor ñucaca, ñuca huasipimi cushijlla sumajta causacurcani. Ñuca mandana huasipipish ashtahuan ashtahuan allitami ruracurcani.

DANIEL 5:11

Can mandacun llajtallapitajmari shuj runa tiyan. Paipica jucha illaj dioscunapaj espiritumari causan. Cambaj yaya mandacui punllacunapimi paipica yachaisapa dioscunapi shinallataj luz tiyashcata, alli yuyaiyuj cashcata, yachaisapa cashcata japircanchij. Jatun mandajlla, jatun mandaj Nabucodonosor cambaj yayaca paitamari jatun yachajcunata, luzerocunamanta yachajcunata, caldeocunata, adivinocunata mandaj cachun churarca.

JOEL 3:21

Yahuarlla cajcunata manaraj p'ichashcataca, ñucami p'ichasha. Mandaj Dios ñucami Sión urcupi causasha” ninmi.

NÚMEROS 35:34

Cancuna causacun llajtataca ama mapayachinguichijchu. Chai llajta chaupipimi, ñucaca causani. Mandaj Dios ñucaca israelcunapaj chaupipimi causani” nircami.

Mateo 19:26

Jesús paicunata chaparashpaca: –Gentecunapajca caica sinchitajmari, ashtahuanpish Diospajca imapish jahuallami– nirca.

Juan 1:14

Taita Diospaj Rimaica, aichayujmi tucurca. Paica ñucanchij chaupipimi causarca. Paitaca Yaya shinallataj sumaj cajtami ricurcanchij. Mana c'uyaipajta c'uyaj canahuan, mana llullahuan jundami carca.

Juan 14:17

Chai Espirituca imatapish chaitataj yachachijmi. Chai Espiritutaca cai pachapaj cajcunaca mana ricushcamanta, mana rijsishcamanta mana chasqui tucunchu. Ashtahuanpish cancunaca paitaca cancunapi causashcamanta rijsinguichijmi. Paica cancunapica causacungallami.

Juan 14:23

Shina nijpi Jesusca, cashnami nirca: –Ñucata c'uyajca, ñuca huillashca Shimitaca cazungami. Ñuca Yayaca paita c'uyangami. Paipajman shamushpa paihuan causashunmi.

2 Corintios 6:16

Dios causana huasica, rurashcalla dioscunahuanca mana shuj shinalla cai tucunchu. Cancunamari causacuj Dios causana huasi canguichij. Diosllatajmi, cashna nirca: “Ñucaca paicunapurapimi causasha, purisha. Ñucaca paicunapaj Diosmi casha, paicunaca ñuca agllashcacunami cangacuna” nishcami.

Apocalipsis 21:3

Cielomanta cashna nishpa sinchita caparijtami uyarcani: “Diospaj carpa huasica cunanca tucui gentecunahuanmi. Paicunahuanmi causanga paicunaca Diospaj huahuacunami canga. Paicunapaj Diostaj cashcamantaca, paitajmi paicunahuan canga.