DANIEL 12:8 - Dios Rimashca Shimicunami

⁸ Chaita uyashpapish, ñucaca imata mana entendishpami: “Ñuca amito, tucui chaicunaca ¿ima shinataj tucuringa?” nircani.

DANIEL 12:8 Iomraidhean Croise

DANIEL 10:14

Ñucaca, q'uipa punllacunapi cambaj llajtacuna imalla tucuna cashcatami huillaj shamurcani. Muscuipi shina can ricushcaca, chai punllacunapi chashna tucunami” nircami.

DANIEL 12:6

Chaicunamanta shujca lino churanata churashca jatun yacu jahuapi shayacujtaca: “Cashna jatun mancharinacuna tucurica ¿ima horataj canga?” nirca.

DANIEL 12:7

Shina nijpica lino churanata churashca jatun yacu jahuapi shayacujca alli maquitapish, lluqui maquitapish jahua pachaman chutashpami, huiñaita causaj Taita Diospaj shutipi cashna nirca: “Quimsa huata chaupitami chashna llaqui tiyanga. Diospajlla cajcunata urata janajta cachashcacuna tucui tigrajpimi, chaicunaca pajtanga” nijtami uyarcani.

DANIEL 12:9

Shina nijpi paica cashnami nirca: “Daniel, cunanca rilla. Cai shimicunaca tucuri punllacunacama huichcashpa sellashcami.

DANIEL 8:13

Chai q'uipaca jucha illaj shuj rimacujtami uyarcani. Caishuj jucha illajcunamanta shujca chai rimacujtaca: “Diosman punllanta animalcunata huañuchishpa cunata anchuchishcapish, Diosta adorana huasitapish, paipaj soldadocunatapish chai mandajpaj maquipi churashpa saruchishpa, cashna millai juchata rurachun saquishcaca ¿maicamataj cangari?” nishpami tapurca.

Lucas 18:34

Shina nijpipish yachacujcunaca, chai tucui imalla nishcacunaca mana entendipajlla cashcamantami ima nisha nishcata mana entendircacuna.

Juan 12:16

Paipaj yachacujcunaca Jesús imamanta chashna ruracushcataca mana entendircacunachu. Jesusta Taita Dios jatunyachishca q'uipami, pai ima shinalla tucuna cashcacunaca Quillcachishcapi ña tiyacushcata yuyarircacuna.

Hechos 1:7

Chaimi Jesusca: –Chaitaca, ñuca Yayallami yachan. Cancunaca ima huata, ima punlla canata mana yachanachu canguichij.

1 Pedro 1:11

Cristo ima shina llaquita apanata, pai llaquita apashca q'uipa jatunyachishca canatapish paicunapi caj Cristopaj Espiritumi ñaupaman manaraj chashna tucujpi, profetacunamanca yachana yuyaita cushca. Chashna yachana yuyaita cujpimi ¿pitaj chai Cristoca canga? ¿ima punllataj chashnaca tucunga? nishpa yuyacushcallacuna.