DANIEL 12:7 - Dios Rimashca Shimicunami

⁷ Shina nijpica lino churanata churashca jatun yacu jahuapi shayacujca alli maquitapish, lluqui maquitapish jahua pachaman chutashpami, huiñaita causaj Taita Diospaj shutipi cashna nirca: “Quimsa huata chaupitami chashna llaqui tiyanga. Diospajlla cajcunata urata janajta cachashcacuna tucui tigrajpimi, chaicunaca pajtanga” nijtami uyarcani.

DANIEL 12:7 Iomraidhean Croise

JOB 27:2

Ñuca japina cashcata quichuj Diosca, ñucata llaquichij Tucuita Rurai Tucuj Diosca ricucunmi.

ISAÍAS 62:12

Paicunaca: “Mandaj Dios quishpichishca, pai agllashca jucha illajcunami” nishcami cangacuna. Cantaca: “Mandaj Dios munashca llajtami, ña mana shitashca llajtachu” ningacunami.

JEREMÍAS 4:2

Chaimantaca mana nij tucushpalla, alli yuyaihuantaj, tucui shunguhuantaj: Mandaj Diosca causacunmi nichigari. Chaipica shujtaj llajtacunapi causajcunapish, ñucamantamari allicunata chasquingacuna. Ñucahuanmari cushicungacuna” ninmi.

EZEQUIEL 20:5

cashna ningui: Mandaj Jatun Diosca cashnami nin: Jacobopaj huahua huahua israelcunata agllai punllallatajmi, paicunamanca ñuca maquita alzashpa ari nircani. Paicuna Egipto llajtapi cajpiraj paicunaman rijsichirishpami, ñuca maquita alzashpa: Ñucaca cancunata Mandaj Taita Diosmi cani nircani.

DANIEL 10:5

Chaipi cashpa huichilla ricushpaca, lino churanata churashca shuj runa shayacujtami ricurcani. Paica Ufaz llajta curimanta rurashca chumbihuan chumbillishcami carca.

DANIEL 11:13

Janaj lado llajtata jatun mandajca ñaupata yalli achca soldadocunatami tandachinga. Ña uni huatacuna q'uipaca yallitaj achca soldadocunayuj, alli macanacunacunayuj tucushpami, ura lado llajtata jatun mandajhuan macanacungapaj cutin tigranga.

DANIEL 12:6

Chaicunamanta shujca lino churanata churashca jatun yacu jahuapi shayacujtaca: “Cashna jatun mancharinacuna tucurica ¿ima horataj canga?” nirca.

DANIEL 12:8

Chaita uyashpapish, ñucaca imata mana entendishpami: “Ñuca amito, tucui chaicunaca ¿ima shinataj tucuringa?” nircani.

DANIEL 4:31

Jatun mandaj chashna rimaricujpirajmi, jahua pachamanta rimashca uyarishpaca: “Jatun mandaj Nabucodonosor, cantami cashna nini: “Can mandanataca ñami quichurcani.

DANIEL 4:34

Shina cashpapish, ñucata llaquichishca huatacuna ña tucuricuipimi, Nabucodonosor ñucaca jahua pachata huichilla ricurcani. Chaimi ñucamanca gente yuyaillatataj tigrachirca. Jahua pacha Taita Diostaca allimari cangui nircanimi. Huiñai causaiyujtaca alabashpa jatunyachishpami cashna nircani: Quiquin mandanaca mana tucurij huiñaita mandanami. Quiquinca huahua huahuata mandacunguillami.

DANIEL 7:21

Chai gachuca, Diospajlla cajcunahuan macanacushpa, pai mishacujlla cajtami ricurcani.

DANIEL 7:25

Jahua pacha Taita Diostapish p'iñashpami millai shimicunata rimanga. Jahua pacha Taita Diospaj jucha illajcunatapish llaquichingami. Huatacunatapish, mandashcacunatapish shujtajyachinatami yuyanga. Diospajlla cajcunaca quimsa huata chaupicamami paipaj maquipi churashca canga.

DANIEL 8:14

Shina nijpica: “2.300 chishicunacama, tutamantacunacamami chashna canga. Chai q'uipaca Diospajlla huasica mapa illajllata rurashcami canga” nircami.

DANIEL 8:24

Paica ashtahuan ashtahuan c'ari c'ari tucushpami catinga. Mana paipaj quiquin fuerzahuanchu canga. Jatuntami llaquichinga. Tucui chaicunaca paipajca allimi llujshinga. Pai munashcatami ruranga. C'ari c'aricunatapish chingachingami. Diospajlla cajcunatapish chingachingami.

Lucas 21:14

Paicunapaj ñaupajpica, imatataj nishun nishpa cancunapaj shungupica ama ñaupaman yuyaringuichijchu.

Lucas 21:24

Maijancunataca espadahuanmi huañuchingacuna, shujtajcunataca tucui llajtacunamanmi prezu apangacuna. Jerusalenca mana israelcuna sarushcami canga. Paicuna sarushca cana punlla pajtangacamami, mana israelcuna mandanga.

DEUTERONOMIO 26:19

Tucui pai rurashca llajtacunamantaca cancuna jatun llajta nishca, c'ari c'aricuna alli nishcacuna cachunmi chashna nirca. Mandaj Dios cancunapaj Taita Diosca pai nishca shina paipajlla ch'icanchishcacuna cachunmi chashna nirca” nircami.

DEUTERONOMIO 32:36

Mandaj Diosca pai agllashcacunamanta shayaringami. Paipajta rurajcuna llaquita apacujta ricushpaca llaquiringami. Fuerza illajlla cajta ricushpami llaquiringa. Amopajta rurajcunapish, amopajta mana rurajcunapish tucuricujta ricushpami llaquinga.

DEUTERONOMIO 32:40

Ñuca maquita huichi chutashpami: “Ñucaca huiñaita causacujmi cani” nini.

DEUTERONOMIO 7:6

Cancunaca Mandaj Dios cancunapaj Taita Diospaj jucha illaj llajtami canguichij. Mandaj Dios cancunapaj Taita Diosmi cai pachapi tiyaj pueblocunamanta yalli ashtahuan alli pueblo cachun cancunataca agllarca.

1 Pedro 2:9

Ashtahuanpish cancunaca Dios agllashcacunapura, jatun mandajpajta ruraj curacuna, jucha illaj llajta, Diospajlla cachun randishca pueblomi canguichij. Cancunataca amsamanta paipaj sumaj achijman cayashpa, mancharina allicunata huillachun agllashcacunami canguichij.

Apocalipsis 12:14

Chaimantami chai huarmimanca, shitashca pambaman culebrapaj ñaupajmanta jatarishpa richun, jatun aguilapaj ishqui alasta curca. Chaipimi quimsa huata chaupicama Dios cuidashca carashca causarca.

Apocalipsis 12:6

Chai huarmica, shitashca pambapi Dios allichishcapi miticugrijpimi chaipica 1.260 punllacunacama Dios cuidashca carca.

Apocalipsis 13:5

Paimanca, jatun tucushpa c'amishpa rimanata, chuscu chunga ishqui quillacunata mandai tucunatapishmi curca.

Apocalipsis 4:10

ishqui chunga chuscu ancianocunapish, jatun tiyarinapi tiyacujpaj ñaupajpi cungurishpa, huiñai huiñaita causacujta adorarcacuna. Paicunapaj coronacunatapish jatun tiyarina ñaupajpi churashpami:

Apocalipsis 4:9

Jatun tiyarinapi tiyacuj huiñaita causacujta chai causaiyujcuna jatunmari cangui, allimari cangui nishpa, pagui nijpica, cada chashna nishcatami,