DANIEL 12:4 - Dios Rimashca Shimicunami

⁴ Ashtahuanpish Daniel canca, cai shimicunata quillcashca librotaca, tucuri punllacunacama huichcashpa sellailla. Achcacunami caiman chaiman callpangacuna. Ima jatun yachaipish ashtahuanmi miranga nircami.

DANIEL 12:4 Iomraidhean Croise

ISAÍAS 11:9

Chai punllapica ñucapajlla urcupica, ima millaita mana rurangachu. Imata mana llaquichingachu. Mama cucha yacuhuan junda caj shinami tucui cai pachaca Mandaj Diosta rijsishcahuan junda canga.

ISAÍAS 29:11

Muscuipi shina Dios ricuchishpa huillachishcacunaca cancunapajca, quillcashca librota sellashcata cushca shinami. Rezanata yachajman librota cushpaca: “Cunanca caita rezai” nijpica, paica: “Sellashca cashcamanta mana rezai tucunichu” ningami.

ISAÍAS 30:26

Pai agllashcacuna chugririshcata Mandaj Dios maillashpa huatacui punllapi, carachahuan cajta jambicui punllapica, lunaca inti shinami achijyachinga. Inticarin canchis inti tandanacushpa achijyachishcata yallitami achijyachinga.

ISAÍAS 32:3

Paita ricujcunapaj ñahuicunaca, mana amsayangachu. Paita uyajcunapaj rinrincunaca allimi uyaracungacuna.

ISAÍAS 8:16

Dios ima shina cashca shina causanataca charirangui. Ñuca yachachishcacunataca ñucata catijcunapaj chaupipica chaitataj pajtachingui” nircami.

JEREMÍAS 5:1

“Shuj runallapish cashcata ruraj, ima millaita ruranata mana munaj tiyangapishchari. Tucui Jerusalén pueblo callecunapi, tandanacuna pambacunapi callarishpa mashcashpa ricuichigari. Shuj runallapish chashna tiyajpica, Jerusalentaca mana llaquichishachu.

DANIEL 10:1

Persia llajtata jatun mandaj Ciro quimsa huatata ña mandacujpimi, Beltsasar nishca Danielmanca, Diosca chashnataj tucuna cashcata ricuchishpa huillarca. Chashnataj tucuna cashcaca mana entendipajmi carca. Shina cajpipish, Danielca pai ricushca imata nisha nishcata entendina yuyailla tucushpaca entendircami.

DANIEL 10:14

Ñucaca, q'uipa punllacunapi cambaj llajtacuna imalla tucuna cashcatami huillaj shamurcani. Muscuipi shina can ricushcaca, chai punllacunapi chashna tucunami” nircami.

DANIEL 10:21

Ashtahuanpish ñucaca mana llullaj shimicuna tiyacuj libropi quillcashcatami huillagrini. Paicunahuan ñuca macanacucujpica ñucataca pi mana ayudanchu. Israelcunata mandaj Miguel shuti angelmi ayudan.

DANIEL 11:33

Diospaj cajcunapuramanta yachaisapa cajcunaca achcacunatami yachachingacuna. Chai punllacunapica maijancunataca espadahuanmi huañuchinga. Maijancunataca ninahuanmi rupachinga. Maijancunataca prezumi apanga. Chashna rurashpaca paicuna ima charishcacunatapish apangacunami.

DANIEL 11:40

Huatacuna ña pajtamujpimi, ura lado llajtata jatun mandajca paihuan macanacugringa. Chaimi janaj lado llajtata jatun mandajca carrocunahuan, caballopi tiyarishca gentecunahuan, achca barcocunahuan tucushpa ura lado llajtata jatun mandajhuan macanacungapaj jatun acapana shina jataringa. Paica ura lado llajtaman yaicushpaca tucuita mishashpami ringa.

DANIEL 12:13

Daniel canca, huañungacamami ima manchai illajlla causangui. Canca samaringuimi. Tucuri punllacuna pajtajpimi can japina cashcata chasquingapaj jataringui” nircami.

DANIEL 12:5

Chai q'uipaca Daniel ñucaca, shujtaj ishqui shayacujtami ricurcani. Shujca jatun yacu cai ladoman, caishujca ch'imba ladomanmi shayacurca.

DANIEL 12:9

Shina nijpi paica cashnami nirca: “Daniel, cunanca rilla. Cai shimicunaca tucuri punllacunacama huichcashpa sellashcami.

DANIEL 8:17

Shina nijpica, ñuca maipi canmanmi ashtahuan c'uchuyamurca. Pai shamujpica achcata mancharishpami, pambaman tupajta cumurircani. Ashtahuanpish paica: “Riqui runa alli uyai, muscuipi shina can ricushcaca tucuri punllacunapajmi” nircami.

DANIEL 8:19

Paica cashnami nirca: “Dios p'iñarishpa llaquichicuica ima shina tucurinatami huillagrini. Can ricushcaca, tucuri punllacunapajmi.

DANIEL 8:26

Muscuipi shina chishicunapi tutamantacunapi canman ricuchishcaca, chashnatajmi tucunga. Muscuipi shina ricushcataca ama huillashpa huaquichilla. Chaicunaca uni huatacuna q'uipami pajtanga” nircami.

Mateo 24:14

Dios mandacun alli huillaitaca, tucui cai pachapi causajcunamanmi huillashpa yachaj chayachishca canga. Chai q'uipami cai shina causaica tucuringa.

Romanos 10:18

Ashtahuanpish caita tapusha: ¿Manachari uyarcacunari? Ari uyarcacunatajmari: “Tucui cai pachapimi, paicuna rimashcaca uyarirca. Cai pacha tucuricamami, paicuna huillashcaca uyarirca” ninmi.

Apocalipsis 10:4

Chai canchis c'ulun nijcuna rimashca uyarishcatami ñucaca quillcasha nicurcani. Ña quillcasha nicujpica cielomanta shuj rimaica: “Chai canchis c'ulun nijcuna rimashcataca huaquichishpa saquilla, ama quillcaichu” nijtami uyarcani.

Apocalipsis 22:10

Cashnapish nircami: Imalla tucuna cashcata Dios huillachishcata cai libropi quillcashcataca ama pacangui. Caicunaca ñallami pajtanga.

Apocalipsis 5:1

Chai jatun tiyarinapi tiyacujpaj alli maquipica, ucupish, jahuapish quillcashca shuj librotami ricurcani. Chai libroca canchis sellohuan sellashcami carca.