DANIEL 12:2 - Dios Rimashca Shimicunami

² Chai punllacunapica huañushcacunapish causachishcami canga. Shujcunaca huiñai causaipajmi causachishca canga. Caishujcunaca huiñaita pingaichishca, muspachishca cangapajmi causachishca canga.

DANIEL 12:2 Iomraidhean Croise

PROVERBIOS 12:8

Alli yachajcunataca pipish alli ninmari. Ashtahuanpish millai shungucunataca tucuicunami p'iñancuna.

ISAÍAS 26:19

Cambaj caj huañushcacunaca causaringacunami. Huañushca aichacunaca jataringacunami. Ñutu allpapi causacujcuna rijcharichij, cantaichij. Quiquin causachijpica huañushcacunaca, ñutu tamya shamujpi llullu granocuna huiñaj shinami allpamanta llujshingacuna. Allpaca paipi caj huañushcacunata tigrachingami.

ISAÍAS 66:24

“Paicuna llujshishpaca, ñucata p'iñashpa c'ariyajcunapaj huañushca aichacuna siricujtami ricungacuna. Paicunapi caj c'urucunaca nunca mana huañungachu. Paicunapi rupacuj ninapish, nunca mana huañungachu. Chaica pi mana munaipaj yallitaj llaquimi canga”.

JEREMÍAS 20:11

Shina cajpipish Mandaj Dioslla, canmari alli macanacuj jatun soldado shina ñucataca cuidacungui. Ñucata p'iñajcunaca mana mishai tucushpa urmangacunami. Huiñaita mana cungaripajtamari pingai tucushpa saquiringacuna.

EZEQUIEL 37:12

Paicunamanca cashna huillai: Mandaj Jatun Diosca cashnami nin: Ñuca agllashca israelcunalla, cancunataca pambashca jutcucunamanta llujshichishpami, israelcunapaj llajtaman pushamusha.

OSEAS 13:14

Seolpaj maquimantami quishpichisha. Huañunamantami quishpichisha. Chaipica huañui, ñucami canta huañuchijca cani. Seol canta chingachijca ñucami cani. Llaquij canaca ñuca ñahuimantaca anchunmi nishami.

Mateo 25:46

Chashnacunaca, huiñaipaj llaquimanmi ringacuna. Shinallataj cashcata rurajcunaca, huiñai causaimanmi ringacuna– nircami.

Hechos 24:15

Ima shinami paicunaca, tucui huañushcacunatami cashcata rurajcunatapish, mana cashcata rurajcunatapish Taita Dios causachinga nincuna. Ñucapish chai yuyaillatajmi cani.

Hechos 7:60

Chaipi cungurishpa sinchita caparishpaca: “Jatun Dioslla, paicuna cashna millaita ruracushcata ama yuyaringui” nishpaca huañurcallami.

Romanos 9:21

Allpamanta vasota rurajca ¿manachu chai masallamantataj shujtaca allipaj, caishujtaca ima yangapajlla rurai tucun?

1 Tesalonicenses 4:14

Jesús huañushpa causarishcatami ñucanchijca crinchij. Chai shinallatajmi Jesusta crij huañushcacunatapish Taita Diosca causachinga.

Apocalipsis 20:12

Huañushcacunataca jatuncunatapish uchillacunatapish Diospaj ñaupajpi shayacujtami ricurcani. Librocunapish pascashcami carca. Causanaman rinapaj shujtaj libropish pascashcami carca. Huañushcacunaca paicuna ima shina cashcata librocunapi quillcashca shinallatajmi ricuchishca carca.