Biblia Todo Logo
Bìoball air-loidhne

- Sanasan -




DANIEL 12:10 - Dios Rimashca Shimicunami

10 Tucui chaicunahuanca achcacunami yurajllata, mapa illajllata rurashpa chuyajllata rurashca cangacuna. Diosta mana rijsijcunaca, Diosta mana rijsij shinallatajmi rurangacuna. Diosta mana rijsijcunaca, pi mana entendingacunachu. Ashtahuanpish entendijcunallami, caicunataca entendingacuna.

Faic an caibideil Dèan lethbhreac




DANIEL 12:10
37 Iomraidhean Croise  

Cashcata mana rurajca, chashnallataj ruracuchunlla, mapata rurajca ashtahuan mapata ruracuchunlla. Cashcata rurajpish ashtahuan cashcata ruracuchunlla, jucha illajlla cajpish ashtahuan jucha illajlla tucucuchunlla.


Diosmanta yachaisapa cajcunamanta maijancunapish ima mapa illajllata, chuyata, yurajllata rurashca cangapajmi llaquichishca canga. Paicuna llaquita apanaca punlla pajtangacamallami canga. Shina cajpipish chai punlla pajtanapajca illanrajmi.


Caita entendingapajca ¿pitaj yachaisapari? Caicunata yachangapajca ¿pitaj alli yuyaiyugri? Mandaj Diospaj ñancunaca mana huishtuchu. Chai ñancunataca cashcata rurajcunallami puringa. Ashtahuanpish paita c'ariyajcunaca chai ñanllapitajmi ñitcarishpa urmangacuna.


Maijanpish Taita Diospajtaj cajca, paipaj Shimitaca uyanllami. Ashtahuanpish cancunaca mana Taita Diospaj cashpami paipaj Shimitaca mana uyashun ninguichij– nircami.


Ashtahuanpish Diospaj Churi shamushcatami yachanchij. Paimari mana llullaj Diosta rijsi tucunata curca. Chaimantami paipaj mana llullaj Churi Jesucristohuan shujlla canchij. Paimi mana llullaj Dios, huiñai causaitapish cuj.


Maijanpish Taita Diospaj munaita rurasha nijmi, cai ñuca yachachicunca Taita Diospaj cashcata, mana cashpaca ñuca yuyaillamanta rimacushcata yachanga.


Chaimi Jesusca: –¡Cancunaca ¿upacunachu canguichij? Profetacuna huillashcacunata crinamari cancunapajca sinchiraj cashca!


Chai saquirijcunataca, ninapimi rupachisha. Ima shinami cullquitaj cashcata, curitaj cashcata ricungapaj ninapi rupachincuna, chashnallatajmi ñucapish paicunataca rurasha. Chashna rurajpimi, paicunaca ñuca shutipi mañangacuna. Paicuna mañashcataca uyashami. Chaimantaca: Ñuca agllashcacunami canguichij nishami. Shina nijpimi paicunapish: Mandaj Diosca ñucanchij Diosmi ningacuna” ninmi.


Chaimantami cantaca cashna cunani. Charij casha nishpaca, ninapi rupachishca ima mapa illaj curita ñucaman randiyari. Cambaj lluchulla pinganayaj aichata taparingapajpish yurajlla churanata ñucaman randishpa churariyari. Ñahuicuna alli ricuchunpish ñahui jambita ñucaman randishpa churariyari.


Yachaisapa runa caita uyashpaca, ashtahuan yachajmi tucunga. Yuyaisapa runapish cunashcata chasquingami.


Cancunata crijtaj cashcata ricushcaca, sumaj curitapish ashtahuan yallimari. (Chingarijlla curitapish ninapi rupachishpami, alli cashcata mana alli cashcataca ricuna) Llaquita apashpaca, shamuj punllapi Jesucristo ricurijpica alabashca, alli nishca, sumajyachishcami canguichij.


Diospaj cajcunapuramanta yachaisapa cajcunaca achcacunatami yachachingacuna. Chai punllacunapica maijancunataca espadahuanmi huañuchinga. Maijancunataca ninahuanmi rupachinga. Maijancunataca prezumi apanga. Chashna rurashpaca paicuna ima charishcacunatapish apangacunami.


Guzu yacucunapish, uchilla cucha yacucunapish mana mishqui yacucunachu canga. Ashtahuanpish cachi yacucunallami canga.


Paitaca cielopi caj soldadocunami yurajlla caballocunapi tiyarishca caticurcacuna. Paicunaca ashtahuan alli linomanta rurashca yurajlla, mana mapayashca churanata churashcacunami carca.


Paipaj huarmimanca linomanta rurashca lamyacuj churanatami churachun curca. (Linomanta, rurashca churanaca Diospajlla cajcuna imatapish cashcata rurashpa causashcatami ricuchin)”.


Chashna jatun nanaihuan cashpapish, chupu ungüihuan cashpapish cielopi caj Diostaca c'amircacunami. Paicunapaj millaita ruracushcamantapish Diospajmanca mana cutirircacunachu.


Espíritu yuyaita cujpimi, mana llullata huillashcataca cazushcanguichij. Ama nij tucushpalla huauquindijcuna shina c'uyanacunapajmi cancunapaj almataca chuyayachishcacuna canguichij. Chaimanta caishuj chaishuj tucui shunguhuan mapa yuyai illajlla c'uyanacuichij.


Ñucanchij yayacunaca ashacamallami paicunapi alli cana cashcata yuyashca shina ñucanchijtaca ima shinapish llaquichij carca. Dioscarin ñucanchij allipajllatajmi, pai shina ima jucha illaj cachun ima shinapish llaquichin.


Tucui millaimanta llujshichishpa paipajlla pueblo cachun chuyayachishpa, paipajllata rurana yuyailla cajta rurangapajmi paillataj ñucanchijmanta curirca.


Chaimanta c'uyashcacuna, Dios cushami nishcacunata charishcamantaca, ñucanchij aichatapish, yuyaitapish mapayachicujtaca tucui anchuchishunchij. Diosta manchashpa, tucui jucha illaj tucungacama paipajlla alli causashunchij.


Cancunapish maijancunaca chashnallatajmi carcanguichij. Ashtahuanpish Mandaj Jesucristopaj shutipimi, ñucanchij Taita Diospaj Espiritumanta ña maillashcacuna, jucha illajta rurashcacuna, justificashcacuna canguichij.


Chaimi Pilatoca: –Shinashpaca canca ¿jatun Mandajchu cangui?– nijpi, Jesusca: –Canllatajmari ñucataca jatun Mandaj ningui. Ñucaca chaipajllatajmi cai pachaman shamushpa huacharircani. Mana llullata huillangapajmi shamurcani. Ñuca huillashcataca mana llullapaj cajcunallami uyancuna– nirca.


Chaimi cashna nirca: “Taita Dios mandagrin pi mana yachashca pacalla cajtaca, paimari cancunamanca yachachishca. Ashtahuanpish shujtajcunamanca yuyachij parlocunallahuanmi imatapish yachachicuni.


Yachaisapa cajcunaca, jahua pacha shina lamyacujmi canga. Cashcata ruranata achcacunata yachachijcunaca, luzerocuna shina huiñai huiñaita lamyacungallami.


Chaipimi cancunapaj jahuapica, chuyajlla yacuta tsirapasha. Chashna rurajpimi tucui mapamantapish, rurashcalla dioscunata adoranamantapish maillashca canguichij.


Tucui caicunata ch'imbapura parlanacungapaj shamuichij ninmi Mandaj Diosca. Cancunapaj juchacuna amsa puca cajpipish, rasu shina yurajllata yurajyachishcami canga. Cancunapaj juchacuna pucanicuj cashpapish, yurajlla millmata shina rurashcami canga.


Maijanpish yachaisapa cashpa chaicunata huaquichijca, Mandaj Dios llaquij cashcatami entendinga.


Hisopohuan chuyayachiyari. Ima mapa illajmi casha. Maillahuayari. Rasuta yalli ashtahuan yurajmi casha.


Ñaupa yayacunapaj nishcacunapica: Diosta mana rijsijcunami millaitaca rurancuna ninmi. Chaimanta ñuca maquica cantaca manataj llaquichingachu.


Paica paipaj tiyarinapi tiyarishpami, levitacunapaj juchacunataca cullquita, curita ninapi rupachishpa mapata anchuchij shina anchuchinga. Chashna ima mapa illajlla cashpami, Mandaj Diosman imalla cuna cashcatapish cungapaj apamungacuna.


Lean sinn:

Sanasan


Sanasan