DANIEL 11:8 - Dios Rimashca Shimicunami

⁸ Chaipi tiyaj dioscunatapish, cullquita yacuyachishpa rurashca dioscunatapish, cullquimanta, curimanta rurashca sumaj charinacunatapish Egiptomanmi apanga. Chai q'uipaca uni huatacunatami janaj lado llajtata jatun mandajhuanca mana macanacunga.

DANIEL 11:8 Iomraidhean Croise

GÉNESIS 31:30

Cambaj yayapaj huasiman tigranata munashcamanta tigracushpapish ¿ima nishpataj ñuca dioscunata shuhuamurcangui?– nirca.

2 SAMUEL 5:21

Filisteocunaca paicunapaj rurashcalla dioscunataca chaipi shitashpami rircacuna. Chaicunataca Davidca paipaj runacunandij tucushpami rupachircacuna.

ÉXODO 12:12

Chai tutaca Egipto llajtatami puricusha. Chai llajtapi causajcunapaj punta huacharishcacunataca gentecunapajtapish, animalcunapajtapish punta huacharishca c'ari huahuacunataca tucuitami huañuchisha. Chashnami egipciocunapaj dioscunaca yangalla cashcata, ñucaca Mandaj Diostaj cashcata ricuchisha.

ISAÍAS 2:16

Tarsis pueblopaj tucui barcocunatapish, tucuimanta yalli achca valij sumaj barcocunatapish yanganchingapajmi shamunga.

ISAÍAS 37:19

Paicunapaj dioscunataca ninapimi rupachircacuna. Chaicunaca mana diostaj cajpi, ashtahuanpish runacuna rurashca caspi dioscuna, rumi dioscuna, cajllapimi cashna chingachircacuna.

JEREMÍAS 46:25

Tucuita Mandaj, israelcunapaj Diosca cashnami nin: Ñucaca Tebas pueblopi caj Amón shuti diosta llaquichigrini. Faraontapish, pai mandacun Egipto llajtatapish, chaipi causajcunapaj dioscunatapish, paicunapaj jatun mandajcunatapish llaquichigrinimi. Faraontaca, tucui paipi shunguta churajcunandijmi llaquichisha.

DANIEL 10:3

Ima sumaj micunatapish mana micurcanichu. Aichatapish, vinotapish shimillapipish mana churarcanichu. Quimsa semanacama, mishquijllata ashnacujhuanpish mana churarircanichu.

DANIEL 11:9

Asha huatacuna q'uipaca janaj lado llajtata jatun mandajca, ura lado llajta mandanata quichungapajmi ringa. Ashtahuanpish paipaj llajtaman tigrangallami.

OSEAS 13:15

Huauquicunapurapica pai miraricujpipish inti llujshin ladomanta huaira shamushpa, shitashca pambamanta Mandaj Diospaj huaira jatarishpami pajchashpa llujshicuj yacutaca chaquichinga. Pajchashpa llujshicuj jatun yacucunaca chaquiringami. Paicunapaj achca valij sumaj charinacunatapish quichushpami apanga.

OSEAS 8:6

Israelcuna, chai bizi diosca mana diostajchu. Chaitaca imatapish ruranata yachaj rurashcallami. Chaimanta Samariapaj bizi diosca mirga mirgata rurashpa chingachishcami canga.

NÚMEROS 33:4

Israelcuna llujshimucui punllaca egipciocunaca Mandaj Dios paicunapaj punta churicunata huañuchishcatami pambacurcacuna. Chashna rurashpami Mandaj Diosca egipciocunapaj dioscunaca yangalla cashcata ricuchirca.

DEUTERONOMIO 12:3

Paicunapaj altarcunata urmachinguichij. Paicunapaj rurashcalla dioscunata p'aquinguichij. Asera diosman rijchajcunata rupachinguichij. Maquihuan rurashca paicunapaj dioscunata chingachinguichij. Chashna rurashpami chai dioscunapaj shuticunataca tucuita p'ichanguichij.

JUECES 18:24

Chaimi Micaiaca: –Cancunaca ñuca rurashca dioscunatapish, ñuca curatapish apashpamari shamushcanguichij. Chashna rurashpa ima illajta saquimushca jahuamari ñucataca ¿imataj tucungui? nishpa tapunguichij– nirca.