DANIEL 11:5 - Dios Rimashca Shimicunami

⁵ Ura lado llajtata japij jatun mandajca ashtahuan c'ari c'arimi tucunga. Shina cashpapish, pai churashca mandajcunamanta shujmi, paita yalli c'ari c'ari canga. Pai mandanaca ashtahuan ashtahuan jatun tucushpami catinga.

DANIEL 11:5 Iomraidhean Croise

DANIEL 11:11

Chaimi ura lado llajtata jatun mandajca yallitaj p'iñarishpa, janaj lado llajtata jatun mandajhuan macanacungapaj llujshinga. Janaj lado llajtata mandajca yallitaj achca soldadocunahuan cashca cashpapish, tucuicunami ura lado llajtata jatun mandajpaj maquipi urmanga.

DANIEL 11:14

Chai huatacunapica, achcacunami ura lado llajtata jatun mandajta p'iñashpa jataringacuna. Muscuipi can ricushca pajtachunmi cambaj llajtapuramantapish yallitaj millai runacuna jataringa. Ashtahuanpish paicunaca mana mishangacunachu.

DANIEL 11:25

C'ari c'ari tucushpa nina sindirij shina p'iñarishpami, ura llajtata jatun mandajhuan macanacungapaj achca soldadocunahuan ringa. Ura lado llajtata jatun mandajpish ashtahuan c'ari c'ari achca soldadocunahuan tucushpami macanacuj shayaringa. Ashtahuanpish paica paipaj soldadocunallataj umajpimi, mana mishanga.

DANIEL 11:40

Huatacuna ña pajtamujpimi, ura lado llajtata jatun mandajca paihuan macanacugringa. Chaimi janaj lado llajtata jatun mandajca carrocunahuan, caballopi tiyarishca gentecunahuan, achca barcocunahuan tucushpa ura lado llajtata jatun mandajhuan macanacungapaj jatun acapana shina jataringa. Paica ura lado llajtaman yaicushpaca tucuita mishashpami ringa.

ZACARÍAS 6:6

Yana caballocunaca carretataca, huichimanmi aisashpa rircacuna. Yuraj caballocunaca caishuj carretataca, chaininijmanmi aisashpa rircacuna. Bayo caballocunahuan caj carretataca, urimanmi aisashpa rircacuna.