DANIEL 11:3 - Dios Rimashca Shimicunami

³ Chai q'uipaca shuj c'ari c'ari jatun mandajmi jataringa. Paica yallitaj jatun tucushpa pai munashcata rurashpami tucuita mandanga.

DANIEL 11:3 Iomraidhean Croise

DANIEL 11:16

Janaj lado llajtamanta uriyajca, pai munashcatami ruranga. Paihuan ch'imbapurajca pi mana tiyangachu. Paica tucuita chingachishpami sumaj llajtapi saquiringa.

DANIEL 11:36

Chai jatun mandajca, pai munashcata rurashpa, tucui dioscunapaj jahuapi cashcatami yuyanga. Tucui dioscunapaj Taita Diostapish millai shimicunahuan rimashpami uyajcunapajca catinajlla uyaringa. Paica Dios p'iñarishpa llaquichingacamami tucui imapipish alli llujshinga. Paita ima shina llaquichina cashcapish pajtangatajmi.

DANIEL 4:35

Quiquinpaj ñaupajpica, cai pachapi causajcunaca tucuicuna ima mana canchu. Paica jahua pacha soldadocunatapish, cai pachapi causajcunatapish pai munashca shinami ruran. Paipaj maqui imata ruracujtaca pi mana jarcai tucunchu. ¿Imatataj ruracungui? ninallatapish, pi mana ni tucunchu” nircanimi.

DANIEL 5:19

Jatun canata cushcamantami tucui gentecunapish, llajtacunapish, ch'ican ch'ican rimaita rimajcunapish paipaj ñaupajpica manchaihuan chujchujcuna carca. Paica maijanta huañuchisha nishpaca, huañuchircallami. Maijanta causachun saquisha nishpaca causachun saquircallami. Jatun canapi maijanta churasha nishpaca, churarcallami. Maijanta cumurichisha nishpaca cumurichircallami.

DANIEL 7:6

Ishquipaj q'uipa llujshij animaltaca, leopardoman rijchajtami ricurcani. Paipaj huashapica chuscu alastami charirca. Chai animalca chuscu umayujmi carca. Paimanca mandai tucunatami curca.

DANIEL 8:21

Chivoca Grecia llajtata jatun mandajtami ricuchin. Ñahuicuna chaupipi caj jatun gachuca, chai llajtapica pai punta jatun mandaj cashcatami ricuchin.

Efesios 1:11

Ñaupaman agllashca cashcamantami, Cristomantaca japina cashcata charircanchij. Tucui imatapish rurajca, pai munashpa yuyarishca shinallatajmi pajtachicun.

Hebreos 2:4

Diosca señalcunata, pi mana ruraipajcunata, ch'ican ch'ican milagrocunata paicunata rurachishpami chai huillashcacuna chashnataj cashcataca ricuchirca. Pai munashca shina paipaj Jucha illaj Espirituta cushpami chaicunataca chashna rurachirca.

Santiago 1:18

Pai munashcamantami mana llulla shimimanta pai rurashcacunapaj punta p'ucushca grano shina cachun, ñucanchijtaca mushujyachirca.