DANIEL 11:2 - Dios Rimashca Shimicunami

² Cunanca ñucaca chashnataj tucuna cashcatami canmanca ricuchigrini: Persia llajtapica, quimsa jatun mandajcuna tiyangarajmi. Quimsapaj q'uipa jatun mandajca ñaupaman mandajcunatapish yalli ashtahuan achcata charijmi tucunga. Paica pai achcata charishcahuan c'ari c'ari tucushpami, Grecia llajtata mandajhuan macanacunga.

DANIEL 11:2 Iomraidhean Croise

ESDRAS 4:24

Chashnami Diospaj huasita Jerusalenpi cutin shayachicushcataca jarcachirca. Persia llajtata jatun mandaj Darío ishqui huatata mandangacamami chashna jarcachishca saquirirca.

ESDRAS 4:7

Persia llajtata jatun mandaj Artajerjes mandacujpipish Bislam, Mitrídates, Tabeel runacunami paicunahuan cajcunandij tucushpa shuj quillcata jatun mandaj Artajerjesman cacharcacuna. Chai quillcaca arameo rimaipi quillcashcata quiquin rimaiman ch'imbachishcami carca.

ESTER 1:1

Jatun mandaj Asueroca, 127 llajtacunatami mandacurca. Pai mandacun llajtacunaca, India llajtamantaca Etiopía llajtacamami carca.

PROVERBIOS 22:21

Cai shimicunataca mana llulla cashcata yachachunpish, cai mana llullaj shimicunataca, canta cachajcunaman tigra huillagrichunpishmi quillcarcani.

DANIEL 10:1

Persia llajtata jatun mandaj Ciro quimsa huatata ña mandacujpimi, Beltsasar nishca Danielmanca, Diosca chashnataj tucuna cashcata ricuchishpa huillarca. Chashnataj tucuna cashcaca mana entendipajmi carca. Shina cajpipish, Danielca pai ricushca imata nisha nishcata entendina yuyailla tucushpaca entendircami.

DANIEL 11:25

C'ari c'ari tucushpa nina sindirij shina p'iñarishpami, ura llajtata jatun mandajhuan macanacungapaj achca soldadocunahuan ringa. Ura lado llajtata jatun mandajpish ashtahuan c'ari c'ari achca soldadocunahuan tucushpami macanacuj shayaringa. Ashtahuanpish paica paipaj soldadocunallataj umajpimi, mana mishanga.

DANIEL 7:5

Chaipaj q'uipa llujshij animaltaca osoman rijchajtami ricurcani. Paipaj shuj lado costillasca, caishuj ladota yalli alzashcami carca. Paipaj shimipica, quimsa costillatami quirucunahuan canishpa charicurca. Paitaca: Jatari, achca aichata millpugri nircami.

DANIEL 8:21

Chivoca Grecia llajtata jatun mandajtami ricuchin. Ñahuicuna chaupipi caj jatun gachuca, chai llajtapica pai punta jatun mandaj cashcatami ricuchin.

DANIEL 8:26

Muscuipi shina chishicunapi tutamantacunapi canman ricuchishcaca, chashnatajmi tucunga. Muscuipi shina ricushcataca ama huillashpa huaquichilla. Chaicunaca uni huatacuna q'uipami pajtanga” nircami.

DANIEL 8:4

Chai carnerotaca, inti huashicunman cajcunatapish, janajman cajcunatapish, uraman cajcunatapish paipaj gachucunahuan chugrichijta, ima shujtaj animalpish mana ch'imbapurai tucujta, pai llaquichicunmantaca pi mana quishpiri tucujta, pai munashcata rurashpa ashtahuan ashtahuan fuerzayuj tucujtami ricurcani.

AMÓS 3:7

Mandaj Jatun Diosca pai ima nishcata huillaj paita servijcunaman ima tucunata manaraj huillachishpaca, mana llaquichinllachu.

Juan 10:35

Maijancunapajman Taita Diospaj Shimi shamushca cajpica, chaicunataca dioscunami canguichij nishpaca, pai Quillcachishcataca maita mana p'aquipajmari.

Apocalipsis 21:5

Chai q'uipaca jatun tiyarinapi tiyacujmi cashna nirca: “Riqui, ñucaca tucui ima tiyajtami mushujta rurani. Cashnapishmi nirca. Caicunaca ima shina cana cashca shinataj pajtana mana llulla shimicunami. Chaita quillcai” nircami.