DANIEL 10:9 - Dios Rimashca Shimicunami

⁹ Shina cashpapish pai rimashcataca uyarcanimi. Pai rimajta uyashpaca yallitaj dorminaihuan shina tucushpami pambaman urisinga urmarcani.

DANIEL 10:9 Iomraidhean Croise

GÉNESIS 15:12

Ña inti huashicucuitami Abramtaca yallitaj dorminai japirca. Paipaj jahuamanca yallitaj amsa shamujpimi achcata mancharirca.

GÉNESIS 2:21

Chaimi Mandaj Taita Diosca, Adanta huañuita dormichishpa, paipaj costillamanta shuj tulluta llujshichishpa aichataca ima shina cashca shinallatataj saquirca.

JOB 33:15

Runacunamanca camapi huañuita dormicujpi tuta muscuipi ricurishpami,

JOB 4:13

Tuta muscui shina ricurishpami, tucui runacuna dormicujpi,

CANTARES 5:2

Ñuca ñahui huichcarijpipish, ñuca yuyaica rijcharishcami carca. Ñuca c'uyashcami cashna caparicushca carca: “Ñuca panilla, ñuca c'uyashcalla, ñuca palomalla, ima pandata mana rurajlla punguta pascapayari. Ñuca umata garhua shutujyachicunca. Ñuca ajchamantapish garhua yacu shutucunca” nishpami caparicushca carca.

DANIEL 10:16

Chashna shayacujpica, runaman rijchajmi ñuca shimipica, maquihuan tuparca. Chaimi ñucaca shimita pascashpa ñuca ñaupajpi cajtaca cashna nircani: “Ñuca amito, muscuipi shina ñucapi ricurijpimari yallitaj llaquirishpa fuerza illajlla tucuni.

DANIEL 8:18

Pai ñucahuan rimacujpica, ñucaca dormirishpami pambaman urisinga urmarcani. Chaimi paica ñucata japishpa jatarichishpa shayachirca.

HABACUC 3:16

Ñucaca, chai tucuitami uyarcani. Chaita uyashpaca, ñuca aichapi imalla tiyajcunapish zaillami mancharirca. Rimagrishpapish ñuca shimi jitacunaca chujchurcami. Ñuca tullucunapish ismucuj shinami carca. Ñuca yuyaipica, ña tucuricuj shinami tucurcani. Chashna cashpapish, llaquichij runa paipaj soldadocunahuan huaicashpa cai llajtaman yaicumujpipish, ñucaca chai llaqui punllapica mana imata manchashachu.

Lucas 22:45

Taita Diosta mañacushcamanta jatarishpaca, yachacujcunapajmanmi rirca. Paicunataca llaquihuan cashcamanta, dormicujtami japirca.

Lucas 9:32

Pedropish, paihuan cajcunapish dorminaihuan cashpapish mana dormishpami, Jesusca sumaj achij nicuj cashcata, paihuan parlanacucuj ishqui runacunatapish ricuracurcallacuna.

Apocalipsis 1:17

Paita ricushpaca, paipaj ñaupajpimi huañushca shina urmarcani. Chaipimi paipaj alli maquita ñuca jahuapi churashpaca, cashna nirca: Ama manchaichu. Ñucami callarichijpish, tucurichijpish cani,