DANIEL 10:8 - Dios Rimashca Shimicunami

⁸ Muscuipi shina jatun mancharinata ricunata ricungapajca ñucallami saquirircani. Ashtahuanpish alli fuerzayuj cashca cashpapish fuerza illajmi tucurcani. Tucuitaj fuerza illajmi tucurcani.

DANIEL 10:8 Iomraidhean Croise

GÉNESIS 32:31

Peniel pambamanta Jacob ña ch'imbashca q'uipami intica llujshirca. Paica changa nanaihuan cashpami, cojashpa cojashpa rirca.

ÉXODO 3:3

Chaimi Moisesca: “Nunca mana ricushcatamari ricuni. Ima nishpashi zarza yuraca mana rupan” nishpami ricunaman rirca.

DANIEL 10:16

Chashna shayacujpica, runaman rijchajmi ñuca shimipica, maquihuan tuparca. Chaimi ñucaca shimita pascashpa ñuca ñaupajpi cajtaca cashna nircani: “Ñuca amito, muscuipi shina ñucapi ricurijpimari yallitaj llaquirishpa fuerza illajlla tucuni.

DANIEL 10:17

Ñuca amito, quiquin mandashcata ruraj ñucaca, fuerzapish illaj samaillapish mana llujshicujca ¿maitataj ñuca amo quiquinhuanca rimai tucushari?” nircanimi.

DANIEL 7:28

Pai huillashca shimicunaca chaicunami. Daniel ñuca, chaita uyashpaca ñuca yuyaipica yallitaj musparishpami, ñuca ñahuipish shujtajyarcani. Shina cashpapish tucui chaicunataca ñuca shungupimi huaquichircani.

DANIEL 8:27

Chai q'uipaca Daniel ñucaca, tucui aicha ñuturishca shina saquirishpami, achca punllacunata ungushca carcani. Chaimanta jatarishpaca jatun mandajpajta imata ruracushcallatatajmi rurashpa catircani. Ashtahuanpish muscuipi shina ricushcata yuyarishpaca, manchaihuanmi carcani. Chaitaca mana entendircanichu.

DANIEL 8:7

Carneropajman chayashpaca paihuan macanacungapaj shayarishpami chugrichishpa ishquindij gachucunata p'aquirca. Carneroca paihuan macanacungapajca mana fuerzata charircachu. Chaimi chai carnerotaca pambapi urmachishpa sarurca. Chai carnerota mitsajca pi mana tiyarcachu.

HABACUC 3:16

Ñucaca, chai tucuitami uyarcani. Chaita uyashpaca, ñuca aichapi imalla tiyajcunapish zaillami mancharirca. Rimagrishpapish ñuca shimi jitacunaca chujchurcami. Ñuca tullucunapish ismucuj shinami carca. Ñuca yuyaipica, ña tucuricuj shinami tucurcani. Chashna cashpapish, llaquichij runa paipaj soldadocunahuan huaicashpa cai llajtaman yaicumujpipish, ñucaca chai llaqui punllapica mana imata manchashachu.

Mateo 17:6

Chaita uyashpami yachacujcunaca achcata mancharishpa cungurishpa urisinga sirirircacuna.

Marcos 9:6

Tucuicuna manchaihuan cashcamantami, Pedroca imata rimacushcata mana yachashpa chashna nirca.

Juan 16:32

Ñucallata saquishpa, cancuna maita ri tucushcata, caita chaita rinami chayamucun. Chaica ñami chayamun. Chashna rurajpipish mana ñucallachu cani, Yayaca ñucahuanmari.

2 Corintios 12:7

Dios ricuchishcacunahuan ama jatun tucuchunca Satanás cachashcamari. Garrochahuan tujsij shina ñuca aichapi jatun nanaita curca. Chaimi ñuca ama yalli jatun tucuchun, ñucataca huajtashpa llaquichicunlla.

Apocalipsis 1:17

Paita ricushpaca, paipaj ñaupajpimi huañushca shina urmarcani. Chaipimi paipaj alli maquita ñuca jahuapi churashpaca, cashna nirca: Ama manchaichu. Ñucami callarichijpish, tucurichijpish cani,