DANIEL 10:6 - Dios Rimashca Shimicunami

⁶ Paipaj cuerpoca, berilo shinami carca. Paipaj ñahuica relampa shina achij nicujmi carca. Paipaj ñahui luluncunaca nina sindi shinami carca. Paipaj rigracuna, paipaj chaquicunaca bronceta llambujllata rurashca shina achij nicujmi carca. Pai rimashcaca achcacuna jatunta bullacuj shinami uyarirca.

DANIEL 10:6 Iomraidhean Croise

ÉXODO 28:20

Chuscu filapica shujca berilo, caishujca ónice, chaishujca jaspe cachun. Chai tucui rumicuna muyundijtaca curimanta rurashcahuan canichishpa churashca cachun.

CANTARES 5:14

Paipaj maquicunaca, curi sortijascunapi achij nicuj jacinto rumita churachishca shinamari. Paipaj aichaca, yurajlla marfilta zafiro rumicunahuan llutachishca shinamari.

EZEQUIEL 1:14

Chai causajcunaca callpashpapish, relampacuna shinami cutin tigrarcacuna.

EZEQUIEL 1:16

Chai ruedacunaca crisólito rumiman rijchaj colorta rurashcami carca. Chai ruedacunaca chuscundij chai shinallatajmi carca. Chashna sumajta rurashca cashpami, chaupi ruedata shujtaj ruedata quinriman churachishca shina ricurirca.

EZEQUIEL 1:24

Paicuna puricujpica, paicunapaj alascunaca achca yacu huajiashca shinapish, Tucuita Rurai Tucuj Dios rimashca shinapish, achca runacuna puricuj shinapish, soldadocuna puricuj shinapishmi uyarirca. Paicuna shayarishpaca, alascunataca urichircacunami.

EZEQUIEL 1:7

Paicunapaj chaquicunaca, derechomi carca. Chaqui shungucunapish, bizipaj chaqui shungu shinami carca. Llambujlla bronce shina achij nicujmi carca.

EZEQUIEL 10:9

Chai querubincunapaj c'uchupica, chuscu ruedacunatapishmi ricurcani. Chai ruedacunaca querubincunapaj c'uchupimi carca. Cada querubinpaj c'uchupimi, shuj rueda tiyarca. Chai ruedacunaca crisólito rumiman rijchaj colorta rurashcami carca.

EZEQUIEL 40:3

Chaimanmi ñucataca pushashpa rirca. Chaipica bronceman rijchaj achij nicuj runatami ricurcani. Paica lino cordeltapish, medina caspitapish maquipi aisashcami pungupi shayacurca.

EZEQUIEL 8:2

Chaimantaca ñapish runaman rijchajtami ricurcani. Chai runaca cinturamanta urimanca ninahuanmi carca, cinturamanta huichimanca broncetajllami achij nicurca.

Mateo 17:2

Chaipimi Jesusca paicunapaj ñaupajpi shujtajyarirca. Paipaj ñahuipish inti shina lamyacujmi tucurca. Paipaj churanacunapish, luz shina yurajllami tucurca.

Mateo 28:3

Paica relampa achij nij shinami ricurirca. Churashcapish rasu shina yurajllami carca.

Lucas 9:29

Jesús mañacushpaca ñahuipish shujtajyarishpa, churanapish lamyacuj yurajllami tucurca.

Apocalipsis 10:1

Chai q'uipaca, p'uyuhuan pillurishca imatapish rurai tucuj shujtaj ángel cielomanta uriyacujtami ricurcani. Paipaj uma jahuapipish shuj cuichitami charirca. Ñahuipish inti shina achij nicujmi carca. Changacunapish lunyacuj nina shinami carca.

Apocalipsis 19:12

Paipaj ñahui luluncunapish lunyacuj nina shinami carca. Umapipish achca coronacunata churashca, pi mana yachashca pailla yachashca shutita quillcashcatapishmi charirca.

Apocalipsis 2:18

Tiatira pueblopi caj tandanacushca crijcunapaj angelmanpish quillcai: “Ñahuicunapish lunyacuj nina shina, chaquicunapish llambuyachishca bronceman rijchaj shina caj, Diospaj Churica cashnami nin:

Apocalipsis 21:20

chuscupaj q'uipaca ónice, pichcapaj q'uipaca cornalina, sujtapaj q'uipaca crisólito, canchispaj q'uipaca berilo, pusajpaj q'uipaca topacio, iscunpaj q'uipaca crisopraso, chungapaj q'uipaca jacinto, chunga shujpaj q'uipaca amatista nishca rumicunami carca.